કોંગ્રેસ નેતા Sonia Gandhi ની વધી શકે છે મુશ્કેલીઓ, કોર્ટ સુધી પહોંચ્યો મામલો
- કોંગ્રેસ નેતા Sonia Gandhi વિરૂદ્ધ FIRની માગ
- દિલ્હીની રાઉઝ એવન્યુ કોર્ટમાં અરજી કરવામાં આવી
- 'ભારતીય નાગરિક બન્યાના 3 વર્ષ પૂર્વે મતદાર બન્યા'
- 1980માં મતદાર યાદીમાં નામ દાખલ કરાયાનો દાવો
- એપ્રિલ 1983માં ભારતના નાગરિક બન્યાનો આરોપ
- કેસની આગામી સુનાવણી 10 સપ્ટેમ્બરે હાથ ધરાશે
ભારતીય રાજકારણમાં ફરી એકવાર કોંગ્રેસના નેતા સોનિયા ગાંધી (Congress leader Sonia Gandhi) વિરુદ્ધ કાનૂની વિવાદ શરૂ થયો છે. દિલ્હીની રાઉઝ એવન્યુ કોર્ટમાં એક અરજી દાખલ કરવામાં આવી છે, જેમાં સોનિયા ગાંધી વિરુદ્ધ ભારતીય નાગરિક બન્યાના 3 વર્ષ પહેલાં જ મતદાર યાદીમાં નામ સામેલ કરવા બદલ FIR નોંધવાની માંગ કરવામાં આવી છે. આ કેસની સુનાવણી 10 સપ્ટેમ્બરે ફરીથી હાથ ધરવામાં આવશે, જેણે રાજકીય વર્તુળોમાં ગરમાવો લાવી દીધો છે.
શું છે આક્ષેપ?
અરજીકર્તા વકીલનો મુખ્ય આરોપ એ છે કે સોનિયા ગાંધી (Sonia Gandhi) નું નામ 1980 માં નવી દિલ્હી મતવિસ્તારની મતદાર યાદીમાં સામેલ કરવામાં આવ્યું હતું, જ્યારે તેમણે એપ્રિલ 1983 માં ભારતીય નાગરિકતા પ્રાપ્ત કરી હતી. આ સમયગાળો 3 વર્ષનો ગેરકાનૂની અંતર દર્શાવે છે. અરજીમાં વધુમાં જણાવાયું છે કે 1980 માં નામ સામેલ કરાયા બાદ તેમને 1982 માં દૂર કરવામાં આવ્યું હતું અને ફરી 1983 માં સામેલ કરાયું હતું. આ આક્ષેપ પ્રમાણે, જો કોઈ વ્યક્તિ ભારતીય નાગરિક ન હોય તો તે મતદાર યાદીમાં નામ સામેલ કરાવી શકે નહીં.
Sonia Gandhi
Sonia Gandhi વિરુદ્ધ અરજીકર્તાની દલીલ
અરજીમાં વકીલે દલીલ કરી છે કે આ સમગ્ર પ્રક્રિયામાં નકલી દસ્તાવેજોનો ઉપયોગ થયો હોવો જોઈએ. કોઈ વ્યક્તિ નાગરિકતા વગર મતદાર યાદીમાં નામ કેવી રીતે સામેલ કરાવી શકે? આ પ્રશ્ન ઉઠાવીને વકીલે આ કૃત્યને દખલપાત્ર ગુનો ગણાવ્યો છે. ભારતીય કાયદા મુજબ, ખોટા દસ્તાવેજો બનાવીને સત્તાવાર પ્રક્રિયામાં છેતરપિંડી કરવી એ ગંભીર અપરાધ છે. આથી, વકીલે કોર્ટ પાસે વિનંતી કરી છે કે આ મામલે તાત્કાલિક FIR નોંધવાનો આદેશ આપવામાં આવે, જેથી કાયદેસરની તપાસ હાથ ધરી શકાય.
કોર્ટની સુનાવણી અને આગામી પગલાં
રાઉઝ એવન્યુ કોર્ટના એડિશનલ ચીફ જ્યુડિશિયલ મેજિસ્ટ્રેટ વૈભવ ચૌરસિયા દ્વારા આ કેસની સુનાવણી કરવામાં આવી રહી છે. ગુરુવારે ટૂંકી સુનાવણી બાદ કોર્ટે આ મામલે આગામી સુનાવણી 10 સપ્ટેમ્બરના રોજ નક્કી કરી છે. હાલમાં, દિલ્હી પોલીસ કે સોનિયા ગાંધી (Sonia Gandhi) ને કોઈ ઔપચારિક નોટિસ જારી કરવામાં આવી નથી. કોર્ટ આ અરજીની યોગ્યતા તપાસી રહી છે કે શું આ મામલામાં FIR નોંધવા માટે પૂરતા પ્રાથમિક પુરાવા છે કે નહીં.
Congress Leader Sonia Gandhi
જો કોર્ટ અરજીને સ્વીકારીને FIR નોંધવાનો આદેશ આપે છે, તો આ મામલો સોનિયા ગાંધી અને કોંગ્રેસ માટે કાનૂની અને રાજકીય બંને મોરચે મુશ્કેલીઓ ઊભી કરી શકે છે. વિપક્ષી પક્ષો આ મુદ્દાને ઊછાળીને રાજકીય લાભ લેવાનો પ્રયાસ કરી શકે છે.
આ પણ વાંચો : Delhi : પંડિત જવાહરલાલ નેહરુનો પ્રથમ સત્તાવાર બંગલો વેચાયો, કિંમત જાણી ઉડી જશે હોશ