પ્રિયંકા ગાંધી પર રમેશ બિધુડીના નિવેદનથી ચંદ્રશેખર આઝાદ ભડક્યા, કહ્યું, ટિપ્પણી કરવા બદલ તેમને થપ્પડ મારવી જોઈએ
- રમેશ બિધુડીએ પ્રિયંકા ગાંધી વિશે વાંધાજનક નિવેદન આપ્યું
- ભાજપ નેતાના આ નિવેદન સામે કોંગ્રેસે વાંધો ઉઠાવ્યો
- ચંદ્રશેખર આઝાદે તેમના નિવેદનની આકરી નિંદા કરી
Ramesh Bidhuri Remark: રમેશ બિધુડીએ આ પહેલા પણ વિવાદાસ્પદ નિવેદનો આપ્યા છે. સપ્ટેમ્બર 2023માં રમેશ બિધુડીએ સંસદમાં બસપા સાંસદ દાનિશ અલી વિરુદ્ધ વાંધાજનક ટિપ્પણી કરી હતી.
રમેશ બિધુડીએ આપ્યું વાંધાજનક નિવેદન
બીજેપી નેતા રમેશ બિધુડીએ દિલ્હી વિધાનસભા ચૂંટણી પહેલા કોંગ્રેસ નેતા પ્રિયંકા ગાંધી વિશે વાંધાજનક નિવેદન આપ્યું છે. ભાજપ નેતાના આ નિવેદન સામે કોંગ્રેસે ભારે વાંધો ઉઠાવ્યો છે. આ પછી આઝાદ સમાજ પાર્ટીના વડા ચંદ્રશેખર આઝાદે પણ તેમના નિવેદનની આકરી નિંદા કરી છે.
શું કહ્યું સાંસદ ચંદ્રશેખર આઝાદે ?
સાંસદ ચંદ્રશેખર આઝાદે કહ્યું, "આ ખૂબ જ ખરાબ અને સસ્તી ટિપ્પણી છે. જે સાંસદે આ ટિપ્પણી કરી છે તે અગાઉ પણ આવી વાતો કહી ચૂક્યા છે. આ રાજકારણનું નીચલુ સ્તર દર્શાવે છે. રાજકારણમાં આવા નિવેદનોને કોઈ સ્થાન નથી. આવી ટિપ્પણીથી મહિલાઓ તેમનાથી ખુશ નથી, આવી ટિપ્પણી કરવા બદલ તેમને થપ્પડ મારવી જોઈએ, ભાજપે તેમની પાસેથી આવી ટિપ્પણીનો જવાબ માંગવો જોઈએ.
#WATCH | Delhi | On BJP leader Ramesh Bidhuri's purported statement in a viral video, Aazad Samaj Party - Kanshi Ram MP Chandra Shekhar Aazad says, "This is a very derogatory comment. The leader has said such words earlier too. I oppose such statements given by anyone. It is… pic.twitter.com/EjuPPaOAyL
— ANI (@ANI) January 5, 2025
શું છે મામલો?
દિલ્હીની કાલકાજી વિધાનસભા બેઠક પરથી ભાજપના ઉમેદવાર રમેશ બિધુડીનો એક વીડિયો સામે આવ્યો છે જેમાં તેઓ કહે છે, "લાલુએ બિહારના રસ્તાઓને હેમા માલિનીના ગાલ જેવા બનાવવાનું વચન આપ્યું હતું, પરંતુ તેઓ તેમ કરી શક્યા નહીં. હું તમને ખાતરી આપું છું. મેં ઓખલા અને સંગમ વિહારના રસ્તા બનાવ્યા છે, હું કાલકાજીના તમામ રસ્તા પ્રિયંકા ગાંધીના ગાલ જેવા બનાવીશ.
સુપ્રિયા શ્રીનેતનું નિવેદન
કોંગ્રેસ પાર્ટીએ આ ટિપ્પણી સામે સખત વાંધો ઉઠાવ્યો છે. કોંગ્રેસના નેતા સુપ્રિયા શ્રીનેતે રમેશ બિધુડીની આકરી ટીકા કરી, તેમના નિવેદનને "શરમજનક" ગણાવ્યું અને ભાજપ પર "મહિલા વિરોધી" માનસિકતા હોવાનો આરોપ લગાવ્યો. સુપ્રિયા શ્રીનેતે એક નિવેદનમાં જણાવ્યું કે, રમેશ બિધુડીનું પ્રિયંકા ગાંધી વિશેનું નિવેદન માત્ર શરમજનક નથી, પરંતુ તે મહિલાઓ પ્રત્યેની તેમની ઘૃણાસ્પદ માનસિકતાને પણ દર્શાવે છે. પરંતુ એવી વ્યક્તિ પાસેથી બીજી શું અપેક્ષા રાખી શકાય કે, જેણે ગૃહમાં પોતાના સાથી સાંસદ વિરુદ્ધ અપમાનજનક ભાષાનો ઉપયોગ કર્યો હોય. અને શું આ છે ભાજપનો અસલી ચહેરો?
આ પણ વાંચો : મણિપુરમાં સુરક્ષા દળોની મોટી કાર્યવાહી, હથિયારો, IED અને દારૂગોળાનો મોટો જથ્થો જપ્ત