200 લોકોને લઈ જતું મેક્સીકન નેવીનું જહાજ ન્યુયોર્કના બ્રુકલિન બ્રિજ સાથે અથડાયું, ચોંકાવનારો વિડીયો સામે આવ્યો

• મેક્સીકન નેવીનું જહાજ ન્યુયોર્કના બ્રુકલિન બ્રિજ સાથે અથડાયું
• અકસ્માતમાં અનેક લોકો ઘાયલ થયા હોવાની માહિતી
• દુર્ઘટના સમયે જહાજમાં 277 લોકો સવાર હતા

Mexican Navy Ship: મેક્સિકન નૌકાદળનું એક જહાજ શનિવારે ન્યૂયોર્કના બ્રુકલિન બ્રિજ સાથે અથડાયું હતું. આ અકસ્માતમાં ઘણા લોકો ઘાયલ થયા હોવાની માહિતી બહાર આવી રહી છે. આ દુર્ઘટના ત્યારે થઈ જ્યારે જહાજ પૂર્વ નદીમાંથી પસાર થઈ રહ્યું હતું. આ દરમિયાન જહાજનો ઉપરનો ભાગ પુલ સાથે અથડાયો હતો. આ અકસ્માતમાં અનેક લોકો ઘાયલ થયા હોવાની પણ માહિતી મળી રહી છે. જણાવવામાં આવી રહ્યું છે કે દુર્ઘટના સમયે જહાજમાં 277 લોકો સવાર હતા.

ન્યૂ યોર્ક ફાયર ડિપાર્ટમેન્ટના પ્રેસ ડેસ્કે પુષ્ટિ આપી

ન્યૂ યોર્ક ફાયર ડિપાર્ટમેન્ટના પ્રેસ ડેસ્કે પુષ્ટિ આપી હતી કે અધિકારીઓ અકસ્માતમાં ઘાયલ થયેલા લોકોના અહેવાલોનો જવાબ આપી રહ્યા છે, પરંતુ કેટલા લોકો ઘાયલ થયા છે અને તેઓ જહાજ પર હતા કે પુલ પર, તે અંગે કોઈ માહિતી આપી નથી.

ઘટનાનો વીડિયો વાયરલ

આ ઘટનાનો એક વીડિયો પણ સોશિયલ મીડિયા પર વાયરલ થઈ રહ્યો છે, જેમાં જોઈ શકાય છે કે જહાજનો ઉપરનો ભાગ, જેના પર મેક્સિકોનો એક વિશાળ, લીલો, સફેદ અને લાલ ઝંડો લહેરાતો હતો, તે બ્રુકલિન બ્રિજ સાથે અથડાઈને નીચે પડે છે અને તેની સામે ઘસાઈ જાય છે. આ પછી જહાજ નદી કિનારે આગળ વધે છે.

આ પણ વાંચો :  IIT બોમ્બે એ તુર્કીયે સાથેના તમામ સંબંધો સ્થગિત કર્યા

મેક્સીકન નૌકાદળે X પર પોસ્ટ કરી

મેક્સીકન નૌકાદળે સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે તેનું પ્રશિક્ષણ જહાજ "Cuauhtemoc" બ્રુકલિન બ્રિજ સાથેના અકસ્માતમાં ક્ષતિગ્રસ્ત થયું હતું, જેના કારણે તેની સફર અટકી ગઈ હતી. નેવીએ જણાવ્યું હતું કે નેવી અને સ્થાનિક અધિકારીઓ કર્મચારીઓ સામગ્રીની સ્થિતિની સમીક્ષા કરી રહ્યા છે, અને સહાય પૂરી પાડવામાં આવી રહી છે.

આ પણ વાંચો :  Israel Attack on Gaza: ગાઝામાં ઇઝરાયલનો ભયંકર હુમલો,150 લોકોના મોત

'Cuauhtemoc' એક તાલીમ જહાજ છે જે મેક્સીકન નેવલ સ્કૂલમાં વર્ગો પછી કેડેટ્સની તાલીમ પૂર્ણ કરવા માટે દરિયાઈ સફર પર જાય છે. નૌકાદળના જણાવ્યા અનુસાર, જહાજ આ વર્ષે 6 એપ્રિલના રોજ મેક્સિકોના પેસિફિક કિનારે આવેલા એકાપુલ્કો બંદરથી 277 લોકો સાથે રવાના થયું હતું.

15 દેશોના 22 બંદરો પર રોકાવાનો કાર્યક્રમ હતો

તમને જણાવી દઈએ કે આ જહાજ કિંગસ્ટન (જમૈકા), હવાના (ક્યુબા), કોઝુમેલ (મેક્સિકો) અને ન્યૂયોર્ક સહિત 15 દેશોના 22 બંદરો પર રોકાવાનું હતું. વધુમાં, તે રેકજાવિક (આઇસલેન્ડ), બોર્ડેક્સ, સેન્ટ માલો અને ડંકર્ક (ફ્રાન્સ) અને એબરડીન (સ્કોટલેન્ડ) જેવા સ્થળોની મુલાકાત લેવાનું હતું. કુલ 254 દિવસની આ યાત્રામાં 170 દિવસ દરિયામાં અને 84 દિવસ બંદરો પર વિતાવવાનું આયોજન હતું. દરમિયાન, અકસ્માત બાદ સ્થાનિક અને મેક્સીકન સત્તાવાળાઓ આ મામલે તપાસ કરી રહ્યા છે.

આ પણ વાંચો :  US Tornado: અમેરિકામાં ભીષણ વાવાઝોડાથી તબાહી, 21 લોકોના મોત