Tariff War: ટ્રમ્પનો નવો ટેરિફ પ્લાન! શું 2 એપ્રિલથી અમેરિકા ભારતની મુશ્કેલીઓ વધારશે?
- ભારત પર ઊંચા ટેરિફ લાદવાનો આરોપ
- અમેરિકા 2 એપ્રિલથી નવો ટેરિફ લાગુ કરશે
- વ્હાઇટ હાઉસએ કરી સ્પષ્ટતા
Trump's new tariff plan: અમેરિકાએ સોમવારે ભારત સહિત કેટલાક દેશો પર અમેરિકન ઉત્પાદનો પર ઊંચા ટેરિફ લાદવાનો આરોપ લગાવ્યો હતો. વ્હાઇટ હાઉસે કહ્યું કે આમ કરવું ખોટું છે. આ દેશોએ અમેરિકન નિકાસકારોને ઘણું નુકસાન પહોંચાડ્યું છે.
વ્હાઇટ હાઉસના પ્રેસ સેક્રેટરીએ કહ્યું...
વ્હાઇટ હાઉસના પ્રેસ સેક્રેટરી કેરોલિન લેવિટે કહ્યું કે ભારત, જાપાન અને યુરોપિયન યુનિયન જેવા દેશોએ અમેરિકન સામાન પર ખૂબ જ ઊંચો ટેરિફ લગાવ્યો છે. ભારત અમેરિકન કૃષિ ઉત્પાદનો પર 100 ટકા ડ્યુટી લાદે છે, જેના કારણે અમેરિકન ઉત્પાદનોનું ભારત જેવા મોટા બજારો સુધી પહોંચવું મુશ્કેલ બને છે. તેમણે કહ્યું કે, આ કર એટલો ઊંચો છે કે અમેરિકન સામાન ભારતીય બજારમાં લાવવો લગભગ અશક્ય બની ગયો છે.
અમેરિકન વેપારીઓ માટે મોટી સમસ્યા
વધુમાં, લેવિટે યુરોપિયન યુનિયનમાં અમેરિકન ડેરી ઉત્પાદનો પર 50 ટકા, જાપાનમાં અમેરિકન ચોખા પર 700 ટકા અને કેનેડામાં અમેરિકન બટર અને ચીઝ પર 300 ટકા ટેરિફનો પણ ઉલ્લેખ કર્યો છે. તેમના મતે, આ તમામ દેશો દ્વારા લાદવામાં આવેલા ઊંચા ટેરિફ અમેરિકન વેપારીઓ માટે મોટી સમસ્યા ઊભી કરી રહ્યા છે.
આ પણ વાંચો : મલેશિયામાં ગેસ પાઈપલાઈનમાં ભયંકર વિસ્ફોટ, Video તમારા રુંવાટા ઉભા કરી દેશે
US નો 2 એપ્રિલથી નવો ટેરિફ પ્લાન
અમેરિકાના રાષ્ટ્રપતિ ડોનાલ્ડ ટ્રમ્પે પહેલાથી જ જાહેરાત કરી દીધી છે કે તેઓ 2 એપ્રિલથી એક નવો ટેરિફ પ્લાન લાગુ કરવા જઈ રહ્યા છે. જે વેપાર નીતિમાં મોટો ફેરફાર લાવી શકે છે. ટ્રમ્પ કહે છે કે હવે જો કોઈ દેશ અમેરિકા પર ટેરિફ લાદે છે, તો અમેરિકા પણ તે દેશ પર તેટલો જ ટેરિફ લાદશે. તેમણે કહ્યું, હવે બધું સમાન રીતે લાગુ થશે. આપણે જે દેશો સાથે વેપાર કરીએ છીએ ત્યાં કેટલો ટેરિફ લાદવામાં આવી રહ્યો છે તે દરેકને ખબર પડશે.
વ્હાઇટ હાઉસની સ્પષ્ટતા
વ્હાઇટ હાઉસે સ્પષ્ટતા કરી છે કે 2 એપ્રિલથી શરૂ થતા પારસ્પરિક ટેરિફ અમેરિકન વેપારીઓને ન્યાય આપવા માટે લાદવામાં આવી રહ્યા છે. લેવિટે કહ્યું કે આ પગલું અમેરિકન ઉત્પાદકોના હિતમાં લેવામાં આવી રહ્યું છે જેથી તેમને વિશ્વભરમાં સમાન તક મળી શકે. તેમણે એમ પણ કહ્યું કે રાષ્ટ્રપતિ ટ્રમ્પ બુધવારે આ નવી નીતિની જાહેરાત કરશે અને તેને એક ઐતિહાસિક પગલું ગણવામાં આવશે.
અમેરિકાએ ભારત અને અન્ય દેશો દ્વારા લાદવામાં આવેલા ઊંચા ટેરિફ સામે સખત વાંધો ઉઠાવ્યો છે અને 2 એપ્રિલથી નવા પ્રતિશોધાત્મક ટેરિફ લાદવાની જાહેરાત કરી છે. આ પગલાનો ઉદ્દેશ્ય અમેરિકન વેપારીઓને તેમના ઉત્પાદનો માટે સમાન તક પૂરી પાડવાનો છે જેથી તેમને વિદેશી બજારોમાં વધુ પડકારનો સામનો ન કરવો પડે. હવે જોવાનું એ રહે છે કે આ પગલાની વૈશ્વિક વેપાર પર શું અસર પડશે.
આ પણ વાંચો : અમે ફરીથી ઉડાન ભરીશું, સ્પેસએક્સનો આભાર અમને અવકાશમાંથી પાછા લાવ્યા : Sunita Williams