Health Tips : શું તમે શરીરમાં વિટામિન D ની ઉણપના લક્ષણો વિશે જાણો છો ?

• Vitamin D Deficiency, 
• આપણા શરીરના તંદુરસ્ત વિકાસ માટે વિટામિન D ખૂબ જ અનિવાર્ય છે
• શરીરમાં જ્યારે વિટામિન D ની ઉણપ (Vitamin D Deficiency) થાય ત્યારે કેટલાક લક્ષણો જોવા મળે છે
• સમયસર આ લક્ષણોને પારખી લેવાથી Vitamin D Deficiency ને દૂર કરી શકાય છે

Health Tips : આપણા શરીરમાં વિટામિન એક મહત્વનું પોષક દ્રવ્ય ગણાય છે. જુદા જુદા વિટામિનને લીધે આપણું શરીર યોગ્ય રીતે કાર્ય કરે છે. આ દરેક વિટામિનમાં સૌથી અગત્યનું છે વિટામિન D. આ વિટામિન એ પોષક દ્રવ્ય છે શરીરના હાડકાં, દાંત જેવા અંગોને મજબૂતી બક્ષે છે. વિટામિન D શરીરને ટટ્ટાર રાખતા હાડકાના વિકાસ માટે બહુ મહત્વનું છે. જો શરીરમાં વિટામિન D ની ઉણપ થઈ જાય તો અનેક રોગોનો સામનો કરવો પડી શકે છે.

Vitamin D Deficiency ના લક્ષણો

જો આપણા શરીરમાં વિટામિન D ની ઉણપ વર્તાવા લાગે તો શરીર આપણને કેટલાક લક્ષણો દ્વારા તેની જાણ કરે છે. આ લક્ષણોને સમયસર પારખી લેવાથી તમે વિટામિન D ની ઉણપ સમયસર દૂર કરીને જીવલેણ રોગોના ભોગ થતા બચી શકો છો. આ સ્થિતિમાં શરીર જે લક્ષણો દર્શાવે છે તેમાં તાવ (ફ્લુ), શ્વાસ સંબંધી સમસ્યાઓ (દમ-અસ્થમા), દાંત સંબંધી રોગો (પાયોરિયા-પેઢા ઢીલા પડી જવા-દાંતમાં સડો), માનસિક આરોગ્ય જોખમાવું (ડિપ્રેશન) તેમજ રક્તવાહિની સંબંધિત સમસ્યાઓનો સમાવેશ થાય છે.

આ પણ વાંચોઃ  ડાયેટિંગ વગર મહિલાએ 20 કિલો વજન ઘટાડ્યું, સફળતાના સુત્રો હમણાં જ જાણો

Vitamin D Deficiency ને કઈ રીતે દૂર કરી શકાય ?

આપણા શરીરમાં વિટામિન D ની ઉણપ વર્તાવા લાગે તો સુકતાન, ઓસ્ટિયોપોઈરોસિસ, હૃદયની વિકૃતિઓ, સંધિવા, હાયપરટેન્શન, ડાયાબિટીસ અને કેન્સર જેવા રોગોનો ભોગ બનવાની સંભાવના વધી જાય છે. આ રોગોથી બચવા માટે શરીરમાં થતી વિટામિન D ની ઉણપને સમયસર પારખી લેવી જરુરી છે. વિટામિન D ની ઉણપ સામે આવ્યા બાદ સમયસર કેટલાક ઉપાયો કરવાથી આ રોગોથી બચી શકાય છે. વિટામિન D ની ઉણપને દૂર કરવા માટે રોજ સવારે કુમળા તડકામાં બેસવું જોઈએ. આ સિવાય કેટલાક ખાદ્ય પદાર્થોમાંથી  વિટામિન D પૂરતી માત્રામાં મળી રહે છે. જેમાં દૂધ, દૂધની બનાવટો, ઈંડા, માછલી તેમજ કેટલાક શાકભાજીનો સમાવેશ થાય છે.

આ પણ વાંચોઃ  Pumpkin Seeds: કોળાના બીજ સ્વાસ્થય માટે છે ફાયદાકારક, જાણો તેના અદભૂત ફાયદા