• અમેરિકાના ટેક્સાસમાં ફાયરિંગમાં 3 મોત
• ફાયરિંગની ઘટનામાં અનેક લોકો ઈજાગ્રસ્ત
• હુમલા બાદ કાર ચોરી કરીને આરોપી ફરાર
• શોપિંગ સેન્ટરના પાર્કિંગમાં ઘટનાથી હડકંપ
• પોલીસના મતે આરોપી માનસિક અસ્વસ્થ

Firing in Texas : અમેરિકાના ટેક્સાસ રાજ્યમાં એક ચોંકાવનારી ઘટના સામે આવી છે, જ્યાં ટાર્ગેટ કંપનીના સ્ટોર (Target company store) ના પાર્કિંગ લોટમાં બંદૂકધારીએ અચાનક જ ગોળીબાર (Firing) શરૂ કર્યો. આ ઘટનામાં 3 લોકોના મોત થયાં, જ્યારે અનેક લોકો ઘાયલ (Injured) થયા. હુમલાખોરે ઘટના બાદ એક કાર ચોરીને ભાગવાનો પ્રયાસ કર્યો, પરંતુ પોલીસે તેને શહેરના અન્ય ભાગમાંથી ઝડપી લીધો.

ઘટનાની વિગતો

આ ઘટના ટેક્સાસના ઓસ્ટિન શહેરમાં બની, જ્યાં ટાર્ગેટ સ્ટોર (Target store) ના પાર્કિંગમાં અચાનક ગોળીબાર (Firing) શરૂ થયો. પોલીસના જણાવ્યા મુજબ, હુમલાખોર આશરે 30 વર્ષનો છે અને તેનું માનસિક સ્વાસ્થ્ય સ્થિર નથી. ગોળીબાર બાદ તેણે ઘટનાસ્થળેથી એક કાર ચોરીને ભાગવાનો પ્રયાસ કર્યો. આ કારને નુકસાન પહોંચાડ્યા બાદ તેણે ડીલરશીપમાંથી બીજી કાર ચોરી લીધી. પોલીસે તેને ઝડપી લઈને તપાસ શરૂ કરી છે.

In a shooting at a #Texasshoppingcenter parking lot, three people were killed, several injured, and the mentally unstable suspect fled after stealing a car, causing widespread panic.#USA #Firing #America #Shooting #shoppingstore pic.twitter.com/bUJA78Ahc7

— Hardik Shah (@Hardik04Shah) August 12, 2025

મૃત્યુ અને ઘાયલો

અધિકારીઓના જણાવ્યા અનુસાર, ગોળીબારમાં 2 લોકોના ઘટનાસ્થળે જ મોત થયાં, જ્યારે 1 વ્યક્તિને હોસ્પિટલમાં લઈ જવામાં આવ્યો, પરંતુ તેનું પણ મોત નીપજ્યું. આ ઉપરાંત, અનેક લોકો ગંભીર રીતે ઘાયલ થયા, જેમની હોસ્પિટલમાં સારવાર ચાલી રહી છે. આ ઘટનાએ સમગ્ર વિસ્તારમાં હડકંપ મચાવી દીધો.

Firing બાદ સ્ટોરની પ્રતિક્રિયા

ગોળીબારની ઘટનાની જાણ થતાં જ ટાર્ગેટ સ્ટોરના કર્મચારીઓએ તાત્કાલિક સ્ટોરના દરવાજા બંધ કરી દીધા, જેથી વધુ લોકોની સુરક્ષા સુનિશ્ચિત થાય. એક કર્મચારીએ જણાવ્યું કે, તેણે પાર્કિંગ લોટમાં લોકોને ગભરાટમાં પોતાની કાર છોડીને ભાગતા જોયા. આ ઘટનાએ સ્થાનિક લોકોમાં ભયનો માહોલ ઊભો કર્યો.

સ્થાનિક અધિકારીઓનું નિવેદન

ઓસ્ટિનના મેયરે આ ઘટના પર ઊંડું દુ:ખ વ્યક્ત કર્યું અને પીડિતોના પરિવારો પ્રત્યે સંવેદના વ્યક્ત કરી. તેમણે પોલીસની કામગીરીની પ્રશંસા કરી અને લોકોને શાંતિ જાળવવા અપીલ કરી. પોલીસ આ ઘટનાના કારણો અને આરોપીની પૃષ્ઠભૂમિની તપાસ કરી રહી છે.

તાજેતરની અન્ય ઘટના

આ ઘટના એવા સમયે બની છે, જ્યારે 2 અઠવાડિયા પહેલાં મિશિગનના ટ્રેવર્સ સિટીમાં વોલમાર્ટ સ્ટોરમાં એક હુમલાખોરે છરી વડે 11 લોકો પર હુમલો કર્યો હતો. આ હુમલાખોર પર આતંકવાદ અને હત્યાના પ્રયાસના આરોપો લાગ્યા છે. આવી ઘટનાઓથી અમેરિકામાં હિંસા અને સુરક્ષાનો પ્રશ્ન ફરી ચર્ચામાં આવ્યો છે.

આ પણ વાંચો :  અમેરિકાના કેન્ટુકીમાં ચર્ચમાં અંધાધૂંધ ફાયરિંગ! 2 મહિલાના મોત, હુમલાખોર પણ ઠાર