Nitin Gadkari એ કેશલેસ સારવાર યોજનાને આપી મંજૂરી...

• Nitin Gadkari એ માર્ગ અકસ્માત માટે મહત્વની સેફ્ટી ઇનોવેશનની જાહેરાત
• હિટ એન્ડ રન કિસ્સામાં વળતર અને મફત સારવારની યોજના જાહેર
• માર્ચથી સમગ્ર દેશમાં શરૂ થશે કેશલેસ અકસ્માત સારવાર યોજના

કેન્દ્રીય મંત્રી નીતિન ગડકરી (Nitin Gadkari)એ માર્ગ અકસ્માતનો ભોગ બનેલા લોકો માટે કેશલેસ સારવારની જાહેરાત કરી છે. ગડકરી (Nitin Gadkari)એ કહ્યું કે, અકસ્માતના 24 કલાકમાં પોલીસને જાણ કરવી પડશે. આ યોજના સાત દિવસ સુધી અથવા વધુમાં વધુ 1.5 લાખ રૂપિયા સુધીના તબીબી ખર્ચને આવરી લેશે. કેન્દ્રીય મંત્રીએ કહ્યું કે હિટ એન્ડ રન કેસમાં મૃત્યુના કિસ્સામાં પરિવારને 2 લાખ રૂપિયાનું વળતર આપવામાં આવશે. સરકારે આસામ, હરિયાણા, પંજાબ, ચંદીગઢ અને પુડુચેરીમાં આ યોજનાનો પ્રયોગ કર્યો હતો. મળતી માહિતી મુજબ, સરકાર મોટર વ્હીકલ એમેન્ડમેન્ટ એક્ટને સંસદના આગામી સત્રમાં રજૂ કરશે, ત્યારબાદ માર્ચથી તેને સમગ્ર દેશમાં લાગુ કરવામાં આવશે.

વર્ષ 2024 માં 1 લાખ 80 હજાર લોકોના અકસ્માતમાં મોત...

કેન્દ્રીય મંત્રી નીતિન ગડકરી (Nitin Gadkari)એ કહ્યું કે, વર્ષ 2024 માં 1 લાખ 80 હજાર લોકો માર્ગ અકસ્માતમાં મૃત્યુ પામ્યા છે. તે જ સમયે, હેલ્મેટ ન પહેરવાના કારણે 32 હજાર લોકોના મોત થયા છે. 60 ટકા અકસ્માતો 18 થી 34 વર્ષની વયજૂથમાં થયા છે. તે જ સમયે, એક્ઝિટ-એન્ટ્રી પોઈન્ટ પર કોઈ યોગ્ય વ્યવસ્થા ન હોવાને કારણે 10 હજાર મૃત્યુ માત્ર શાળા અને કોલેજોની સામે જ થયા છે.

આ પણ વાંચો : ISRO ના નવા અધ્યક્ષ તરીકે વી નારાયણન નિયુક્ત, ભારતીય અવકાશવિજ્ઞાનને નવી દિશા

અકસ્માતોને રોકવા માટે સરકાર આ પગલાં લેશે...

કેન્દ્રીય મંત્રીએ કહ્યું કે, મંગળવારે રોડ સેફ્ટી પર એક મોટી બેઠક યોજાઈ હતી. જેમાં સુરક્ષાના ઉપાયો પર વધુ ભાર આપવામાં આવ્યો છે. બેઠકમાં માર્ગ અકસ્માતો અટકાવવા યોગ્ય પગલાં લેવા પર ભાર મૂકવામાં આવ્યો હતો. ગડકરી (Nitin Gadkari)એ કહ્યું કે, સરકાર કોમર્શિયલ વાહનોમાં અકસ્માતોને રોકવા માટે ત્રણ સલામતીનાં પગલાં દાખલ કરવા પર કામ કરશે. આમાં ઈલેક્ટ્રોનિક સ્ટેબિલિટી કંટ્રોલ, ઈમરજન્સી બ્રેકિંગ સિસ્ટમ અને જો ડ્રાઈવર ઊંઘી જાય તો ઑડિયો એલર્ટ મિકેનિઝમનો સમાવેશ થાય છે. મંત્રીએ કહ્યું કે આ સૂચનો ક્રાંતિકારી છે. ટ્રક અને બસમાં પણ આવું થશે.

આ પણ વાંચો : IMD : ઉત્તર ભારતમાં ઠંડીનો પ્રકોપ યથાવત, ધુમ્મસ અને વરસાદની સંભાવના

સરકાર દ્વારા ડ્રાઈવરોના કામના કલાક પર પણ વિચારણા...

નીતિન ગડકરી (Nitin Gadkari)એ કહ્યું કે, સરકાર ડ્રાઇવરો માટે કામના કલાકો વધારવાના વિકલ્પો પર પણ વિચાર કરી રહી છે. તેમણે કહ્યું કે, વાહન લોકેશન ટ્રેકિંગ ડિવાઇસ અને આધાર આધારિત સિસ્ટમ દ્વારા ડ્યુટી ટાઇમ પર નજર રાખવાના વિકલ્પો પર વિચાર કરવામાં આવી રહ્યો છે. આ સાથે સરકાર ઈ-રિક્ષા માટે સેફ્ટી રેટિંગ શરૂ કરવાની પણ યોજના બનાવી રહી છે.

આ પણ વાંચો : Brahmaputra પર ચીનના ડેમની યોજના, ભારતે રક્ષણના પગલાં માટે ઉચ્ચ એલર્ટ જાહેર કર્યું