• તિબેટમાં 6.8 તીવ્રતાનો ભૂકંપ: 53ના મોત અને 62 ઈજાગ્રસ્ત
• શિજાંગમાં ભૂકંપના પ્રકોપે મકાન ધરાશાયી, અનેક ઘાયલ
• નેપાળ-તિબેટ સરહદ પર આંચકાઓનો સિલસિલો
• ભારત સહિત પડોશી દેશોમાં પણ ભૂકંપના આંચકા અનુભવાયા
• ચીનના શિજાંગમાં એક કલાકમાં 6 ભૂકંપના ઝટકા

Earthquake in Tibet : મંગળવારે, 6 જાન્યુઆરી 2025ના રોજ, તિબેટના પર્વતીય પ્રદેશ શિજાંગમાં સવારે એક કલાકની અંદર એક પછી એક 6 ભૂકંપ આવ્યા હતા, જેમાં સૌથી શક્તિશાળી ભૂકંપ 7.1 રિક્ટર સ્કેલ પર મપાયો હતો. ચીનની સત્તાવાર સમાચાર એજન્સી સિન્હુઆ અનુસાર, આ ભૂકંપના પરિણામે 53 લોકોના મોત થયા છે અને 62 લોકો ઘાયલ થયા છે. આ ભયંકર ભૂકંપના કારણે તિબેટના શિગાત્સે શહેરમાં મોટું નુકસાન થયું છે, જ્યાં અનેક ઈમારતો અને ઈન્ફ્રાસ્ટ્રક્ચરનો પૂરો નાશ થયો છે.

ભારત, નેપાળ અને બાંગ્લાદેશમાં આંચકા

આ ભૂકંપનો પરિબળ માત્ર તિબેટ સુધી મર્યાદિત નહોતો; પડોશી દેશો જેમ કે ભારત, નેપાળ, બાંગ્લાદેશ અને ભૂટાનના અનેક વિસ્તારોમાં પણ આંચકા અનુભવાયા. ખાસ કરીને નેપાળની રાજધાની કાઠમંડુમાં જોરદાર આંચકાઓનો અનુભવ કરવામાં આવ્યો. કાઠમંડુની એક રહેવાસી, મીરા અધિકારીએ ANIને જણાવ્યું કે, "હું સૂઈ રહી હતી, અને અચાનક બેડ ધ્રુજવા લાગ્યો. મને લાગ્યું કે મારૂ બાળક પથારી હલાવી રહ્યું છે. મેં બહુ ધ્યાન ન આપ્યું, પણ બારી ધ્રૂજવાથી મને અહેસાસ થયો કે જોરદાર ધરતીકંપ આવ્યો છે. હું ઝડપથી મારા બાળક સાથે ઘરની બહાર દોડી અને ખુલ્લા મેદાનમાં આવી ગઇ."

શિજાંગમાં મજબૂત આંચકા અને ઈમારતોનો નુકસાન

ચીનના સમાચાર ચેનલ CCTV અનુસાર, જોરદાર આંચકો મુખ્યત્વે ડિંગરી કાઉન્ટી અને આસપાસના વિસ્તારોમાં અનુભવાયો હતો. ભૂકંપના કેન્દ્રની નજીક ઘણી ઈમારતો ધરાશાયી થઈ ગઈ હતી. મંગળવારે સવારે 6:35 વાગ્યે, નેપાળ અને તિબેટના સરહદી વિસ્તારમાં 7.1 તીવ્રતાનો ભૂકંપ આવ્યો હતો, જે રિક્ટર સ્કેલ પર અતિ શક્તિશાળી માનવામાં આવે છે. વળી નજીક, શિજાંગના બીજા શહેરમાં 6.8 તીવ્રતા નોંધવામાં આવી હતી, જે એક મોટા આંચકાનો સંકેત હતો.

અન્ય ભૂકંપ અને ટેકટોનિક પ્લેટોની અસર

ભૂકંપના આ એક કલાકના સમયગાળા દરમિયાન, 5 વધુ ભૂકંપ અનુભવયા હતા, જેમની તીવ્રતા 4.7 અને 4.9 હતી. ભારત અને યુરેશિયાની ટેક્ટોનિક પ્લેટો જ્યાં અથડાય છે ત્યાં ભૂકંપનું કેન્દ્ર હતું. આ ટેકટોનિક પ્લેટોના અથડામણને કારણે હિમાલયની રચના થઈ છે. આ ટેકટોનિક પ્લેટોના અથડામણને કારણે, પૃથ્વી પર મોટા આંચકા અને હિમાલયના શિખરોની ઊંચાઈઓમાં ફેરફાર થાય છે.

આગામી દિવસોમાં ભૂકંપની શક્યતા

CCTVના અહેવાલ મુજબ, છેલ્લા 5 વર્ષમાં આ પ્રદેશમાં 29 ભૂકંપ નોંધાયા છે, જે 3 રિક્ટર સ્કેલ અથવા વધુ તીવ્રતા ધરાવતા હતા. જોકે, આ ભૂકંપોમાંથી કોઇપણ 7.1 તીવ્રતાની શક્તિ ધરાવતા નથી, જે મંગળવારે થયેલા ભૂકંપના સમકક્ષ હોય. શિજાંગમાં આવેલા 7.1 તીવ્રતાના ભૂકંપનું કેન્દ્ર 28.5 ડિગ્રી ઉત્તર અક્ષાંશ અને 87.45 ડિગ્રી પૂર્વ રેખાંશ પર સ્થિત હતું અને તે પૃથ્વીની સપાટીથી 10 કિલોમીટરની ઊંડાઈએ હતું.

આ પણ વાંચો:   Earthquake : નેપાળ-તિબેટની સીમા પર આવ્યો ભયાનક ભૂકંપ, તીવ્રતા 7.1 નોંધાઈ