દિલ્હી જવાનું વિચારો છો તો હમણા માંડી વાળજો, રાજધાનીની હવામાં ફેલાયું ઝેર!
- દિલ્હીમાં વાયુ પ્રદૂષણનો વિસ્ફોટ: 37% પરાળ સળગાવવાના કારણે
- પંજાબમાં સ્ટબલ સળગાવવાની ઘટનાઓ: દિલ્હીના પ્રદૂષણમાં વધારો
- દિલ્હીમાં હવામાનનો ખોટો પ્રભાવ: પ્રદૂષણના વધતા સ્તર પર ચિંતાઓ
- દિલ્હી, પંજાબ અને હવામાન: વાયુ પ્રદૂષણ પર તાજા તથ્ય
Air Pollution in Delhi : દિલ્હીનું વાતાવરણ આ સમયે એટલું ગંદું છે કે એની અસર સરળતાથી અનુભવાઈ રહી છે. હવામાં ગાઢ ધુમ્મસ અને ધૂમાડા તેને વધુ ઝેરી બનાવી રહ્યા છે. અહીં તાજેતરમાં શ્વાસ લેવામાં મુશ્કેલી પડી રહી હોય તેવી પરિસ્થિતિનું નિર્માણ થયું છે, જે જીવલેણ સાબિત થઈ શકે છે. સેન્ટ્રલ પોલ્યુશન કંટ્રોલ બોર્ડ (CPCB)ના આંકડાઓ અનુસાર, 13 નવેમ્બર, સોમવારે સવારે 481 AQI (એર ક્વોલિટી ઈન્ડેક્સ) નોંધાયું હતું. 25 થી વધુ વિસ્તારોમાં AQI 500 સુધી પહોંચવા જવા પામ્યો છે, જે ચિંતાનો વિષય છે.
પ્રદૂષણના કારણો
CPCBના જણાવ્યા મુજબ, દિલ્હીનો વાયુ પ્રદૂષણનો મોટો હિસ્સો સ્ટબલ સળગાવવાના કારણે થાય છે, જે 37% છે. વાહનોમાંથી ધૂમાડો અને કાર્બન ઉત્સર્જનના પરિણામે 12% પ્રદૂષણ થાય છે. આટલું જ નહીં, પંજાબમાં પરાળ સળગાવવાની ઘટનાઓનો પ્રભાવ દિલ્હીની હવામાં પણ જોવા મળે છે. 13 નવેમ્બરે પંજાબમાં 404 સ્ટબલ સળગાવવાની ઘટનાઓ નોંધાઈ હતી, જેમાં 136 ઘટના એક દિવસ પહેલા નોંધાઈ હતી. પંજાબ સરકારે સ્ટબલ સળગાવવા પર પ્રતિબંધ લગાવવાની જાહેરાત કરી છે, તેમ છતા પરિસ્થિતિમાં કોઈ પણ ફેરફાર આવ્યો નથી.
દિલ્હીમાં વાયુ પ્રદૂષણનું સ્તર ગંભીર શ્રેણીમાં
પંજાબમાં ડાંગરની લણણીની સિઝન પૂરી થવા જઈ રહી છે, પરંતુ ખેતરોમાં પડેલા સ્ટબલને આગ લગાડવાના બનાવોમાં કોઈ ઘટાડો થયો નથી. તેથી, આ વખતે શિયાળાની ઋતુની શરૂઆતમાં દિલ્હીમાં વાયુ પ્રદૂષણનું સ્તર ગંભીર શ્રેણીમાં પહોંચી ગયું છે. GRAPના 4 તબક્કા નવેમ્બરના પ્રથમ 18 દિવસમાં જ લાગુ કરવામાં આવ્યા છે. હવે દિલ્હી સરકાર ઓડ-ઇવન સિસ્ટમ લાગુ કરવા પર વિચાર કરી રહી છે, કારણ કે વાહનોમાંથી નીકળતો ધુમાડો પણ દિલ્હીમાં વાયુ પ્રદૂષણનું કારણ બને છે.
Delhi air pollution: AQI reaches 'severe plus' level, toxic foam seen floating on Yamuna River in Kalindi Kunj
Read @ANI Story | https://t.co/pvdkyqhM7h#DelhiPollution #DelhiAirPollution #Pollution #Smog #yamunariver pic.twitter.com/RDMQ9CmzBl
— ANI Digital (@ani_digital) November 18, 2024
પંજાબના માલવામાં વધુ સ્ટબલ સળગાવવામાં આવી રહી છે
સ્કાયમેટના હવામાનશાસ્ત્રના ઉપાધ્યક્ષ મહેશ પલાવતે જણાવ્યું હતું કે 13 નવેમ્બર પહેલા પવનની દિશા બદલાતી હતી. આમાં ઉતાર-ચઢાવ હતા. છેલ્લા 5 દિવસથી પવન ઉત્તર-પશ્ચિમ દિશામાં સતત ફૂંકાઈ રહ્યો છે, જેના કારણે ન માત્ર ગંગાના મેદાનોમાં ધુમ્મસનું સ્તર ફેલાઈ ગયું છે, પરંતુ પંજાબ અને હરિયાણામાંથી પણ ધુમાડો દિલ્હી તરફ આવી રહ્યો છે. ઉત્તર-પશ્ચિમના પવનો ચાલુ રહેવાની ધારણા છે, એટલે કે ખેતરમાં લાગેલી આગ આગળ જતા વાયુ પ્રદૂષણનું કારણ બની જશે.
સ્ટબલ સળગાવવાની ઘટનાઓમાં ભારે ઘટાડો થવાની સંભાવના
પંજાબમાં રવિવારે નોંધાયેલા ખેતરમાં આગની 404 ઘટનાઓમાંથી 332 ઘટનાઓ માલવા ઝોનમાં નોંધાઈ હતી, જે રાજ્યના દક્ષિણમાં સ્થિત છે જ્યાં ડાંગરની કાપણી હજુ પણ ચાલી રહી છે. માલવામાં જિલ્લા કમિશનરો અને પોલીસ પહેલાથી જ સ્ટબલ સળગાવવાની સમસ્યાનો સામનો કરવા માટે વધારાની તકેદારી રાખવા સૂચના આપી ચૂક્યા છે. રાજ્યમાં ડાંગરની કાપણી લગભગ પૂર્ણ થઈ ગઈ છે, તેથી આગામી થોડા દિવસોમાં સ્ટબલ સળગાવવાની ઘટનાઓમાં ભારે ઘટાડો થવાની સંભાવના છે.
આ પણ વાંચો: દેશભરમાં ઠંડી સાથે ધુમ્મસનો પ્રભાવ વધ્યો, 5 રાજ્યમાં પડશે વરસાદ