Goa Drugs Seizure : ગુજરાત બાદ આ રાજ્યમાં ઝડપાયું કરોડોનું કોકેન! ઇતિહાસમાં સૌથી મોટી રિકવરી

• ગોવા પોલીસની મોટી સફળતા
• પોલીસે 43 કરોડ કોકેન જપ્ત કર્યું
• ગોવાના ઈતિહાસમાં સૌથી મોટી રિકવરી

Goa Drugs Seizure: ગોવામાં ડ્રગ્સ સ્મગલરો વિરુદ્ધ અભિયાન ચલાવી (Goa Drugs Seizure)રહેલી પોલીસને આજે મોટી સફળતા મળી.પોલીસે ચોકલેટ અને કોફીના પેકેટમાં છુપાયેલ 43 કરોડ રૂપિયાથી વધુની કિંમતનું કોકેન જપ્ત કર્યું છે. અહેવાલ મુજબ, ગોવાના ઈતિહાસમાં અગાઉ ક્યારેય ડ્રગ્સનો આટલો મોટો જથ્થો પકડાયો નથી. પોલીસના જણાવ્યા અનુસાર, આ કેસમાં ત્રણ લોકોની ધરપકડ કરવામાં આવી છે. કથિત રીતે, આ દાણચોરો આંતરરાષ્ટ્રીય ગેંગ સાથે પણ જોડાયેલા હોઈ શકે છે અને આ અંગે તપાસ શરૂ કરવામાં આવી છે.

મુખ્યમંત્રી પ્રમોદ સાવંતે ઓપરેશનની પ્રશંસા કરી

મામલો સામે આવ્યા બાદ મુખ્યમંત્રી પ્રમોદ સાવંતે સોશિયલ મીડિયા પર આ ઓપરેશનની પ્રશંસા કરી છે. તેમણે સોશિયલ મીડિયા પ્લેટફોર્મ X પર લખ્યું, “રાજ્યમાં અત્યાર સુધીના સૌથી મોટા ડ્રગ્સનો પર્દાફાશ કરવા બદલ ગોવા પોલીસ અને ક્રાઈમ બ્રાન્ચને અભિનંદન.” તેમણે કહ્યું કે ચોક્કસ ગુપ્ત માહિતી મળ્યા બાદ આ કાર્યવાહી કરવામાં આવી હતી. મુખ્યમંત્રીએ કહ્યું, આ ઓપરેશન ડ્રગની હેરાફેરી સામે ચાલી રહેલી લડાઈમાં સરકારની પ્રતિબદ્ધતા, તકેદારી અને અમારી કાયદા અમલીકરણ એજન્સીઓની શ્રેષ્ઠતા દર્શાવે છે.

આ પણ  વાંચો -CNG Auto, EV Policy લઈ આ રાજ્યની સરકારનો મોટો નિર્ણય

દાણચોરી માટે એક સોર્સ પાસેથી પેકેટ ખરીદ્યા

ધરપકડ કરાયેલા લોકોમાં 45 વર્ષીય નિબુ વિન્સેન્ટ અને એક પતિ-પત્ની દંપતીનો સમાવેશ થાય છે. ક્રાઈમ બ્રાન્ચના પોલીસ અધિક્ષક રાહુલ ગુપ્તાના જણાવ્યા અનુસાર, આ ડ્રગ્સ ચોકલેટ અને કોફીના 32 પેકેટમાં છુપાવવામાં આવ્યું હતું. તેમણે એમ પણ કહ્યું કે ધરપકડ કરાયેલી મહિલાએ તેના પતિ અને વિન્સેન્ટની મદદથી દાણચોરી માટે એક સોર્સ પાસેથી પેકેટ ખરીદ્યા હતા. તેણે જણાવ્યું હતું કે પોલીસ સંભવિત આંતરરાષ્ટ્રીય જોડાણોની તપાસ કરી રહી છે કારણ કે મહિલાએ તાજેતરમાં થાઇલેન્ડનો પ્રવાસ પણ કર્યો હતો.