• દેશના કેટલાક રાજ્યોમાં ગરમી તો કયાંક વરસાદનું એલર્ટ
• દિલ્હીમાં વરસાદનું એલર્ટ ત્યારે રાજસ્થાનમાં ભારે ગરમીની આગાહી
• દિલ્હી-NCRમાં વરસાદથી ગરમીમાં રાહત મળવાની શકયતા
• હવામાન વિભાગે દિલ્હી-NCRમાં યલો એલર્ટ જાહેર કર્યું
• ઉત્તરાખંડના પહાડી વિસ્તારોમાં હળવો વરસાદ થવાની આગાહી
• પંજાબ અને હરિયાણામાં પણ હળવા વરસાદની શકયતા

Somewhere hot weather and Somewhere rain : ઘણીવાર જોવા મળે છે કે વિદેશમાં હવામાન કોઇ પણ સમયે બદલાઇ જતું હોય છે, તેવું જ કઇંક હવે ભારતમાં થઇ રહ્યું છે. એક તરફ દેશના કેટલાક રાજ્યોમાં રેકોર્ડ તોડી રહેલી ગરમી લોકો માટે ચિંતાનો વિષય બની છે, તો બીજી તરફ ઉત્તર ભારતના કેટલાંક વિસ્તારોમાં વરસાદે (Rain) લોકોને ભર ઉનાળે ગરમીથી રાહત આપી છે. ભારતીય હવામાન વિભાગ (IMD) દ્વારા તાજેતરમાં જ કેટલીક મહત્ત્વની આગાહીઓ જાહેર કરવામાં આવી છે.

દિલ્હી અને NCRમાં વરસાદનો યલો એલર્ટ

દિલ્હી અને તેની આસપાસના NCR વિસ્તારોમાં હવામાન વિભાગે યલો એલર્ટ (Yellow Alert) જાહેર કર્યું છે. આગામી દિવસોમાં હળવા વરસાદની શક્યતા વ્યક્ત કરવામાં આવી છે. જો કે, છેલ્લા કેટલાક દિવસોથી રાજધાનીમાં વધી રહેલા તાપમાન વચ્ચે વરસાદ થવાથી લોકોને ગરમીથી થોડોક આરામ મળી શકે છે. જણાવી દઇએ કે, આજે દિલ્હીમાં હવામાન ખૂબ જ ખુશનુમા છે. ભલે સૂર્ય તેજસ્વી રીતે ચમકી રહ્યો હોય, પવન ફૂંકાઈ રહ્યો છે. ગઈકાલે રાજધાની દિલ્હી અને તેની નજીકના નોઈડામાં ધૂળની આંધી અને તોફાની પવન ફૂંકાયા હતા.

આ દરમિયાન, આકાશમાં કાળા વાદળો છવાઈ ગયા, ગાજવીજ અને વીજળી પડી, ત્યારબાદ હળવો વરસાદ પડ્યો અને તે પછી પંખામાંથી આવતી હવા પણ ઠંડી થઈ ગઈ, પરંતુ હવામાનમાં અચાનક આવેલા ફેરફારને કારણે, દિલ્હીના લઘુત્તમ અને મહત્તમ તાપમાનમાં કોઈ મોટો ફેરફાર થયો નથી. ગઈકાલે દિલ્હીમાં મહત્તમ તાપમાન 41 ડિગ્રી અને લઘુત્તમ તાપમાન 25.6 ડિગ્રી હતું. દિલ્હીના મોટાભાગના વિસ્તારોમાં લઘુત્તમ તાપમાન સામાન્ય કરતા 1 થી 4 ડિગ્રી સેલ્સિયસ વધુ છે અને મહત્તમ તાપમાન સામાન્ય કરતા 2 થી 4 ડિગ્રી સેલ્સિયસ વધુ છે.

ઉત્તરાખંડના પહાડી વિસ્તારોમાં પણ વરસાદની આગાહી

હિમાલયના પગથિયાં એવા ઉત્તરાખંડના પહાડી વિસ્તારોમાં પણ હવામાન વિભાગે હળવા વરસાદની આગાહી આપી છે. અહીંનો તાપમાન સામાન્ય રીતે થોડો ઠંડો રહે છે, પણ મેઘમહેર થવાથી વનવિસ્તારોમાં ભેજ વધે તેવી શક્યતા છે. શુક્રવારથી ઉત્તરાખંડમાં ફરી એકવાર હવામાન બદલાયું છે. હવામાન વિભાગે 18 થી 20 એપ્રિલ દરમિયાન ઉત્તરાખંડમાં વરસાદ અને વાવાઝોડાની ચેતવણી જારી કરી છે. તમામ જિલ્લાના વહીવટીતંત્રને સતર્ક રહેવા કહેવામાં આવ્યું છે. ઘણી જગ્યાએ હળવાથી મધ્યમ વરસાદ અને ઘણી જગ્યાએ ભારે વરસાદ પડી શકે છે. પહાડી વિસ્તારોમાં ભારે વરસાદની શક્યતા છે. હવામાન વિભાગની આગાહી બાદ, ડિઝાસ્ટર મેનેજમેન્ટ વિભાગે પણ એલર્ટ જારી કર્યું છે.

પંજાબ અને હરિયાણામાં વરસાદ તો રાજસ્થાનમાં ગરમીનો ત્રાસ

પંજાબ અને હરિયાણા જેવા મેદાની વિસ્તારોમાં પણ હવામાન વિભાગે હળવા વરસાદની આગાહી વ્યક્ત કરી છે. ખાસ કરીને કૃષિ પર આધારિત આ પ્રદેશોમાં વરસાદ એ ખેડૂતો માટે આશા બની શકે છે. બીજી તરફ રાજસ્થાનમાં તાપમાન સતત ઊંચા પાયે પહોંચી રહ્યું છે. કેટલીક જગ્યાઓએ તાપમાન 44-45 ડિગ્રી સુધી પહોંચી ગયું છે, જેને કારણે હીટવેવ જેવી પરિસ્થિતિ સર્જાઈ છે. લોકો માટે દિવસના સમયે બહાર જવું મુશ્કેલ બની ગયું છે અને તંત્ર દ્વારા સલાહ આપવામાં આવી છે કે જેવો બને તેટલી ગરમી ટાળવી.

આ પણ વાંચો :   Delhi Rain :દિલ્હીમાં ભારે પવન સાથે ધોધમાર વરસાદ!