• પાકિસ્તાનમાં ફરી એક વખત આતંકી હુમલાની ઘટના સામે આવી છે
• પોલીસ ચોકીને ઘેરીને તેના પર અંધાધૂંધ ગોળીબાર કરવામાં આવ્યો
• એક પોલીસ જવાનનું મોત અન્ય ગંભીર ઇજાગ્રસ્ત રીતે ઘાયલ થયો હોવાનું સામે આવ્યું

Pakistan Terror Attack : સોમવારે ઉત્તરપશ્ચિમ પાકિસ્તાનના ખૈબર પખ્તુનખ્વા (Pakistan Khaibar Pakhatunwa Terror Attack) પ્રાંતમાં પોલીસ ચોકી પર થયેલા આતંકવાદી હુમલામાં એક પોલીસકર્મીનું મોત થયું હતું અને એક અર્ધલશ્કરી સૈનિક ઘાયલ થયો હતો. પોલીસે આ હુમલા અંગે માહિતી આપી છે. પોલીસના જણાવ્યા અનુસાર, કોહાટ જિલ્લાના દારા આદમ ખેલ સ્થિત તોર ચપ્પુર પોલીસ ચોકી પર રાત્રે લગભગ 1 વાગ્યાની આસપાસ અજાણ્યા હુમલાખોરોએ અનેક બાજુથી ગોળીબાર કર્યો હતો. આ ગોળીબારથી સમગ્ર વિસ્તાર હચમચી ગયો હતો.

અઢી કલાક ચાલેલી ગોળીબાર

કોહાટ જિલ્લા પોલીસ અધિકારી ઝાહિદુલ્લાહ ખાને જણાવ્યું હતું કે, પોલીસ અને હુમલાખોરો (Pakistan Khaibar Pakhatunwa Terror Attack) વચ્ચે અઢી કલાક ચાલેલી ગોળીબારમાં એક પોલીસકર્મીનું મોત થયું હતું અને એક સૈનિક ઘાયલ થયો હતો. ઝાહિદુલ્લાહે જણાવ્યું હતું કે, હુમલાખોરોનો ઉદ્દેશ્ય ચોકી પર કબજો કરવાનો હતો, પરંતુ તેમનો પ્રયાસ નિષ્ફળ બનાવવામાં આવ્યો હતો. તેમણે ઉમેર્યું કે, પોલીસે ત્રણ વિસ્ફોટક ઉપકરણો જપ્ત કર્યા છે અને સર્ચ ઓપરેશન ચાલુ છે.

ખૈબર પખ્તુનખ્વાના રાજ્યપાલે નિંદા કરી

ખૈબર પખ્તુનખ્વાના (Pakistan Khaibar Pakhatunwa Terror Attack) રાજ્યપાલ ફૈઝલ કરીમ કુંડીએ આતંકવાદી હુમલાની કડક નિંદા કરી હતી. કુંડીએ ઘાયલ અર્ધલશ્કરી જવાનોના ઝડપી સ્વસ્થ થવાની પણ કામના કરી હતી. ખૈબર પખ્તુનખ્વાના બન્નુ જિલ્લામાં અજાણ્યા હુમલાખોરો દ્વારા કરવામાં આવેલી ગોળીબારમાં એક સૈનિકનું મોત અને એક ઘાયલ થયાના એક દિવસ પછી આ હુમલો થયો છે.

આ પહેલા પણ હુમલાઓ થયા છે

ખૈબર પખ્તુનખ્વામાં (Pakistan Khaibar Pakhatunwa Terror Attack) સુરક્ષા કર્મચારીઓ પર આ પહેલો હુમલો નથી. અહીં આતંકવાદી ઘટનાઓ વારંવાર બનતી રહી છે. તાજેતરમાં, અજાણ્યા બંદૂકધારીઓએ ફ્રન્ટિયર કોર્પ્સના વાહન પર હુમલો કર્યો હતો. ત્યારબાદ થયેલી ગોળીબારમાં એક સુરક્ષા કર્મચારીનું મોત થયું હતું અને બીજો ઘાયલ થયો હતો. આ હુમલો ઉત્તર વઝીરિસ્તાનની સરહદે આવેલા બન્નુ જિલ્લામાં થયો હતો.

આ પણ વાંચો ----  ગાઝા-ઈઝરાયેલની શાંતિ વાર્તા વચ્ચે ડોનાલ્ડ ટ્રમ્પ નેતન્યાહૂ પર થયા ગુસ્સે, આપી દીધી ગાળ