Pahalgam Terror Attack: FBI ડિરેક્ટર કાશ પટેલે આતંકવાદ સામે ભારતને સંપૂર્ણ સમર્થન આપવાની જાહેરાત કરી, જાણો શું કહ્યું ?
- FBI ડિરેક્ટર કાશ પટેલની ભારતને સમર્થન આપવાની જાહેરાત
- FBI તમામ પીડિતો પ્રત્યે સંવેદના વ્યક્ત કરે છે- કાશ પટેલ
- યુનાઇટેડ સ્ટેટ્સ ભારતના લોકોની સાથે ઉભું છે
Pahalgam Terror Attack: 22 એપ્રિલના રોજ, પહેલગામના બૈસરન મેદાનમાં પ્રવાસીઓ પર આતંકવાદીઓના હુમલામાં 26 લોકો માર્યા ગયા હતા અને ઘણા લોકો ઘાયલ થયા હતા. આ પહેલા બુધવારે અમેરિકાના રાષ્ટ્રપતિ ડોનાલ્ડ ટ્રમ્પે PM મોદી સાથે ટેલિફોન પર વાતચીત કરી હતી.
કાશ પટેલે પીડિતો પ્રત્યે સંવેદના વ્યક્ત કરી
FBI ના ડિરેક્ટર કાશ પટેલે જમ્મુ અને કાશ્મીરના પહેલગામમાં થયેલા આતંકવાદી હુમલાના તમામ પીડિતો પ્રત્યે સંવેદના વ્યક્ત કરી અને ભારત સરકારને અમેરિકાના સંપૂર્ણ સમર્થનની પુષ્ટિ કરી. પટેલે કહ્યું કે પહેલગામ હુમલો દુનિયાને આતંકવાદ દ્વારા ઉભા થતા સતત ખતરાની યાદ અપાવે છે. X પરની એક પોસ્ટમાં, કાશ પટેલે કહ્યું, FBI કાશ્મીરમાં તાજેતરના આતંકવાદી હુમલાના તમામ પીડિતો પ્રત્યે સંવેદના વ્યક્ત કરે છે અને ભારત સરકારને સંપૂર્ણ સમર્થન આપવાનું ચાલુ રાખશે.
The FBI sends our condolences to all the victims of the recent terrorist attack in Kashmir — and will continue offering our full support to the Indian government.
This is a reminder of the constant threats our world faces from the evils of terrorism. Pray for those affected.…
— FBI Director Kash Patel (@FBIDirectorKash) April 26, 2025
ટ્રમ્પે PM મોદી સાથે વાત કરી
22 એપ્રિલના રોજ, પહેલગામના બૈસરન મેદાનમાં પ્રવાસીઓ પર આતંકવાદીઓના હુમલામાં 26 લોકો માર્યા ગયા હતા અને ઘણા લોકો ઘાયલ થયા હતા. આ પહેલા, અમેરિકાના રાષ્ટ્રપતિ ડોનાલ્ડ ટ્રમ્પે બુધવારે PM મોદી સાથે ટેલિફોન પર વાત કરી હતી અને આતંકવાદી હુમલામાં થયેલા જાનમાલના નુકસાન પર સંવેદના વ્યક્ત કરી હતી. ટ્રમ્પે પહેલગામમાં થયેલા આતંકવાદી હુમલાની નિંદા કરી અને આ જઘન્ય હુમલાના ગુનેગારોને ન્યાયના કઠેડામાં લાવવામાં ભારતને સંપૂર્ણ સમર્થન આપ્યું.
આ પણ વાંચો : Pahalgam Attack બાદ મોટી કાર્યવાહી, 60 જગ્યાએ દરોડા, પાકિસ્તાની નાગરિકો રવાના
અમેરિકાના ઉપરાષ્ટ્રપતિ જેડી વાન્સે પણ PM મોદીને ફોન કરીને જમ્મુ અને કાશ્મીરમાં થયેલા કાયરતાપૂર્ણ આતંકવાદી હુમલાની કડક નિંદા કરી હતી. તેમણે જાનમાલના નુકસાન પર ઊંડી સંવેદના વ્યક્ત કરી અને પુનરોચ્ચાર કર્યો કે આ મુશ્કેલ સમયમાં યુનાઇટેડ સ્ટેટ્સ ભારતના લોકોની સાથે ઉભું છે. PM મોદીએ વાન્સ અને ટ્રમ્પનો તેમના સમર્થન અને એકતાના સંદેશાઓ બદલ આભાર માન્યો.
ભારતે ઘણા કઠિન નિર્ણયો લીધા
પહેલગામ આતંકવાદી હુમલા બાદ, ભારત સરકારે અટારી ખાતે સરહદ બંધ કરવા, પાકિસ્તાની નાગરિકો માટે સાર્ક વિઝા મુક્તિ યોજના સ્થગિત કરવા, તેમને તેમના દેશમાં પાછા ફરવા માટે 40 કલાકનો સમય આપવા અને બંને બાજુના ઉચ્ચાયોગમાં અધિકારીઓની સંખ્યા ઘટાડવા સહિત અનેક નિર્ણયો લીધા છે. પહેલગામ હુમલાને પગલે ભારતે 1960માં થયેલા સિંધુ જળ સંધિને પણ સ્થગિત કરી દીધી છે. પાકિસ્તાને આ અંગે યુદ્ધની ધમકી પણ આપી છે.
આ પણ વાંચો : Pahalgam Attack: 'આતંકવાદ માટે કોઈ સ્થાન નથી', ઈરાની રાષ્ટ્રપતિએ PM મોદીને ફોન કર્યો, પહેલગામ હુમલાની કડક નિંદા કરી