Donald Trump : સૌથી મોટા સમાચાર, ટ્રમ્પે ભારત પર 50 ટકા ટેરિફની કરી જાહેરાત

• ડોનાલ્ડ ટ્રમ્પ ટેરિફના મામલે છેલ્લી કક્ષાએ ઉતર્યાં!
• ટ્રમ્પે ભારત પર 50 ટકા ટેરિફની કરી જાહેરાત
• 25 ટકા ટેરિફ પર વધુ 25 ટેરિફની જાહેરાત કરી
• ભારત સાથે ટ્રેડ ડિલ પૂર્વે ટ્રમ્પની લુખ્ખી દાદાગીરી

Donald Trump : અમેરિકાના રાષ્ટ્રપતિ ડોનાલ્ડ ટ્રમ્પે ફરી (Donald Trump )એકવાર ભારત પર ટેરિફ બોમ્બ ફોડ્યો છે. બુધવારે સાંજે ટ્રમ્પે ભારત પર વધારાના 25% ટેરિફ લાદવાના એક્ઝિક્યુટિવ ઓર્ડર પર હસ્તાક્ષર કર્યા. અમેરિકાએ કહ્યું કે ભારત દ્વારા રશિયન તેલની સતત ખરીદીના જવાબમાં આ નિર્ણય લેવામાં આવ્યો છે. આ સાથે, અમેરિકાએ ભારત પર કુલ 50% ટેરિફ લાદવાની જાહેરાત કરી છે.હકીકતમાં, આ પહેલા અમેરિકાએ ભારત પર 25 ટકા ટેરિફ અને દંડની જાહેરાત કરી હતી. ટ્રમ્પે કહ્યું હતું કે આ પાછળનું કારણ રશિયા પાસેથી તેલ ખરીદવું હતું.

27 ઓગસ્ટ 2025 થી અમલમાં આવશે.

ટ્રમ્પનો આ એક્ઝિક્યુટિવ ઓર્ડર 21 દિવસ પછી એટલે કે 27 ઓગસ્ટ 2025 થી અમલમાં આવશે. આ સાથે, અમેરિકાએ હવે ભારત પર કુલ 50 ટકા ટેરિફ લાદ્યો છે. જોકે, જે માલ આ તારીખ પહેલાં રવાના થયો છે અને 17 સપ્ટેમ્બર, 2025 પહેલાં યુએસ પહોંચ્યો છે, તેમને આ ડ્યુટીમાંથી મુક્તિ આપવામાં આવશે. આદેશમાં સ્પષ્ટતા કરવામાં આવી છે કે આ ટેરિફ અન્ય તમામ ડ્યુટી અને કર ઉપરાંત હશે અને અમુક કિસ્સાઓમાં છૂટ પણ આપી શકાય છે.

આ પણ  વાંચો -Trump Warns :ટ્રમ્પની નજર ભારતના આ સેક્ટર પર ? 250 ટકા ટેરિફ લાદવાની તૈયારી!

ટ્રમ્પ વહીવટીતંત્રે સંકેત આપ્યો (Donald Trump )

ટ્રમ્પ વહીવટીતંત્રે સંકેત આપ્યો છે કે જો કોઈ અન્ય દેશ રશિયા પાસેથી સીધી કે આડકતરી રીતે તેલ આયાત કરે છે, તો તેની સામે પણ આવી જ કાર્યવાહી થઈ શકે છે. ઉપરાંત, જો રશિયા કે અન્ય કોઈ અસરગ્રસ્ત દેશ યુએસ નીતિઓ અનુસાર પગલાં લે છે, તો આ ક્રમમાં ફેરફાર પણ શક્ય છે.

આ પણ  વાંચો -Chikungunya Virus : ચીનમાં કોરોના બાદ હવે ચિકનગુનિયાનો કહેર, 7000 કેસ મળતા તંત્રએ જાહેર કર્યુ એલર્ટ