બિહારમાં ચૂંટણી પહેલા JDU ઉમેદવાર અનંત સિંહની મધરાતે ધરપકડ: હત્યા કેસમાં વીડિયો ફૂટેજ મળ્યા
- બિહારમાં JDUના બાહુબલી ઉમેદવાર અનંત સિંહની ધરપકડ (Anant Singh Arrest)
- મોકામાના JDU ઉમેદવાર અનંત સિંહની મધરાતે પટણા પોલીસે ધરપકડ કરી
- કાર્યવાહી દુલારચંદ યાદવ હત્યા કેસના આરોપસર કરાઈ
- પોલીસે શાંતિ જાળવવા માટે ધરપકડ મોડી રાત્રે જાહેર કરી
- SSPએ કહ્યું, વીડિયો ફૂટેજ અને ગવાહના આધારે કાર્યવાહી થઈ
Anant Singh Arrest : બિહાર વિધાનસભાની ચૂંટણીમાં મોકામા બેઠક પરથી JDUની ટિકિટ પર લડી રહેલા બાહુબલી નેતા અનંત સિંહ (Anant Singh) ની મધરાતે ધરપકડ કરવામાં આવી છે. તેમની સામે આ કાર્યવાહી દુલારચંદ યાદવ હત્યાકાંડના કેસમાં કરવામાં આવી છે. દુલારચંદની હત્યા બાદથી જ પોલીસ ટીમ અનંત સિંહ પર નજર રાખી રહી હતી અને હવે ધરપકડ કર્યા બાદ તેમને પટણા પોલીસ લાઇન લઈ જવામાં આવ્યા છે.
VIDEO | Barh: JD(U) candidate from Mokama, Anant Kumar Singh, has reportedly been arrested by police and taken to Patna in connection with the murder of gangster-turned-politician Dularchand Yadav.
(Source: Third Party) pic.twitter.com/NCMALQYl0k
— Press Trust of India (@PTI_News) November 1, 2025
ખુલાસો અને રિમાન્ડની તૈયારી – Patna SSP Statement
મીડિયા અહેવાલો મુજબ, પટણાના એસએસપી (SSP) કાર્તિકેય શર્માની વિશેષ ટીમે અનંત સિંહની ધરપકડ કરી છે. સૂત્રોના જણાવ્યા અનુસાર, અનંત સિંહની ધરપકડ દિવસ દરમિયાન જ થઈ ગઈ હતી, પરંતુ વિસ્તારમાં આક્રોશ ભડકવાની શક્યતા અને ચૂંટણી પ્રચારને ધ્યાનમાં રાખીને પોલીસ અને મેજિસ્ટ્રેટે આ કાર્યવાહી પર દિવસભર ચૂપકીદી જાળવી રાખી હતી. અનંત સિંહને પટણા લાવ્યા બાદ જ તેમની ધરપકડની સત્તાવાર પુષ્ટિ કરવામાં આવી હતી.
#WATCH | Bihar | SSP Patna, Kartikeya K Sharma says, "... We will try to seek his remand from the court at the earliest and begin with our investigation... We'll try to get his judicial custody..." pic.twitter.com/PXoGOhCRLC
— ANI (@ANI) November 1, 2025
એસએસપી કાર્તિકેય કે શર્માએ દુલારચંદ યાદવના મોતનું કારણ જણાવતા કહ્યું કે મૃતકના પગમાં ગોળી વાગી હતી. પોસ્ટમોર્ટમ રિપોર્ટ મુજબ તેમની હત્યા કરવામાં આવી છે. રિપોર્ટમાં એક પ્રવેશ ઘા અને એક નીકળવાનો ઘા દેખાયો છે, જેથી ગોળી મળી નથી. એસએસપીએ કહ્યું કે, "અમે શક્ય તેટલી વહેલી તકે કોર્ટમાંથી તેમની રિમાન્ડ (Remand) મેળવવાનો પ્રયાસ કરીશું અને અમારી તપાસ શરૂ કરીશું. અમે તેમની ન્યાયિક કસ્ટડી મેળવવાનો પ્રયાસ કરીશું."
શું હતો દુલારચંદ યાદવ કેસ? – Dularchand Yadav Case Details
ઉલ્લેખનીય છે કે, 30 ઓક્ટોબર, 2025ના રોજ ચૂંટણી પ્રચાર દરમિયાન બે હરીફ જૂથો વચ્ચે થયેલી ગોળીબારમાં દુલારચંદ યાદવનું મૃત્યુ થયું હતું. તે સમયે તેઓ જનસુરાજ પાર્ટીના ઉમેદવાર પીયૂષ પ્રિયદર્શીના સમર્થનમાં પ્રચાર કરી રહ્યા હતા. પોલીસે આ કેસમાં ત્રણ એફઆઈઆર (FIR) દાખલ કરી હતી અને બે શંકાસ્પદ લોકોની ધરપકડ પણ કરી હતી. આ એફઆઈઆરમાં અનંત સિંહનું નામ પણ સામેલ હતું, જેને પગલે હવે તેમની ધરપકડ કરવામાં આવી છે.
વિપક્ષના સવાલો અને ઉમેદવારની પ્રતિક્રિયા – Political Reaction Mokama
આ ઘટનાક્રમ બાદ બિહારનું રાજકીય તાપમાન ઘણું વધી ગયું હતું. આરજેડી નેતા તેજસ્વી યાદવથી લઈને સમગ્ર વિપક્ષે એનડીએના ઉમેદવારનું નામ હત્યાકાંડમાં સામે આવતા સીએમ નીતિશ કુમાર અને ચૂંટણી પંચ પર સવાલો ઉઠાવ્યા હતા. કાર્યવાહીમાં વિલંબ થવા બદલ વિપક્ષે આક્રોશ વ્યક્ત કર્યો હતો.
અનંત સિંહની ધરપકડ પર જનસુરાજ પાર્ટીના ઉમેદવાર પીયૂષ પ્રિયદર્શીએ કહ્યું કે, "આ એક સારું પગલું છે, પરંતુ જો તેઓએ વહેલા કાર્યવાહી કરી હોત તો સારું થાત. આજે તે ૫૦ વાહનોના કાફલા સાથે ફરતા હતા અને પ્રચારમાં પણ સામેલ હતા. તેમની સામે એફઆઈઆર નોંધાયા પછી તેમની ધરપકડ વહેલી થવી જોઈતી હતી."
આ પણ વાંચો : બિહારમાં મોકામા હત્યાકાંડમાં ચૂંટણી પંચે કરી મોટી કાર્યવાહી, એસપી સહિત 4 અધિકારીઓની બદલી, 1 સસ્પેન્ડ