લખનૌના સ્ટાફે એક પછી એક 'છોટી બચ્ચી હો ક્યા...' ડાયલોગ પર કરી એક્ટિંગ, Video

તમે ટાઈગર શ્રોફની પહેલી ફિલ્મ હીરોપંતી જોઇ જ હશે. આ ફિલ્મમાં ટાઈગર શ્રોફે ખૂબ જ સારુ કામ કર્યું હતું. જોકે, તેની આ ફિલ્મ 2014માં મોટા પડદે આવી હતી. પરંતુ આજે 2022માં તેની આ ફિલ્મનો એક ડાયલોગ ખૂબ જ ચર્ચામાં આવ્યો છે. 

જીહા, ફિલ્મ હીરોપંતીનો એક ડાયલોગ છે, છોટી બચ્ચી હો ક્યા... તેના તાજેતરમાં ઘમા મીમ્સ બનતા જોવા મળી રહ્યા છે. જો તમે ઇન્ટરનેટ પર સક્રિય છો, તો તમને ઇન્ટરનેટ પર કેટલાક રમુજી 'છોટી બચ્ચી હો ક્યા...' મીમ્સ જોવા મળ્યા જ હશે. બની શકે છે કે તમે પોતે મિત્રો સાથે વાતચીતમાં આ સુપર ફની ડાયલોગ બોલ્યા હોવ. હવે, ઇન્ટરનેટ પર એક વિડીયો સામે આવ્યો છે જેમાં IPL ટીમ લખનૌ સુપર જાયન્ટ્સના સભ્યો પોતપોતાની શૈલીમાં લોકપ્રિય ડાયલોગને ફરીથી બનાવતા જોવા મળે છે. વિડીયોમાં, ખેલાડીઓ ક્વિન્ટન ડી કોક, એન્ડ્રુ ટાય, જેસન હોલ્ડર અને એન્ડી બિકેલે એક પછી એક સંવાદ બોલ્યા, જે ખૂબ જ રમુજી અનુભવ હતો. આ વિડીયો ચાર દિવસ પહેલા લખનૌ સુપર જાયન્ટ્સના ઈન્સ્ટાગ્રામ એકાઉન્ટ પર પોસ્ટ કરવામાં આવ્યો હતો. વિડીયોના કેપ્શનમાં લખ્યું છે, 'લખનૌના ટાઈગર્સ તેમના હિન્દી શ્રોફ કરી રહ્યા છે.' તેની સાથે એક રમુજી ડિસ્ક્લેમર પણ ઉમેરવામાં આવ્યું હતું જેમાં લખ્યું હતું કે, 'આ વિડીયો બનાવતી વખતે કોઈ શિશુ કે બાળકને નુકસાન થયું નથી. માત્ર મનોરંજન હેતુ માટે બનાવાયેલું છે.'

આ વિડીયો હવે ખૂબ જ વાયરલ થઇ રહ્યો છે અને લોકોને લખનૌના સ્ટાફ દ્વારા આ લોકપ્રિય ડાયલોગ્સ બોલવાની સાથે તેમની એક્ટિંગ પણ પસંદ આવી છે. એક યુઝરે લખ્યું, 'જેસન હોલ્ડર, અદ્ભુત અભિનય,' જ્યારે બીજાએ ટિપ્પણી કરી, 'જો તમે આટલી ઝડપથી બોલશો તો નાની છોકરી તો શું મોટા બાળકો પણ ડરી જશે.' ત્રીજાએ લખ્યું, 'હોલ્ડરે સલમાન ખાનની જેમ કહ્યું.'