દિલ્હીના નવા CM રેખા ગુપ્તા એક્શનમાં, AAP ના અંગત સ્ટાફને બરતરફ કર્યા

• CM રેખા ગુપ્તા અને તેમના મંત્રીઓ શુક્રવારે સચિવાલય પહોંચ્યા હતા
• ભાજપે 100 દિવસનો એક્શન પ્લાન તૈયાર કર્યો
• રેખા ગુપ્તાએ આતિશી સરકારના તમામ અંગત સ્ટાફને બરતરફ કર્યા

CM Rekha Gupta : દિલ્હીના નવા ચૂંટાયેલા મુખ્યમંત્રી રેખા ગુપ્તા અને તેમના મંત્રીઓ શુક્રવારે સચિવાલય પહોંચ્યા હતા, પરંતુ તેઓએ હજુ સુધી ચાર્જ સંભાળ્યો નથી. ચાર્જ લેવામાં કેમ વિલંબ થઈ રહ્યો છે તે મુદ્દે હજુ સુધી કોઈ સત્તાવાર નિવેદન આવ્યું નથી. સીએમ રેખાની સાથે પ્રવેશ વર્મા, મનજિંદર સિંહ સિરસા, પંકજ સિંહ, રવિન્દર ઈન્દ્રજીત સિંહ, કપિલ મિશ્રા અને આશિષ સૂદે ગુરુવારે શપથ લીધા હતા.

દિલ્હીમાં સત્તા સંભાળ્યા બાદ ભાજપે 100 દિવસનો એક્શન પ્લાન તૈયાર કર્યો છે, જેમાં યમુનાની સફાઈ, પાણીની સમસ્યાનો ઉકેલ, પરિવહન સુધારણા અને મહિલા સુરક્ષા જેવા મુખ્ય મુદ્દાઓને પ્રાથમિકતા આપવામાં આવી છે. આજે પાણી બોર્ડ અને પીડબ્લ્યુડીના અધિકારીઓ સાથે પણ બેઠક છે.

મંત્રીઓના રૂમમાં લાગેલી તસવીરો પર સવાલો ઉઠી રહ્યા છે

વાસ્તવમાં મંત્રીઓના રૂમમાં લટકાવવામાં આવેલી તસવીરો પર સવાલો ઉઠી રહ્યા છે. સામાન્ય વહીવટ વિભાગને ફોટો હટાવવાની સૂચના આપવામાં આવી છે. મંત્રીઓના રૂમમાં આંબેડકર અને ભગત સિંહની તસવીરો પ્રદર્શિત કરવામાં આવી છે. દિલ્હી સરકારના કોઈપણ મંત્રીએ આજે ​​ચાર્જ સંભાળ્યો નથી.

દિલ્હી કેબિનેટની પ્રથમ બેઠક ગઈકાલે એટલે કે ગુરુવારે સાંજે યોજાઈ હતી. આ બેઠકમાં બે મોટા નિર્ણય લેવામાં આવ્યા છે. રેખા સરકારે તેની પ્રથમ કેબિનેટ બેઠકમાં આયુષ્માન યોજના લાગુ કરવાનો નિર્ણય લીધો હતો. આ સાથે, દિલ્હી વિધાનસભાના પહેલા સત્રમાં CAGના 14 અહેવાલો ગૃહમાં રજૂ કરવામાં આવશે.

આ પણ વાંચો :  અમેરિકામાં રહેતા ગુજરાતીઓ સાચવજો! રહસ્યમય ફ્લૂથી 3 લાખ કરતા વધારે લોકો હોસ્પિટલમાં દાખલ

દિલ્હીના નવા મુખ્યમંત્રી રેખા ગુપ્તા એક્શનમાં

દિલ્હીનો કાર્યભાર સંભાળ્યા પછી, સીએમ રેખા ગુપ્તાએ આતિશી સરકારના તમામ અંગત સ્ટાફને બરતરફ કર્યા. તેમણે પૂર્વ મુખ્યમંત્રી અને મંત્રીઓના તમામ અંગત સ્ટાફને બરતરફ કરી દીધા હતા. આ સાથે આમ આદમી પાર્ટીની સરકાર દ્વારા અન્ય વિભાગોમાં જે અધિકારીઓ અને કર્મચારીઓની નિમણૂક કરવામાં આવી હતી. તેમને તાત્કાલિક તેમના મૂળ વિભાગોમાં રિપોર્ટ કરવા કહેવામાં આવ્યું છે.

દિલ્હી વિધાનસભાનું પહેલું સત્ર 24 ફેબ્રુઆરીથી શરૂ થશે

દિલ્હી વિધાનસભાનું પ્રથમ સત્ર 24 ફેબ્રુઆરીથી શરૂ થશે. વિધાનસભા સત્રમાં નવા ધારાસભ્યોનો શપથ ગ્રહણ સમારોહ યોજાશે. CAGનો રિપોર્ટ 27 ફેબ્રુઆરીએ ગૃહમાં રજૂ કરવામાં આવશે.

આ પણ વાંચો :  Hathras Stampede : ન્યાયિક તપાસ રિપોર્ટમાં ભોલે બાબાને ક્લીનચીટ મળી, ભાગદોડમાં થયા હતા 121 ના મોત