• કોર્ટના નિર્ણય પર Donald Trump ગુસ્સે
• ટેરિફ વિના અમેરિકા બરબાદ થઈ જશે : Donald Trump
• લશ્કરી શક્તિ ખતમ થઇ શકે છે : Trump

Donald Trump : યુએસ ફેડરલ અપીલ કોર્ટ (US Federal Appeals Court) નો તાજેતરનો ચુકાદો માત્ર કાનૂની મામલો નથી, પરંતુ તે અમેરિકાના આર્થિક અને રાજકીય ભવિષ્ય સાથે સીધો જોડાયેલો છે. અમેરિકાના રાષ્ટ્રપતિ ડોનાલ્ડ ટ્રમ્પ (US President Donald TRump) દ્વારા પોતાના કાર્યકાળ દરમિયાન દેશની આયાત પર મોટા પાયે Tariff (શુલ્ક) લાદવામાં આવ્યા હતા. હવે કોર્ટે સ્પષ્ટ કહી દીધું છે કે આવા મોટા ભાગના ટેરિફ કાયદેસર રીતે લાદી શકાતા નથી. આ ચુકાદા બાદ અમેરિકી રાજકારણમાં ભારે ચર્ચા શરૂ થઈ ગઈ છે. કોર્ટના નિર્ણયથી ગુસ્સે ભરાયેલા ટ્રમ્પે હવે કઇંક એવું કહ્યું છે જેને સાંભળી સૌ કોઇ ચોંકી ગયા છે.

Trump ના ટેરિફનો પાયો શું હતો?

ડોનાલ્ડ ટ્રમ્પ (Donald Trump) ના કાર્યકાળ દરમિયાન "અમેરિકા ફર્સ્ટ" નીતિ હેઠળ વિદેશી માલ પર ભારે ટેરિફ લાદવામાં આવ્યા. તેનો હેતુ અમેરિકાના ઉદ્યોગોને સુરક્ષિત કરવો, સ્થાનિક રોજગાર બચાવવો અને ચીન જેવા દેશો સામે દબાણ ઊભું કરવો હતો. ઉદાહરણ તરીકે, સ્ટીલ અને એલ્યુમિનિયમ જેવી વસ્તુઓ પર ઊંચા ટેરિફ લાગુ કરાયા, જેના કારણે આયાત કરનાર દેશોમાં નારાજગી ફેલાઈ. ટ્રમ્પનું માનવું હતું કે જો વિદેશી માલ સસ્તામાં અમેરિકામાં આવી જશે, તો સ્થાનિક કંપનીઓ ટકી નહીં શકે અને લાખો નોકરીઓ ખતમ થઈ જશે. આ દલીલને કારણે તેમના સમર્થકોમાં આ નીતિ લોકપ્રિય રહી. પરંતુ વેપાર નિષ્ણાતો અને વિરોધીઓએ વારંવાર કહ્યું કે આ પગલાંથી અમેરિકી ગ્રાહકોને જ મોંઘવારીનો માર સહન કરવો પડશે.

કોર્ટનો ચુકાદો શા માટે મહત્વનો છે?

ફેડરલ અપીલ કોર્ટે પોતાના ચુકાદામાં જણાવ્યું કે રાષ્ટ્રપતિ પાસે અનંત સત્તા નથી. "રાષ્ટ્રીય કટોકટી" જાહેર કરીને લગભગ બધા દેશો પર ટેરિફ લગાવવાનો અધિકાર ટ્રમ્પ પાસે ન હતો. કાયદા પ્રમાણે આવા પગલાં માત્ર ચોક્કસ પરિસ્થિતિઓમાં અને મર્યાદિત રૂપે જ લઈ શકાય. કોર્ટે જો કે તરત જ ટેરિફ રદ કર્યા નથી, પરંતુ એ વાત સ્પષ્ટ કરી કે ટ્રમ્પનું પગલું કાનૂની મર્યાદાથી બહાર હતું. સાથે જ, ટ્રમ્પ પ્રશાસનને સુપ્રીમ કોર્ટમાં અપીલ કરવાની છૂટ પણ આપી છે. આનો અર્થ એ છે કે અંતિમ નિર્ણય હજી બાકી છે, પરંતુ હાલના ચુકાદાએ ટ્રમ્પની રાજકીય લડાઈને વધુ તીવ્ર બનાવી દીધી છે.

US President Donald Trump ની પ્રતિક્રિયા

ચુકાદા પછી ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર ગુસ્સાભરી પ્રતિક્રિયા આપી. તેમણે ન્યાયાધીશોને "કટ્ટરપંથી ડાબેરી" કહીને નિશાન બનાવ્યા અને દાવો કર્યો કે ટેરિફ વિના અમેરિકા સંપૂર્ણપણે નાશ પામશે. ટ્રમ્પે એ પણ કહ્યું કે, જો આપણે પહેલેથી જ લાખો કરોડ ડોલર (ટ્રિલિયન) ટેરિફ દ્વારા એકત્ર ન કર્યા હોત, તો અમેરિકા લશ્કરી રીતે નબળું પડી ગયું હોત. રસપ્રદ વાત એ રહી કે ટ્રમ્પે એક ઓબામા દ્વારા નિયુક્ત ડેમોક્રેટ ન્યાયાધીશનો આભાર પણ માન્યો, જેમણે તેમના પક્ષમાં મત આપ્યો હતો.

આગળ શું થશે?

ટ્રમ્પે જાહેરમાં વચન આપ્યું છે કે તેઓ આ નિર્ણય સામે સુપ્રીમ કોર્ટમાં જશે. વ્હાઇટ હાઉસે પણ નિવેદન આપ્યું છે કે ટ્રમ્પે કાયદેસર રીતે કાર્ય કર્યું હતું અને અંતે વિજય તેમનો જ થશે. જો કે, સુપ્રીમ કોર્ટ શું કહે છે તેના પર આધાર રાખીને અમેરિકાના વેપાર સંબંધો અને આંતરરાષ્ટ્રીય નીતિઓમાં મોટો ફેરફાર થઈ શકે છે.

આ નિર્ણયનો અર્થ

• આર્થિક અસર: જો ટેરિફ ખોટા ઠરે અને દૂર કરવા પડે, તો અમેરિકી બજારમાં આયાતી માલ સસ્તો થઈ શકે છે. તે ગ્રાહકો માટે ફાયદાકારક છે, પરંતુ સ્થાનિક ઉદ્યોગો માટે પડકારરૂપ બની શકે છે.
• રાજકીય અસર: આ મુદ્દો સીધો 2024 પછીની રાજકીય ચર્ચાઓને ગરમ કરશે. ટ્રમ્પ પોતાના પ્રચાર અભિયાનમાં આ ચુકાદાને "અમેરિકા સામેની સાજિશ" તરીકે રજૂ કરી શકે છે.
• આંતરરાષ્ટ્રીય અસર: જો અમેરિકા ટેરિફ હટાવે છે, તો ચીન અને યુરોપ જેવા દેશો સાથેના વેપાર સંબંધોમાં નવી ઉર્જા આવી શકે છે.

આ પણ વાંચો :   'Trump is Dead', સોશિયલ મીડિયામાં ભારે વાયરલ થતા આશ્ચર્ય