માહીએ ચિત્તાની ઝડપે રાજપક્ષેને કર્યો રનઆઉટ, 2016 T20 વર્લ્ડ કપ યાદ અપાવ્યો

IPL 2022ની 11મી મેચમાં ફેન્સને ફરી એકવાર મહેન્દ્ર સિંહ ધોનીનો વિન્ટેજ અવતાર જોવા મળ્યો હતો. માહીએ જે રીતે પંજાબ કિંગ્સના બેટ્સમેન ભાનુકા રાજપક્ષેને રનઆઉટ કર્યો, તેણે ચાહકોને જૂના માહીની યાદ અપાવી દીધી. માહીના આ રન આઉટનો વિડીયો સોશિયલ મીડિયા પર ઘણી હેડલાઇ્સ બનાવી રહ્યો છે.

આ ઘટના પંજાબ કિંગ્સની ઇનિંગની બીજી ઓવરમાં બની હતી જ્યારે રાજપક્ષે જોર્ડનની ઓવરના બીજા બોલને ટેપ કરીને દોડ્યો હતો પરંતુ ધવને તેને અડધી પિચ પર આવી પાછો મોકલી દીધો હતો. જોર્ડને બોલ પકડ્યો અને સીધો હિટ કરવાનો પ્રયાસ કર્યો પરંતુ બોલ મિસ થઇ ગયો અને પછી વીજળીની ઝડપે ધોની કવર માટે દોડ્યો અને બોલને કેચ કરીને સ્ટમ્પ પર માર્યો. 40 વર્ષીય એમએસ ધોની તેની શાનદાર ફિટનેસ માટે જાણીતો છે. રનઆઉટ કરતા સમયે ધોની વિકેટથી ઘણો દૂર હતો. તેમ છતાં એમએસ ધોની રન આઉટ કરવા માટે દોડ્યો હતો. ભાગીને ધોનીએ બોલ પકડ્યો અને કૂદકો મારીને બોલ સ્ટમ્પ પર મારી દીધો. જેના કારણે ભાનુકાને કોઈ તક મળી ન હતી અને તે રનઆઉટ થઈને પેવેલિયન પરત ફર્યો હતો.