• નેતન્યાહુ ભ્રષ્ટાચાર કેસમાં ફસાયા, કોર્ટનો કડક નિર્ણય
• ગાઝા અને લેબનોન યુદ્ધ વચ્ચે નેતન્યાહુની કાનૂની મુશ્કેલીઓ વધી
• ઈઝરાયેલના વડાપ્રધાન નેતન્યાહુના ભ્રષ્ટાચાર કેસ પર કોર્ટનું કડક વલણ

ઈઝરાયેલના વડાપ્રધાન બેન્જામિન નેતન્યાહુ (Benjamin Netanyahu), ગાઝા અને લેબનોનમાં ચાલી રહેલા યુદ્ધ વચ્ચે, ભ્રષ્ટાચારના કેસમાં કાનૂની મુશ્કેલીમાં ફસાયા છે. 2016માં લગાવવામાં આવેલા આ આરોપોમાં હવે કોર્ટ દ્વારા એવું કડક વલણ અપનાવવામાં આવ્યું છે કે તેઓ પોતાનું કેસ આગળ વધારવા માટે સમયની માગ કરી શકશે નહીં. કોર્ટે હવે સ્પષ્ટતાપૂર્વક 2 ડિસેમ્બરે તેમને કોર્ટમાં હાજર થવા માટેનું નિર્દેશ આપ્યો છે.

કેસના પૃષ્ઠભૂમિ અને કોર્ટના તાજેતરના નિર્ણય

એક અહેવાલ મુજબ, વડાપ્રધાનના સહયોગી અમિત સહગલે જણાવ્યું કે, PM નેતન્યાહુ વધુ સમય માગી રહ્યા નથી અને 2 ડિસેમ્બરે કોર્ટમાં હાજર થઈને પોતાના પક્ષમાં દલીલો પ્રસ્તુત કરશે. આ કેસ, જે છેલ્લા જુલાઈ મહિનાથી પેન્ડિંગ છે, તેમાં નેતન્યાહુની ટીમ દ્વારા સતત સમય માગવામાં આવી રહ્યો હતો. પ્રધાનમંત્રીએ વિવિધ બાબતોનો ઉલ્લેખ કરીને કેસને મુલતવી રાખવાની માગણી કરી હતી, પરંતુ કોર્ટે હવે આ માગણીને નકારી દીધી છે.

ભ્રષ્ટાચારના કેસની વિગતો અને આરોપો

નેતન્યાહુ સામેના ભ્રષ્ટાચારના કેસમાં 3 મુખ્ય કેસોને મર્જ કરવામાં આવ્યા છે, જેનાથી આ કેસ વધુ જટિલ બન્યો છે. આ કેસોને "કેસ 1000", "કેસ 2000" અને "કેસ 4000" તરીકે ઓળખવામાં આવે છે.

કેસ 1000: આ કેસમાં વડાપ્રધાન પર આરોપ છે કે તેમણે હોલીવુડના નિર્માતા આર્નોન મિલ્ચન અને ઓસ્ટ્રેલિયન અબજોપતિ જેમ્સ પેકરની પાસેથી આશરે 30,000 ડોલરની કિંમતી ભેટ લીધી. આ ભેટો, જેમ કે મોંઘા સિગરેટ અને લક્ઝરી વસ્તુઓમાં હતી. આના બદલામાં, આરોપ છે કે વડાપ્રધાને આ ઉદ્યોગપતિઓને નાણા મંત્રાલય તરફથી ટેક્સમાં છૂટ આપી.

કેસ 2000: આ કેસમાં નેતન્યાહુ પર આરોપ છે કે તેમણે ઇઝરાયેલના અગ્રણી અખબાર "યેડિઅટ અહરોનોટ"ના પ્રકાશક સાથે તેના હકારાત્મક કવરેજ માટે વ્યૂહાત્મક વાટાઘાટો કરી હતી. આ વ્યવસ્થાને કારણે નેતન્યાહુના હિતમાં અખબારમાં હકારાત્મક સમાચારો પ્રકાશિત થાય એવી આશા રાખવામાં આવી હતી.

કેસ 4000: ત્રીજા કેસમાં શૌલ અલોવિચ નામના ટેલિકોમ બિઝનેસમેને PM નેતન્યાહુને મોંઘી ભેટ આપી હતી. તેમની વિચારસરણી હતી કે આમ કરવાથી PM દેશમાં તેમના વ્યવસાયિક હિતોને અવરોધે નહીં.

આ પણ વાંચો:  Trump ની જીતથી નારાજ Americans માટે આ ક્રૂઝ કંપની લઇને આવી શાનદાર ઓફર!