MP Election : કોંગ્રેસ અને ભાજપના કાર્યકરો વચ્ચે ઘર્ષણ, પોલીસે લાઠીચાર્જ કર્યો Video
મધ્યપ્રદેશના શાજાપુરથી મોટા સમાચાર આવી રહ્યા છે. અહીં મતગણતરી દરમિયાન ભાજપ અને કોંગ્રેસના કાર્યકરો એકબીજા સાથે ઘર્ષણ અને ઉશ્કેરણીજનક સૂત્રોચ્ચાર કરવા લાગ્યા. થોડી જ વારમાં મામલો એટલો વધી ગયો કે પોલીસે લાઠીચાર્જ કરવો પડ્યો.
શાજાપુરના એએસપી ટીએસ બઘેલના જણાવ્યા અનુસાર મતગણતરી પ્રક્રિયા શાંતિપૂર્ણ રીતે પૂર્ણ થઈ હતી પરંતુ કેટલાક ભાજપ અને કોંગ્રેસના સમર્થકો ઉશ્કેરણીજનક સૂત્રોચ્ચાર કરી રહ્યા હતા પરંતુ મામલાની ગંભીરતા જોતા પોલીસ તાત્કાલિક ત્યાં પહોંચી ગઈ હતી અને ભીડને હટાવી લેવામાં આવી હતી.
#WATCH | A clash broke out between BJP and Congress workers in Madhya Pradesh's Shajapur; police used lathi charge to disperse them.
More details awaited. pic.twitter.com/lXBEtzumme
— ANI (@ANI) December 3, 2023
જગ્યાએ સુરક્ષાની પૂરતી વ્યવસ્થા
ઉલ્લેખનીય છે કે, રાજ્યના તમામ મતગણતરી કેન્દ્રો પર પૂરતી સુરક્ષા વ્યવસ્થા કરવામાં આવી હતી. ઈલેક્ટ્રોનિક વોટિંગ મશીનો (EVM) પર નજર રાખવા અને તેમને સ્ટ્રોંગ રૂમમાંથી કાઉન્ટિંગ સેન્ટર્સ સુધી લઈ જવા માટે સેન્ટ્રલ આર્મ્ડ પોલીસ ફોર્સ (CAPF)ના કર્મચારીઓને પણ તૈનાત કરવામાં આવ્યા હતા, એમ અધિકારીઓએ જણાવ્યું હતું. મોટાભાગે, રાજ્યમાં મતગણતરી શાંતિપૂર્ણ રીતે હાથ ધરવામાં આવી હતી, એમ તેઓએ ઉમેર્યું હતું.
આ પણ વાંચો : Assembly Election : ચૂંટણી પંચે તેલંગાણાના ડીજીપીને સસ્પેન્ડ કર્યા, પરિણામો પહેલા પ્રદેશ કોંગ્રેસ અધ્યક્ષને મળ્યા હતા