• દિલ્હીમાં હાઇકોર્ટ બાદ તાજ પેલેસને Bomb થી ઉડાવી દેવાની ધમકી
• તાજ પેલેસને બોમ્બથી ઉડાવી દેવાની ધમકી
• ઇમેઇલ દ્વારા તાજ પેલેસને ધમકી મળતા હડકંપ
• પોલીસ અને બોમ્બ સ્ક્વોડની ટીમ ઘટનાસ્થળે
• પોલીસ, બોમ્બ સ્ક્વોડની ટીમે હાથ ધરી તપાસ
• તપાસ દરમિયાન કોઇ શંકાસ્પદ વસ્તુ મળી નહીં

Threat to blow up Taj Palace with a bomb : દેશની રાજધાની દિલ્હીમાં શાળાઓ અને હાઈકોર્ટને Bomb વિસ્ફોટની ધમકી મળ્યા બાદ હવે વધુ એક હાઈપ્રોફાઈલ સ્થળને નિશાન બનાવવાની ધમકી મળી છે. દિલ્હીના પ્રતિષ્ઠિત તાજ પેલેસ હોટેલને એક ઈમેલ દ્વારા બોમ્બથી ઉડાવી દેવાની ધમકી મળતા ખળભળાટ મચી ગયો છે. આ ધમકી બાદ તાત્કાલિક પોલીસ, બોમ્બ સ્ક્વોડ અને અન્ય સુરક્ષા એજન્સીઓ ઘટનાસ્થળે દોડી ગઈ હતી અને પરિસરની સઘન તપાસ હાથ ધરી હતી. જોકે, તપાસ દરમિયાન કોઈ શંકાસ્પદ વસ્તુ મળી ન હોવાથી આ ધમકી એક અફવા સાબિત થઈ છે. તેમ છતાં, સુરક્ષા વ્યવસ્થાને વધુ કડક બનાવવામાં આવી છે.

ધમકી અને તાત્કાલિક કાર્યવાહી

પ્રાપ્ત માહિતી અનુસાર, શુક્રવારે તાજ પેલેસ હોટેલને એક ઈમેલ મળ્યો હતો જેમાં બોમ્બ વિસ્ફોટ (Bomb explosion) નો ઉલ્લેખ હતો. આ ધમકી મળતા જ હોટેલ પ્રશાસન અને પોલીસ તંત્ર એલર્ટ થઈ ગયા હતા. તરત જ પોલીસની ટીમ, બોમ્બ ડિટેક્શન અને ડિસ્પોઝલ સ્ક્વોડ (BDDS) અને ડોગ સ્ક્વોડને બોલાવવામાં આવી હતી. સુરક્ષાકર્મીઓએ હોટેલના દરેક ખૂણે-ખૂણાની ઝીણવટભરી તપાસ કરી હતી, પરંતુ કલાકો સુધી ચાલેલી તપાસ બાદ પણ કોઈ જોખમી વસ્તુ મળી નહોતી.

#WATCH | Taj Palace Hotel in Delhi received a bomb threat mail. Nothing was found; it has been declared a hoax: Delhi Police pic.twitter.com/OPDEZVnDlH

— ANI (@ANI) September 13, 2025

આ ધમકી બાદ હોટેલમાં હાજર મહેમાનો અને સ્ટાફમાં ભયનો માહોલ ફેલાઈ ગયો હતો, જોકે પોલીસે ઝડપી કાર્યવાહી કરીને પરિસ્થિતિને નિયંત્રણમાં લીધી હતી. આ ઘટના એવા સમયે બની છે જ્યારે થોડા સમય પહેલા જ દિલ્હીની ઘણી શાળાઓ અને હાઈકોર્ટ પરિસરમાં પણ Bomb ની ધમકીઓ મળી હતી. તે સમયે પણ આ ધમકીઓ ખોટી સાબિત થઈ હતી.

Bomb ધમકીઓની શ્રેણી : એક પેટર્નનો સંકેત?

આ પ્રકારની ધમકીઓ કોઈ એકલ-દોકલ ઘટના નથી, પરંતુ એક શ્રેણીબદ્ધ પ્રવૃત્તિનો ભાગ હોય તેવું લાગી રહ્યું છે. તાજ પેલેસને ધમકી મળ્યાના થોડા સમય પહેલા જ દિલ્હી હાઈકોર્ટમાં પણ Bomb ની ધમકી આપવામાં આવી હતી. આ ઘટનામાં પણ પરિસરને ખાલી કરાવવામાં આવ્યું હતું અને સઘન તપાસ બાદ કોઈ શંકાસ્પદ વસ્તુ ન મળતા સૌએ રાહતનો શ્વાસ લીધો હતો. આ ધમકીઓ મોકલવા પાછળનો હેતુ લોકોમાં ગભરાટ ફેલાવવાનો અને સુરક્ષા તંત્રને ગેરમાર્ગે દોરવાનો હોઇ શકે છે.

પોલીસનું કહેવું છે કે આ પ્રકારની ધમકીઓ પાછળ કઈ શક્તિઓ કામ કરી રહી છે, તે જાણવા માટે ઊંડાણપૂર્વક તપાસ ચાલી રહી છે. ઈમેલ મોકલનાર વ્યક્તિની ઓળખ કરવા માટે સાયબર સેલની મદદ પણ લેવામાં આવી રહી છે. ઓળખ થઈ ગયા બાદ, આરોપી સામે કડક કાયદાકીય કાર્યવાહી કરવામાં આવશે.

આ પણ વાંચો :   Delhi High Court માં બોમ્બની ધમકીથી ખળભળાટ, સુરક્ષા એજન્સીઓ અને પોલીસ દોડતી થઇ