• AAP ની દિલ્હીમાં હાર પર સ્વાતિ માલીવાલ અને કુમાર વિશ્વાસનો કટાક્ષ
• સ્વાતિ માલીવાલે દ્રૌપદીનો ફોટો શેર કરી ઉડાવી મજાક
• દ્રૌપદીના વસ્ત્રહરણનો ફોટો શેર કરી સ્વાતિ માલીવાલે કર્યો કટાક્ષ

Delhi Election Results 2025 : દિલ્હી વિધાનસભા ચૂંટણીના વલણો મુજબ આમ આદમી પાર્ટીને મોટો ઝટકો લાગી રહ્યો છે, કારણ કે ભારતીય જનતા પાર્ટી બહુમતી તરફ આગળ વધી રહી છે અને આમ આદમી પાર્ટી (AAP) ફક્ત 22 બેઠકો સુધી સીમિત રહેતી દેખાઈ રહી છે. આ સંભવિત હાર બાદ અરવિંદ કેજરીવાલના જૂના સાથીઓ, જેમ કે રાજ્યસભા સાંસદ સ્વાતિ માલીવાલ સોશિયલ મીડિયા પર કટાક્ષભરી ટિપ્પણીઓ કરીને તેમને ઘેરી રહ્યા છે.

દ્રૌપદીનો ફોટો શેર કરીને સ્વાતિ માલીવાલે મજાક ઉડાવી

સ્વાતિ માલીવાલે ટ્વિટર પર હવે (x) એક ફોટો શેર કર્યો છે, જે મહાભારતમાંથી દ્રૌપદીના વસ્ત્રહરણનો છે. તેમણે આ ફોટો એ પરિસ્થિતિઓના સંદર્ભમાં શેર કર્યો છે, જ્યારે અરવિંદ કેજરીવાલ સાથેના તેમના સંબંધોમાં ખટાશ આવી હતી. સ્વાતિ માલીવાલે થોડા મહિના પહેલા કેજરીવાલ પર તેમના નિવાસસ્થાને હુમલો કરવાનો આરોપ લગાવ્યો હતો, જેના કારણે તેમના અને કેજરીવાલ વચ્ચેના સંબંધોમાં ઊંડી તિરાડ પડી ગઈ હતી. સ્વાતિએ કેજરીવાલના અંગત સચિવ પર હુમલો કરવાનો આરોપ લગાવીને આ ઘટના પ્રકાશમાં લાવી હતી.

ભાજપની જીત પર PM મોદીએ શું કહ્યું?

PM નરેન્દ્ર મોદીએ દિલ્હીમાં ભાજપને મળેલી જીત બદલ અભિનંદન પાઠવ્યા છે. PM મોદીએ X પર લખ્યું, માનવશક્તિ સર્વોપરી છે! વિકાસ જીત્યો, સુશાસન જીત્યું. ભાજપને ઐતિહાસિક વિજય અપાવવા બદલ દિલ્હીના મારા બધા ભાઈઓ અને બહેનોને મારા સલામ અને અભિનંદન! તમે મને આપેલા પુષ્કળ આશીર્વાદ અને પ્રેમ માટે હું તમારા બધાનો ખૂબ ખૂબ આભારી છું. દિલ્હીના સર્વાંગી વિકાસ અને તેના લોકોના જીવનને સુધારવા માટે અમે કોઈ કસર છોડીશું નહીં; આ અમારી ગેરંટી છે. આ સાથે, અમે એ પણ સુનિશ્ચિત કરીશું કે દિલ્હી વિકસિત ભારતના નિર્માણમાં મહત્વપૂર્ણ ભૂમિકા ભજવે. મને મારા બધા ભાજપ કાર્યકરો પર ખૂબ ગર્વ છે જેમણે આ પ્રચંડ જનાદેશ માટે દિવસ-રાત મહેનત કરી. હવે અમે દિલ્હીના લોકોની સેવા કરવા માટે વધુ મજબૂતીથી સમર્પિત રહીશું.

આ પણ વાંચો :  LIVE: Delhi Election Results 2025 Live : કેજરીવાલે જનતા સાથે દગો કર્યો, હવે તેમને જવાબ મળી ગયો - પિયુષ ગોયલ