ED raids Saurabh Bharadwaj : દિલ્હીમાં ED ની મોટી કાર્યવાહી, AAP નેતા સૌરભ ભારદ્વાજને ત્યાં દરોડા
- આપનેતા સૌરભ ભારદ્વાજનાં ત્યાં EDના દરોડા (ED raids Saurabh Bharadwaj)
- આરોગ્ય ક્ષેત્રના લગતા પ્રજોક્ટ્સમાં ભ્રષ્ટાચારનો આરોપ
- સૌરભ ભારદ્વાજના ઘર સહિત 13 સ્થળો પર દરોડાની કાર્યવાહી
- 2024માં થયેલી ફરિયાદના અનુસંધાનમાં કાર્યવાહી કરાઈ
ED raids Saurabh Bharadwaj : દિલ્હીના રાજકારણમાં ફરી એકવાર ખળભળાટ મચી ગયો છે. એન્ફોર્સમેન્ટ ડિરેક્ટોરેટ (ED) એ મંગળવારે આમ આદમી પાર્ટી (AAP) ના વરિષ્ઠ નેતા અને ભૂતપૂર્વ મંત્રી સૌરભ ભારદ્વાજના ઘર સહિત 13 સ્થળોએ દરોડા પાડ્યા હતા. આ કાર્યવાહી દિલ્હી સરકાર દ્વારા શરૂ કરાયેલા હોસ્પિટલ બાંધકામ પ્રોજેક્ટ્સમાં કથિત ભ્રષ્ટાચારના કેસ સાથે સંબંધિત છે.
દિલ્હીની ભ્રષ્ટાચાર વિરોધી શાખા (ACB) એ AAP સરકારના કાર્યકાળ દરમિયાન આરોગ્ય ક્ષેત્રને લગતા પ્રોજેક્ટ્સમાં મોટા પાયે ગેરરીતિઓનો આરોપ લગાવ્યો ત્યારે આ કેસ શરૂ થયો હતો. તેના આધારે, જૂનમાં સૌરભ ભારદ્વાજ અને ભૂતપૂર્વ આરોગ્ય પ્રધાન સત્યેન્દ્ર જૈન સામે કેસ નોંધવામાં આવ્યો હતો. જુલાઈમાં, ED એ પણ આ જ કેસમાં મની લોન્ડરિંગનો કેસ નોંધ્યો હતો અને તપાસ શરૂ કરી હતી.
2024માં ફરિયાદ બાદ વિવાદ આવ્યો હતો સામે
ઓગસ્ટ 2024 માં તત્કાલીન વિપક્ષી નેતા વિજેન્દ્ર ગુપ્તાની ફરિયાદ બાદ આ વિવાદ પ્રકાશમાં આવ્યો હતો. ફરિયાદમાં આરોપ મૂકવામાં આવ્યો હતો કે 2018-19માં મંજૂર કરાયેલા 5590 કરોડ રૂપિયાના 24 હોસ્પિટલ પ્રોજેક્ટ્સમાં મોટા પાયે ભ્રષ્ટાચાર થયો હતો. આ પ્રોજેક્ટ્સમાં ૧૧ નવી હોસ્પિટલો અને ૧૩ જૂની હોસ્પિટલોનું અપગ્રેડેશન શામેલ હતું.
#WATCH | Delhi | Visuals from AAP leader and former Delhi Minister Saurabh Bharadwaj's residence in Chirag Delhi, where the Enforcement Directorate (ED) is conducting raids.
ED is raiding AAP leader Saurabh Bharadwaj's residence and 12 other locations in the hospital… pic.twitter.com/sRPscmudTp
— ANI (@ANI) August 26, 2025
કરોડોનું કૌભાંડ અને બાંધકામમાં વિલંબ
ED ની તપાસ મુજબ, આ પ્રોજેક્ટ્સ ફક્ત છ મહિનામાં પૂર્ણ કરવાનો લક્ષ્યાંક હતો, પરંતુ આજ સુધી તે પૂર્ણ થયા નથી. જ્યારે તેમના પર ૮૦૦ કરોડ રૂપિયાથી વધુ ખર્ચ કરવામાં આવ્યો છે, ત્યારે ફક્ત ૫૦% કામ પૂર્ણ થયું છે. આરોપો અનુસાર, પ્રોજેક્ટ્સમાં સતત વિલંબ અને ખર્ચમાં વધારો થયો છે. ઉદાહરણ તરીકે, લોકનાયક હોસ્પિટલનો બાંધકામ ખર્ચ ૪૮૮ કરોડ રૂપિયાથી વધીને ૧,૧૩૫ કરોડ રૂપિયા થયો છે.
મંજૂરી વગર બાંધકામ શરૂ કરાયું હોવાનો આરોપ
ED નો આરોપ છે કે ઘણી હોસ્પિટલોમાં જરૂરી મંજૂરી વિના બાંધકામ શરૂ કરવામાં આવ્યું હતું. એજન્સીઓનું કહેવું છે કે આ બધી ગેરરીતિઓમાં સરકારી નાણાંનો દુરુપયોગ કરીને અને ખાનગી કોન્ટ્રાક્ટરો સાથે મળીને કરોડોના કૌભાંડો કરવામાં આવ્યા છે. આગામી સમયમાં આ કેસમાં વધુ મોટા ખુલાસા થવાની અપેક્ષા છે.
આ પણ વાંચો : Tariff War : ટ્રમ્પ ભારત પર લાદશે 50 % ટેરિફ, અમેરિકાએ સત્તાવાર નોટિફિકેશ જાહેર કર્યુ