Bangladesh માં અલ્પસંખ્યકોની સુરક્ષાને લઈને PM મોદી સખ્ત, મોહમ્મદ યુનુસે કહ્યું- મોટાભાગના સમાચાર ખોટા છે

• PM મોદીએ મોહમ્મદ યુનુસ સાથે મુલાકાત કરી
• બાંગ્લાદેશમાં અલ્પસંખ્યકો પર હુમલાના અહેવાલો પર ચર્ચા
• બાંગ્લાદેશમાં લોકશાહી અને સમાવેશી ચૂંટણીઓ જરૂરી

PM Modi Meets Muhammad Yunus: પ્રધાનમંત્રી નરેન્દ્ર મોદી અને બાંગ્લાદેશના મુખ્ય સલાહકાર પ્રોફેસર મુહમ્મદ યુનુસ બેંગકોકમાં BIMSTEC સમિટ દરમિયાન મળ્યા હતા. આ બેઠકમાં પીએમ મોદીએ બાંગ્લાદેશમાં હિન્દુઓ અને અન્ય અલ્પસંખ્યકોની સુરક્ષા અંગે ચિંતા વ્યક્ત કરી અને તેમના પર થયેલા હુમલાઓની સંપૂર્ણ તપાસની માંગ કરી. દરમિયાન મોહમ્મદ યુનુસે પીએમ મોદીને કહ્યું કે બાંગ્લાદેશમાં લઘુમતીઓ પર હુમલાના મોટાભાગના અહેવાલો ખોટા અને અતિશયોક્તિપૂર્ણ છે. યુનુસે કહ્યું કે તેમની સરકાર આવી ઘટનાઓ પર નજીકથી નજર રાખી રહી છે અને તેને રોકવા માટે ગંભીર પગલાં લઈ રહી છે. તેમણે પીએમ મોદીને કહ્યું કે તેઓ પત્રકારોને બાંગ્લાદેશ મોકલીને આ ઘટનાઓની તપાસ પોતે કરાવી શકે છે.

બાંગ્લાદેશમાં લોકશાહી અને સમાવેશી ચૂંટણીઓ જરૂરી

પ્રધાનમંત્રી મોદીએ આશા વ્યક્ત કરી કે બાંગ્લાદેશ સરકાર અલ્પસંખ્યકોની સુરક્ષાને ગંભીરતાથી લેશે અને આ ઘટનાઓની યોગ્ય રીતે તપાસ કરશે. પીએમ મોદીએ કહ્યું કે બાંગ્લાદેશમાં લોકશાહી અને સમાવેશી ચૂંટણીઓ જરૂરી છે જેથી દેશ સ્થિર અને પ્રગતિશીલ બને. આ ઉપરાંત, ભૂતપૂર્વ વડા પ્રધાન શેખ હસીનાના પ્રત્યાર્પણ અંગે પણ ચર્ચા થઈ હતી, પરંતુ ભારતીય વિદેશ સચિવે આ અંગે વધુ કંઈ કહ્યું નહીં. બંને નેતાઓએ તેમની મુલાકાતને સકારાત્મક ગણાવી અને એકબીજાને સારા સ્વાસ્થ્ય, શાંતિ અને બંને દેશોના લોકો માટે પ્રગતિની શુભેચ્છા પાઠવી.

આ પણ વાંચો :  Thailand બાદ PM મોદી પહોંચ્યા Sri Lanka, જાણો આ મુલાકાત ભારત માટે કેમ છે ખાસ

ગેરકાયદેસર સરહદ ક્રોસિંગ અટકાવવું જરૂરી

પ્રધાનમંત્રી મોદીએ મોહમ્મદ યુનુસને કહ્યું કે સરહદ સુરક્ષા અને સ્થિરતા જાળવવા માટે કાયદાનો કડક અમલ અને ગેરકાયદેસર સરહદ ક્રોસિંગને રોકવા (ખાસ કરીને રાત્રે) ખૂબ જ મહત્વપૂર્ણ છે. અહીં મીડિયા સાથે વાત કરતા વિદેશ સચિવ વિક્રમ મિશ્રીએ કહ્યું, "બાંગ્લાદેશે શેખ હસીના અંગે ઔપચારિક વિનંતી કરી છે. આ બાબતે વધુ કંઈ કહેવું મારા માટે યોગ્ય રહેશે નહીં."

PM મોદીએ ટ્વીટ કરીને આ વાત કહી

પ્રધાનમંત્રી મોદીએ સોશિયલ મીડિયા પ્લેટફોર્મ 'X' પર પ્રકાશિત એક પોસ્ટમાં કહ્યું, " હું બાંગ્લાદેશની વચગાળાની સરકારના મુખ્ય સલાહકાર શ્રી મોહમ્મદ યુનુસને મળ્યો. ભારત બાંગ્લાદેશ સાથે રચનાત્મક અને જન-કેન્દ્રિત સંબંધો માટે પ્રતિબદ્ધ છે. PMએ કહ્યું, મેં બાંગ્લાદેશમાં શાંતિ, સ્થિરતા, સમાવેશીતા અને લોકશાહી માટે ભારતના સમર્થનનો પુનરોચ્ચાર કર્યો," પ્રધાનમંત્રીએ ગેરકાયદેસર સરહદ પારની ઘટનાઓને રોકવા માટેના પગલાંની ચર્ચા કરી અને હિન્દુઓ અને અન્ય લઘુમતીઓની સલામતી અને સુખાકારી માટે અમારી ઊંડી ચિંતા વ્યક્ત કરી.

PM Narendra Modi tweets, "Met Muhammad Yunus, Chief Adviser of the interim government of Bangladesh. India remains committed to a constructive and people-centric relationship with Bangladesh. I reiterated India’s support for peace, stability, inclusivity and democracy in… pic.twitter.com/5RXIRWdKgr

— ANI (@ANI) April 4, 2025

આ પણ વાંચો :  Tariff યુદ્ધે વૈશ્વિક નાણાકીય બજારોને હચમચાવ્યું, આર્થિક મંદીના એંધાણ