ગુજરાત ટાઈટન્સે રાશિદ ખાનને બનાવ્યો વાઈસ કેપ્ટન, આવતીકાલ લખનૌ સામે પહેલો મુકાબલો

ઈન્ડિયન પ્રીમિયર લીગ (IPL) 2022માં સોમવારે
બે નવી ટીમો ટકરાવાની છે. લખનૌ સુપર જાયન્ટ્સ (LSG) અને ગુજરાત ટાઇટન્સ (GT)ની ટીમો
મુંબઈના વાનખેડે મેદાન પર ટકરાશે. મેચ પહેલા જ ગુજરાત ટાઇટન્સે પોતાના વાઈસ
કેપ્ટનની જાહેરાત કરી દીધી છે. અફઘાનિસ્તાનના સ્ટાર સ્પિનર ​​રાશિદ ખાનને ટીમનો
વાઇસ કેપ્ટન બનાવવામાં આવ્યો છે. ટીમની કમાન પહેલાથી જ હાર્દિક પંડ્યાના
હાથમાં છે અને હવે વાઇસ કેપ્ટન પણ જાહેર કરવામાં આવ્યો છે. એટલે કે જો હાર્દિક
મેદાન પર ઉપલબ્ધ ન હોય અથવા તે કોઈ મેચમાં હાજર ન હોય તો રાશિદ ગુજરાત ટાઇટન્સની
કમાન સંભાળશે.

જણાવી દઈએ કે IPL 2022ની મેગા ઓક્શન પહેલા ગુજરાત
ટાઇટન્સે હાર્દિક પંડ્યા, રાશિદ ખાન અને શુભમન ગિલને સામેલ કર્યા
હતા. રાશિદ ખાનને ગુજરાત ટાઇટન્સ દ્વારા 15 કરોડ રૂપિયા આપવામાં આવી રહ્યા છે. ગુજરાત ટાઇટન્સ અને લખનૌ સુપર જાયન્ટ્સ સોમવારે સાંજે 7.30 વાગ્યે
મુંબઈના વાનખેડે સ્ટેડિયમમાં ટકરાશે. બંને ટીમની કમાન બે મિત્રોના હાથમાં છે હાર્દિક પંડ્યા અને કેએલ રાહુલ
આમને-સામને હશે. ખાસ વાત એ છે કે મેચ બાદ બંને પોતાની ટી-શર્ટ પણ એક્સચેન્જ કરશે.