અમેરિકામાં 10 લાખ ભારતીયોને આંચકો! ટ્રમ્પના આદેશથી તણાવ વધ્યો, જાણો શું છે આખો મામલો?
- ડોનાલ્ડ ટ્રમ્પે દેશમાં નવો નાગરિકતા કાયદો લાવવાનો આદેશ આપ્યો
- ટ્રમ્પેના આદેશથી ભારતીયોની મુશ્કેલીઓ વધી ગઈ
- ટ્રમ્પના આ નિર્ણયથી અંદાજે 10 લાખ ભારતીયોને અસર થઈ શકે છે
Donald Trump New Citizenship Rule : અમેરિકાના રાષ્ટ્રપતિ ડોનાલ્ડ ટ્રમ્પે સત્તા સંભાળતાની સાથે જ ઘણા મોટા નિર્ણયો લેવાનું શરૂ કરી દીધું છે. ટ્રમ્પે શપથ લીધાને 24 કલાક પણ નથી થયા અને તેમના એક આદેશથી ભારતીયોની મુશ્કેલીઓ વધી ગઈ છે. ટ્રમ્પે જન્મજાત નાગરિકત્વને નાબૂદ કરતા એક્ઝિક્યુટિવ ઓર્ડર પર હસ્તાક્ષર કર્યા છે. ટ્રમ્પના આ નિર્ણયથી અંદાજે 10 લાખ ભારતીયોને અસર થઈ શકે છે.
અમેરિકામાં કેટલા ભારતીયો છે?
અમેરિકાની વસ્તી ગણતરી મુજબ, અમેરિકામાં લગભગ 48 લાખ ભારતીયો રહે છે. આમાંના મોટાભાગના ભારતીયો પાસે H1-B વિઝા (કામચલાઉ વિઝા) છે. આવી સ્થિતિમાં, જો ટ્રમ્પનો આ આદેશ વાસ્તવિકતામાં ફેરવાય છે, તો ઘણા ભારતીયોના બાળકોને તેમની અમેરિકન નાગરિકતા ગુમાવવી પડી શકે છે.
નવા કાયદામાં શું ફેરફાર થશે?
વાસ્તવમાં, વર્તમાન કાયદા અનુસાર, અમેરિકામાં જન્મેલા તમામ બાળકોને આપોઆપ અમેરિકન નાગરિકતા મળી જાય છે. આવી સ્થિતિમાં H1-B વિઝા પર અમેરિકા ગયેલા ભારતીયોના બાળકોનો જન્મ અમેરિકામાં થયો હોય તો તેમના બાળકો જન્મથી જ અમેરિકન નાગરિક બની જાય છે. પણ ટ્રમ્પના આ નવા કાયદા બાદ અમેરિકામાં જન્મેલા તમામ બાળકોને તે દેશની નાગરિકતા નહીં મળે.
An executive order cannot override the Constitution, no matter how much you want to be a dictator.
Trump cannot end birthright citizenship. pic.twitter.com/dgQ4c5ElGg
— Really American 🇺🇸 (@ReallyAmerican1) January 20, 2025
આ પણ વાંચો : QUAD: ટેકનોલોજી, ડિફેન્સ, ઉર્જા... ટ્રમ્પના વિદેશ મંત્રી માર્કો રુબિયો સાથે જયશંકરે શું ચર્ચા કરી?
નવા કાયદા હેઠળ નાગરિકતા કેવી રીતે મેળવી શકાય?
ડોનાલ્ડ ટ્રમ્પ દ્વારા પસાર કરાયેલા એક્ઝિક્યુટિવ ઓર્ડરમાં કહેવામાં આવ્યું છે કે, જે બાળકોના માતાપિતામાંથી એક અમેરિકન નાગરિક છે તેમને જ અમેરિકન નાગરિકતા મળશે. સાથે જ આર્મી ઓફિસર્સ અને ગ્રીન કાર્ડ ધારકોના બાળકોને પણ જન્મથી અમેરિકન નાગરિકતા મળશે. આ સિવાય અન્ય લોકોને જન્મજાત નાગરિકતાના દાયરામાં દૂર રાખવામાં આવશે.
અત્યારે કેવી રીતે મળે છે નાગરિકતા ?
જો આંકડાઓ પર વિશ્વાસ કરવામાં આવે તો અમેરિકામાં 10 લાખ ભારતીય પરિવારો ગ્રીન કાર્ડ મેળવવાની રાહ જોઈ રહ્યા છે. આવી સ્થિતિમાં, જો તેમના બાળકો અમેરિકામાં જન્મે છે, તો તેમને ત્યાંની નાગરિકતા મળે છે. જ્યારે બાળકો 21 વર્ષના થાય છે, ત્યારે તેઓ તેમના માતાપિતા માટે અમેરિકન નાગરિકતા પણ મેળવી શકે છે. જોકે, નવા નાગરિકતા કાયદાના અમલ પછી, ન તો બાળકો કે ન તો તેમના માતાપિતાને જન્મજાત નાગરિકતા મળશે.
નવા કાયદાનો અમલ કેવી રીતે થશે?
જોકે, ટ્રમ્પ માટે આ નવા કાયદાનો અમલ કરવો સરળ રહેશે નહીં. યુએસ બંધારણના આ નિયમને બદલવા માટે ટ્રમ્પે સંસદમાં બહુમતી અને તમામ રાજ્યોમાં બે તૃતીયાંશ બહુમતી સાથે નવો નિયમ પસાર કરાવવો પડશે. આ પછી જ 14મો સુધારો એટલે કે, જન્મસિદ્ધ નાગરિકતા બદલી શકાશે. ટ્રમ્પના આ નિર્ણય વિરૂદ્ધ અનેક સંસ્થાઓ કોર્ટમાં ગઈ છે.
આ પણ વાંચો : ટ્રમ્પના US રાષ્ટ્રપતિ બનવાના પડઘા કેનેડામાં વાગ્યા, ટ્રુડો થયા નારાજ