• કેલિફોર્નિયા ધ્રુજી ઉઠ્યું: 7.0 તીવ્રતાનો ભૂકંપ, ઘરો ધ્રુજ્યા!
• ડરામણી પળો કેમેરામાં કેદ: કેલિફોર્નિયામાં 7.0 તીવ્રતાનો ભૂકંપ
• સુનામીની ચેતવણી બાદમાં પાછી ખેંચાઈ
• હમ્બોલ્ટ કાઉન્ટીમાં ભૂકંપ: લોકોમાં ડર અને અશાંતી
• ઉત્તરી કેલિફોર્નિયા ભૂકંપથી ફરી હચમચી ઉઠ્યું

California coast earthquake : અમેરિકાના કેલિફોર્નિયા રાજ્યમાં ગુરુવારે સવારે 7.0 તીવ્રતાનો ભૂકંપ આવ્યો, જેના કારણે ધરતી ધ્રૂજી ઉઠી હતી. આ ભૂકંપ એટલો જોરદાર હતો કે લોકોના ઘરોમાં રાખેલા ફર્નિચર ધ્રૂજવા લાગ્યા હતા, અને કબાટોમાં રાખેલી વસ્તુઓ નીચે પડવા લાગી હતી. આ તીવ્ર ભૂકંપના કારણે લોકો ખૂબ ડરી ગયા હતા અને વિવિધ સ્થળોએ આ ભૂકંપની ડરામણી પળો કેમેરામાં કેપ્ચર થઇ છે. જેના ઘણા વીડિયો સોશિયલ મીડિયામાં વાયરલ થઈ રહ્યા છે.

વીડિયો અને સોશિયલ મીડીયાનો પ્રભાવ

આ ભૂકંપના પળને કેટલાક લોકોએ તેમના ઘરમાંથી કેપ્ચર કરી હતી. દરમિયાન જોવા મળ્યું કે, ઘરની અંદર રહેલા ફર્નિચર ધ્રૂજતા હતા અને પડી રહ્યા હતા. આ વીડિયો સોશિયલ મીડીયામાં ઝડપથી વાયરલ થઇ રહ્યા છે. લોકોમાં આ ભૂકંપ વિશે ચર્ચા થઇ રહી છે. આ દ્રશ્યોને જોઈને, કેટલાક લોકો વિશ્વાસ પણ ન કરી શક્યા કે આ એક ભૂકંપ છે. ભૂકંપના પ્રારંભિક આંચકાની તીવ્રતા એટલી હતી કે સુનામીની ચેતવણી પણ જારી કરવામાં આવી હતી. જો કે, આ ચેતવણી બાદમાં પાછી ખેંચી લેવામાં આવી. આ ખતરનાક ભૂકંપનો અનુભવ સાન ફ્રાન્સિસ્કો સુધી થઇ રહ્યો હતો. આ સમયે લોકો ઘણાં ડરી ગયા હતા. જોકે, હજુ સુધી કોઈ ગંભીર નુકસાનના સમાચાર સામે આવ્યા નથી.

ભૂકંપનું કેન્દ્ર અને જમીન પર તેની અસર

યુએસ જીઓલોજિકલ સર્વે અનુસાર, આ 7.0 તીવ્રતાનો ભૂકંપ ઓરેગોન સરહદ નજીક, હમ્બોલ્ટ કાઉન્ટીના નાના શહેર ફર્ન્ડેલની પશ્ચિમમાં આવ્યો હતો. અહીંના લોકો અને સ્થાનિક પ્રાધિકારીઓએ, સંભવિત જોખમને ધ્યાનમાં રાખીને, લોકોને સાવધાન રહેવાની સલાહ આપી છે. આ ભૂકંપમાં સાવધાની રાખવી તે માટે, દરિયાઈ વિસ્તાર પર પણ આગાહી કરવામાં આવી હતી. પ્રશાસને લોકોને દરિયામાં ન જવાની ચેતવણી જારી કરી છે, જ્યાં સુનામીનો ખતરાનો સંકેત આપવામાં આવ્યો હતો.

આવો ભૂકંપ વર્ષ 2022 માં પણ આવ્યો હતો...

મીડિયા રિપોર્ટ્સ અનુસાર, ભૂકંપથી ઉત્તરી કેલિફોર્નિયા (California) હચમચી ઉઠ્યું છે. ઓરેગોન સરહદથી લગભગ 130 માઇલ (209 કિમી) દૂર દરિયાકાંઠાના હમ્બોલ્ટ કાઉન્ટીના નાના શહેર, ફર્ન્ડેલની પશ્ચિમમાં આવેલા વિસ્તારની નજીક ભૂકંપ આવ્યો. આ વિસ્તાર તેના રેડવૂડ જંગલો, સુંદર પર્વતો અને 3 કાઉન્ટી એમેરાલ્ડ ત્રિકોણના પ્રખ્યાત મારિજુઆના ઉગાડવા માટે લોકપ્રિય છે. વર્ષ 2022 માં, આ શહેરમાં 6.4 તીવ્રતાનો ભૂકંપ આવ્યો હતો, કારણ કે કેલિફોર્નિયા (California)નો ઉત્તર પશ્ચિમ ઝોન ભૂકંપના સૌથી સંવેદનશીલ ઝોનમાં આવે છે, કારણ કે આ વિસ્તારમાં 3 ટેકટોનિક પ્લેટ મળે છે.

આ પણ વાંચો:  US : California માં 7 ની તીવ્રતાનો ભૂકંપ, સુનામીની ચેતવણી...