PM MODI : ગંગા સપ્તમી અને નક્ષત્ર રાજ પુષ્ય નક્ષત્રમાં આજે ફોર્મ ભરશે

PM MODI : વડાપ્રધાન નરેન્દ્ર મોદી (PM MODI ) આજે વારાણસીમાં લોકસભા ચૂંટણી માટે પોતાનું ઉમેદવારી ફોર્મ ભરશે. સોમવારે સાંજે તેઓ વારાણસી પહોંચ્યા હતા અને 5 કિમી લાંબો રોડ શો યોજ્યો હતો. ત્યારબાદ રાત્રે 9 કલાકે બાબા વિશ્વનાથના મંદિરમાં વિશેષ પૂજા અર્ચના કરી હતી. પીએમ રાત્રે સ્થાનિક BLW ગેસ્ટ હાઉસમાં રોકાયા છે. આજે વડાપ્રધાનનો વારાણસીથી લોકસભા ચૂંટણી માટે નોમિનેશનનો ભવ્ય કાર્યક્રમ છે.

વડાપ્રધાન નરેન્દ્ર મોદીનો આજનો (14 મે) કાર્યક્રમ

• સવારે 8.20 કલાકે BLW ગેસ્ટ હાઉસથી નીકળશે.
• સવારે 8.40 કલાકે અસ્સી ઘાટ પહોંચશે અને ગંગાની પૂજા કરશે.
• સવારે 9.50 વાગ્યે અસ્સી ઘાટથી નીકળશે અને 10 વાગ્યે કાલ ભૈરવ મંદિર પહોંચશે.
• લગભગ 15 મિનિટ સુધી બાબા કાલ ભૈરવની પૂજા કર્યા બાદ PM સવારે 10.15 વાગ્યે કલેક્ટર કચેરી માટે રવાના થશે.
• કલેક્ટર કચેરીમાં સવારે 10.35 થી 11.30 સુધીનો સમય અનામત રાખવામાં આવ્યો છે.
• સવારે 11.30 થી 11.50 સુધી નામાંકન ભરવામાં આવશે.
• સવારે 11.55 કલાકે કલેક્ટર કચેરીથી નીકળી રૂદ્રાક્ષ કન્વેન્શન સેન્ટર જશે.
• PM બપોરે 1 વાગ્યે રુદ્રાક્ષ કેન્દ્ર ખાતે પ્રબુદ્ધ લોકોની સભાને સંબોધશે.
• PM વારાણસીથી લગભગ 2.30 વાગ્યે રવાના થશે

12 રાજ્યોના મુખ્યમંત્રી પણ રહેશે હાજર

ઉત્તર પ્રદેશના મુખ્યમંત્રી યોગી આદિત્યનાથ સહિત 12 ભાજપ શાસિત અને સહયોગી રાજ્યોના મુખ્યમંત્રીઓ આજે વડાપ્રધાન મોદીના નામાંકનમાં સામેલ થશે. આ ઉપરાંત અન્ય કેન્દ્રીય મંત્રીઓ અને ભાજપના અધિકારીઓ પણ હાજર રહેશે.

बाबा विश्वनाथ की नगरी की देवतुल्य जनता-जनार्दन का नमन और वंदन!

आज मेरा रोम-रोम काशी के कण-कण का अभिनंदन कर रहा है। रोड शो में आप सबसे जो अपनत्व और आशीर्वाद मिला है, वो अकल्पनीय और अतुलनीय है। मैं अभिभूत और भावविभोर हूं! आपके स्नेह की छांव में 10 वर्ष कैसे बीत गए, पता ही नहीं… pic.twitter.com/FrzzjtlDNG

— Narendra Modi (@narendramodi) May 13, 2024

પીએમ મોદી ખાસ સંયોગમાં પોતાનું નામાંકન દાખલ કરશે

વડાપ્રધાન મોદી મંગળવારે ગંગા સપ્તમીના દિવસે સ્નાન કરીને માતા ગંગાને પણ શ્રદ્ધાંજલિ આપી શકે છે. શાસ્ત્રો અનુસાર ગંગા સપ્તમી અને નક્ષત્ર રાજ પુષ્ય નક્ષત્રનો સંયોગ ગ્રહો માટે સારી સ્થિતિનું નિર્માણ કરે છે. એવું માનવામાં આવે છે કે આ દિવસે કોઈપણ કાર્ય કરવાથી ઈચ્છિત મનોકામના પૂર્ણ થાય છે. પુષ્ય નક્ષત્રમાં કોઈપણ કાર્ય કરવામાં આવે તો તેની પૂર્ણતા નિશ્ચિત માનવામાં આવે છે. માનવામાં આવે છે કે આ ખાસ સંયોગમાં જ વડાપ્રધાન મોદી પોતાનું નામાંકન દાખલ કરશે.

આ નેતા રહેશે હાજર

ભાજપના નેતાઓના જણાવ્યા અનુસાર, નામાંકનમાં ઉત્તર પ્રદેશના મુખ્યમંત્રી યોગી આદિત્યનાથ, બિહારના મુખ્યમંત્રી નીતિશ કુમાર, ઉત્તરાખંડના મુખ્યમંત્રી પુષ્કર સિંહ ધામી, મધ્યપ્રદેશના મુખ્યમંત્રી મોહન યાદવ, છત્તીસગઢના મુખ્યમંત્રી વિષ્ણુ દેવ સાઈ, મહારાષ્ટ્રના મુખ્યમંત્રી એકનાથ શિંદે, રાજસ્થાનના મુખ્યમંત્રી ભજનલાલ શર્મા, આસામના મુખ્ય પ્રધાન હિમંતા બિસ્વા શર્મા, હરિયાણાના મુખ્ય પ્રધાન નાયબ સિંહ સૈની, ગોવાના મુખ્ય પ્રધાન પ્રમોદ સાવંત, સિક્કિમના મુખ્ય પ્રધાન પ્રેમ સિંહ તમાંગ, ત્રિપુરાના મુખ્ય પ્રધાન માણિક સાહા હાજર રહેશે.

નોમિનેશનમાં અમિત શાહ અને રાજનાથ સિંહ સહિત અનેક પક્ષોના પ્રમુખ સામેલ થશે.

આ સિવાય કેન્દ્રીય ગૃહ મંત્રી અમિત શાહ અને રક્ષા મંત્રી રાજનાથ સિંહ પણ નોમિનેશનમાં ભાગ લેશે. આ ઉપરાંત NDAના મુખ્ય ઘટક લોકદળના રાષ્ટ્રીય અધ્યક્ષ જયંત ચૌધરી, LJPના વડા ચિરાગ પાસવાન, અપના દળ (S)ના પ્રમુખ અનુપ્રિયા પટેલ, SubhaSP પ્રમુખ ઓમપ્રકાશ રાજભર વગેરે હાજર રહેશે.

આ પણ વાંચો----- PM Modi: વારાણસીમાં રોડ શો બાદ બાબા વિશ્વનાથના દરબારમાં વડાપ્રધાન નરેન્દ્ર મોદીએ કરી પૂજા