Donald Trump: ટ્રમ્પ સરકારનું મોટું એલાન..હવે આ વસ્તુ નહીં લાગે ટેરિફ

• ટ્રમ્પ સરકારનું મોટું એલાન
• ટેકનોલોજી ઉત્પાદનોને મુક્તિની જાહેરાત કરી
• નવા ટેરિફમાંથી બાકાત રાખવામાં આવશે.

Donald Trump: અમેરિકાના રાષ્ટ્રપ્રમુખ ડોનાલ્ડ ટ્રમ્પ બીજી વખત ચૂંટાયા ત્યારથી દરરોજ કોઈને કોઈ ચોંકાવનારા (Donald Trump)નિર્ણયો લેતા નજરે પડી રહ્યા છે. બાદમાં તેઓ તે નિર્ણયમાં મોટા ફેરફાર કરતા પણ જોવા મળ્યા છે. ટ્રમ્પે ચીની વસ્તુઓની આયાત પર ભારે ટેરિફ મૂકીને ટ્રેડવૉરની શરૂઆત કરી છે. ટ્રમ્પે દુનિયાના અનેક દેશો પર ટેરિફની જાહેરાત કરી હતી, જોકે બાદમાં નિર્ણય પાછો ખેંચીને 90 દિવસનો સમય આપ્યો હતો.ત્યારે હવે બ્લૂમબર્ગના અહેવાલ અનુસાર ટ્રમ્પે અમુક વસ્તુઓને ટેરિફમાં છૂટ આપવાનો નિર્ણય લીધો છે. અહેવાલ અનુસાર સ્માર્ટફોન, લેપટોપ અને સેમીકંડક્ટર ચિપ્સ પર રેસિપ્રોકલ ટેરિફ નહીં લાગે.

કોને ફાયદો

આ પગલું ખાસ કરીને એપલ જેવી મોટી ટેક કંપનીઓ માટે મહત્વપૂર્ણ છે, જે ચીનમાં તેમના મોટાભાગના ઉત્પાદનોનું ઉત્પાદન અને એસેમ્બલ કરે છે. બ્લૂમબર્ગે યુએસ કસ્ટમ્સ અને બોર્ડર પ્રોટેક્શન ડિપાર્ટમેન્ટની નોટિસને ટાંકીને અહેવાલ આપ્યો છે કે આ મુક્તિ 5 એપ્રિલથી યુએસ સરહદમાં પ્રવેશતા અથવા વેરહાઉસમાંથી દૂર કરવામાં આવતા ઉત્પાદનો પર લાગુ થશે.

આ પણ  વાંચો -US China Trade War : રશિયાની જેમ ચીનને બર્બાદ કરી નાખવાનો અમેરિકાનો પ્લાન

એપલને લોટરી

એક અમેરિકન એજન્સીના અંદાજ મુજબ, એપલના 90 ટકાથી વધુ આઇફોન ચીનમાં બને છે, આ ઉપરાંત, આ મુક્તિના દાયરામાં આવતા અન્ય ટેકનોલોજી ઉત્પાદનોમાં ટેલિકોમ સાધનો, ચિપ ઉત્પાદન મશીનો, રેકોર્ડિંગ ઉપકરણો, ડેટા પ્રોસેસિંગ મશીનો અને પ્રિન્ટેડ સર્કિટ બોર્ડ એસેમ્બલીનો સમાવેશ થાય છે. આ સામાન્ય રીતે યુ.એસ.માં ઉત્પન્ન થતા નથી. #Breaking #Apple

આ પણ  વાંચો -અમેરિકામાં 24 કલાકમાં બે હવાઈ દુર્ઘટનાઓ, હવે દક્ષિણ ફ્લોરિડામાં વિમાન દુર્ઘટનાગ્રસ્ત

અલગ ટેરિફની વિચારણા

નિષ્ણાતો માને છે કે અમેરિકામાં આ ઉત્પાદનો માટે સ્થાનિક ઉત્પાદન સુવિધાઓ સ્થાપિત કરવામાં ઘણા વર્ષો લાગી શકે છે. આવી સ્થિતિમાં આ મુક્તિ ચોક્કસપણે અમેરિકન ટેક કંપનીઓને કામચલાઉ રાહત આપશે. જોકે, અહેવાલો સૂચવે છે કે આ નિર્ણય કામચલાઉ હોઈ શકે છે, તેથી એવું માનવામાં આવે છે કે ટૂંક સમયમાં આ ઉત્પાદનો પર અલગ ટેરિફ લાદવામાં આવી શકે છે, જે ચીન માટે ઓછા હોવાની શક્યતા છે.