'INDIA' ગઠબંધનથી AAPનો સંબંધ તૂટ્યો, શું સંસદમાં નબળી પડશે વિપક્ષની એકજૂટ અવાજ?

• 'INDIA' ગઠબંધનથી AAPનો સંબંધોમાં પૂર્ણવિરામ? શું સંસદમાં નબળી પડશે વિપક્ષની એકજૂટ અવાજ?
• AAPના નિર્ણયથી વિપક્ષી એકતામાં ફાટ, મોનસૂન સત્રમાં અસરની આશંકા

2024ની લોકસભા ચૂંટણીમાં ભાજપને બહુમતથી દૂર રાખનાર વિપક્ષી 'INDIA' ગઠબંધનમાં ફાટ પડી રહી છે. આમ આદમી પાર્ટી (AAP)એ લોકસભા ચૂંટણી બાદ ગઠબંધનથી અંતર બનાવ્યું હતું અને હવે, 2025ના મોનસૂન સત્ર પહેલાં તેણે ગઠબંધન સાથેના તમામ સંબંધો સંપૂર્ણપણે તોડી નાખ્યા છે. AAPના આ રાજકીય પગલાંથી સંસદમાં વિપક્ષની એકજૂટ અવાજ નબળી પડવાની આશંકા વ્યક્ત કરવામાં આવી રહી છે.

મોનસૂન સત્ર અને વિપક્ષની રણનીતિસંસદનું મોનસૂન સત્ર 21 જુલાઈ, 2025થી શરૂ થઈ 21 ઓગસ્ટ સુધી ચાલશે, જેમાં 21 બેઠકોનું આયોજન છે. આ સત્ર શરૂઆતમાં 12 ઓગસ્ટ સુધી માટે નક્કી હતું, પરંતુ મોદી સરકારે તેને એક સપ્તાહ લંબાવ્યું છે. સરકારને ઘેરવા માટે 'INDIA' ગઠબંધન શનિવારે, 19 જુલાઈ, 2025ના રોજ સાંજે 7 વાગ્યે ઓનલાઈન બેઠક યોજી રહ્યું છે, જેનું નેતૃત્વ કોંગ્રેસ અધ્યક્ષ મલ્લિકાર્જુન ખડગે કરશે. આ બેઠકમાં AAP ભાગ લેશે નહીં, જેનાથી સ્પષ્ટ થાય છે કે AAPએ ગઠબંધનથી સંપૂર્ણ નાતો તોડી લીધો છે.

AAPનું 'INDIA' ગઠબંધનથી અલગ

AAPના રાજ્યસભા સાંસદ સંજય સિંહે સ્પષ્ટ કર્યું કે તેમની પાર્ટી 'INDIA' ગઠબંધનની બેઠકોમાં ભાગ લેશે નહીં. તેમણે જણાવ્યું, "અમારી પાર્ટી અને અરવિંદ કેજરીવાલે પહેલેથી જ સ્પષ્ટ કર્યું છે કે અમે 'INDIA' ગઠબંધનથી બહાર છીએ." સંજય સિંહે એમ પણ કહ્યું કે AAP સંસદીય મુદ્દાઓ પર TMC અને DMK જેવા વિપક્ષી દળો સાથે સંકલન જાળવશે અને તેમનું સમર્થન કરશે, જેમ કે આ દળો AAPનું સમર્થન કરે છે.

સંજય સિંહે ઉમેર્યું કે 'INDIA' ગઠબંધન ફક્ત 2024ની લોકસભા ચૂંટણી માટે હતું. તે પછી AAPએ હરિયાણા અને દિલ્હી વિધાનસભા ચૂંટણીઓ તેમજ પંજાબ અને ગુજરાતની પેટાચૂંટણીઓમાં એકલા હાથે ભાગ લીધો હતો. આ રીતે AAPએ ગઠબંધનથી રાજકીય અંતર બનાવ્યું હતું અને હવે સંસદમાં વિપક્ષી એકતાથી પણ અલગ થઈ ગઈ છે.

શું વિપક્ષની અવાજ નબળી પડશે?

જોકે AAPએ 2024ની લોકસભા ચૂંટણી બાદ 'INDIA' ગઠબંધનથી અંતર બનાવ્યું હતું, તેમ છતાં તે સંસદથી લઈને રસ્તાઓ સુધી વિપક્ષ સાથે મળીને મોદી સરકારની નીતિઓનો વિરોધ કરતી હતી. AAPના રાજ્યસભા સાંસદ સંજય સિંહ સંસદમાં સરકારની નીતિઓ વિરુદ્ધ મુખર રીતે બોલતા રહ્યા છે અને વિપક્ષના તાકાતવર અવાજોમાંથી એક ગણાય છે. પરંતુ મોનસૂન સત્રમાં AAPના ગઠબંધનથી અલગ થવાથી વિપક્ષની એકજૂટ રણનીતિમાં ફાટ પડવાની આશંકા છે.

AAP પાસે 8 રાજ્યસભા સાંસદો અને 3 લોકસભા સાંસદો છે, જે સંસદમાં તેની રાજકીય મહત્ત્વ દર્શાવે છે. AAPના અલગ થવાથી વિપક્ષી એકતાને મોટો ફટકો પડી શકે છે, ખાસ કરીને એવા સમયે જ્યારે વિપક્ષ મોદી સરકારને મહત્વના મુદ્દાઓ પર ઘેરવાની તૈયારી કરી રહ્યું છે.

વિપક્ષની રણનીતિ અને AAPનું વલણ

ઈન્ડિયા ગઠબંધને મોનસૂન સત્રમાં મોદી સરકારને જમીની મુદ્દાઓને લઈને ઘેરવાની રણનીતિ બનાવી છે. કોંગ્રેસ સહિતના અન્ય પક્ષો બિહારમાં વિશેષ મતદાતા યાદી સંશોધન, ઓપરેશન સિંદૂર અને અમેરિકન રાષ્ટ્રપતિ ડોનાલ્ડ ટ્રમ્પના દાવાઓ જેવા મુદ્દાઓને અગ્રતાથી ઉઠાવવાની તૈયારીમાં છે, પરંતુ આપે આ બેઠકોમાં સામેલ થવાથી ઇન્કાર કરી દીધો છે.

સંજય સિહે કહ્યું કે આપ માટે દિલ્હીમાં યૂપી, બિહાર અને પૂર્વાચલના લોકોના વિરૂદ્ધ ચલાવવામાં આવી રહેલા બૂલડોઝર અને તેમના ઘર-દુકાનોને તોડવાનો મુદ્દો સૌથી મહત્વપૂર્ણ છે. તે ઉપરાંત ઉત્તર પ્રદેશમાં સરકારી શાળાઓને બંધ કરવાનો મુદ્દો પણ આજ પૂરજોશ રીતે ઉઠાવશે. આમ આપે સ્પષ્ટ રીતે કરી દીધું છે કે તેઓ વિપક્ષી પાર્ટીઓ સાથે સંયુક્ત રણનીતિની જગ્યાએ પોતાના મુદ્દાઓ ઉપર ધ્યાન કેન્દ્રિત કરશે.

AAP અને કોંગ્રેસ વચ્ચે તણાવ

AAPની ઈન્ડિયા ગઠબંધનમાં સૌથી વધારે દુશ્મની કોંગ્રેસ સાથે છે. દિલ્હી, પંજાબ, હરિયાણા, ગુજરાત અને ગોવા જેવા રાજ્યોમાં આપે અને કોંગ્રેસ વચ્ચે રાજકીય સ્પર્ધા જોવા મળી રહી છે. જોકે, આપનું સપા, ટીએમસી અને ડીએમકે જેવી અન્ય પાર્ટીઓ સાથે ખુબ જ સારો તાલમેલ જોવા મળે છે. તો બીજી તરફ કોંગ્રેસ સાથે તેમના સંબંધો સતત બગડતા જઈ રહ્યા છે.

ઈન્ડિયા ગઠબંધનની અંદર પહેલાથી જ ઘણા બધી પાર્ટીઓ પોત-પોતાની વ્યૂહરચના પ્રમાણે જ નિર્ણય લઈ રહી હતી. મહારાષ્ટ્ર વિધાનસભા ચૂંટણી પછી શિવસેના (ઉદ્ધવ ઠાકરે) અને કોંગ્રેસ વચ્ચે પણ તણાવ દેખવામાં આવ્યો છે. ઉદ્ધવ ઠાકરેની દિલ્હી પ્રવાસની ચર્ચા છે પરંતુ તે સ્પષ્ટ નથી કે તેઓ ઈન્ડિયા ગઠબંધનની બેઠકમાં સામેલ થશે કે નહીં. આમ વિપક્ષી એકતા એક વખત ફરીથી તૂટતી નજરે પડી રહી છે.

આ પણ વાંચો- PM Modi Bihar Visit: બધાએ લૂંટવાનું જ કામ કર્યું', બિહાર ચૂંટણી પહેલા PM મોદીના કોંગ્રેસ-RJD પર પ્રહાર