Kerala : મુખ્યમંત્રીના કાફલામાં ગાડીઓ એકબીજા સાથે અથડાઈ, જુઓ Video
- કેરળના મુખ્યમંત્રીના કાફલાને નડ્યો અકસ્માત!
- મુખ્યમંત્રીના કાફલામાં કારની ટક્કરનો વીડિયો વાયરલ!
- કેરળમાં મુખ્યમંત્રીના કાફલામાં અકસ્માત: કોઈને ઈજા નહીં!
- કેરળના મુખ્યમંત્રીનો કાફલો અકસ્માતનો ભોગ બન્યો, સુરક્ષા વ્યવસ્થા પર સવાલ?
Kerala : કેરળમાં મુખ્યમંત્રીના કાફલામાં સામેલ કેટલીક કાર અકસ્માતનો ભોગ બની હતી. કેરળના મુખ્યમંત્રીનો કાફલો રાજધાની તિરુવનંતપુરમના વામનપુરમ વિસ્તારમાંથી પસાર થઈ રહ્યો હતો. દરમિયાન, એક સ્કૂટર સવાર કાફલાને એસ્કોર્ટ કરતા વાહનની સામે આવ્યો. સ્કૂટર સવાર રોડ ક્રોસ કરવાનો પ્રયાસ કરી રહ્યા હતા. ત્યારબાદ એસ્કોર્ટ વાહને તેને બચાવવા માટે અચાનક બ્રેક લગાવી દીધી હતી. આ પછી, કાફલાની પાછળ આવતી કાર એક પછી એક એકબીજા સાથે અથડાઈ હતી.
મુખ્યમંત્રીના કાફલા સાથે કારની ટક્કરનો વીડિયો વાયરલ
કેરળના સીએમ પિનરાઈ વિજયનના કાફલા સાથે કારની ટક્કરનો વીડિયો સોશિયલ મીડિયા પર વાયરલ થઈ રહ્યો છે. એક મહિલા સ્કૂટર ચલાવી રહી હતી. જે અચાનક જમણી તરફ વળી હતી. જે બાદ ડ્રાઈવરે તરત જ સફેદ રંગની SUV પર બ્રેક લગાવી દીધી. આ પછી, 5 એસ્કોર્ટ વાહનો અને પાછળ દોડતી એમ્બ્યુલન્સ એકબીજા સાથે અથડાઈ હતી. એવું કહેવામાં આવી રહ્યું છે કે મુખ્યમંત્રી રાજધાનીથી 150 કિલોમીટર દૂર કોટ્ટાયમની મુલાકાત લઈને પરત ફરી રહ્યા હતા. અકસ્માત બાદ તરત જ તેમના સુરક્ષાકર્મીઓ વાહનોમાંથી નીચે ઉતરી આવ્યા હતા અને પરિસ્થિતિને કાબુમાં લીધી હતી. વળી, વીડિયોમાં, મેડિકલ સ્ટાફના ઘણા સભ્યો પણ એમ્બ્યુલન્સમાંથી બહાર નીકળતા જોવા મળે છે. પોલીસ હજુ સુધી મહિલા ટુ-વ્હીલર ચાલકની ઓળખ થઇ નથી. પોલીસનું કહેવું છે કે મહિલા વિશે માહિતી મેળવવા માટે તપાસ કરવામાં આવી રહી છે.
VIDEO | Kerala CM Pinarayi Vijayan's (@pinarayivijayan) convoy met with an accident in Thiruvananthapuram earlier today. No injuries reported.
(Full video available on PTI Videos - https://t.co/n147TvrpG7) pic.twitter.com/qF8vPVBOLw
— Press Trust of India (@PTI_News) October 28, 2024
અકસ્માતમાં કોઈને ઈજા થઈ નથી
સ્થાનિક મીડિયાના અહેવાલો અનુસાર, પોલીસે જણાવ્યું હતું કે અકસ્માતમાં કોઈને ઈજા થઈ નથી અને મુખ્યમંત્રીએ તિરુવનંતપુરમની તેમની મુલાકાત ફરી શરૂ કરી હતી. પોલીસે જણાવ્યું કે આ ઘટના સંદર્ભે કોઈ કેસ નોંધવામાં આવ્યો નથી. પોલીસે અકસ્માતમાં સંભવિત ક્ષતિ કે બેદરકારીને ઓળખવા માટે ઝીણવટભરી તપાસ શરૂ કરી છે. આ દુર્ઘટનાથી તમામ એજન્સીઓને એલર્ટ કરી દેવામાં આવી છે અને સુરક્ષા વ્યવસ્થાની સમીક્ષા કરવામાં આવી રહી છે. આ એક ગંભીર ઘટના હતી, જેમાં એક સ્કૂટર ચાલક મુખ્યમંત્રીના કાફલાની સામેથી કોઈનું ધ્યાન વગર પસાર થઈ રહ્યો હોવાનું જોવા મળ્યું હતું. આ અકસ્માતમાં સ્કૂટર ચાલકને કંઈ થયું ન હતું અને તે સુરક્ષિત રીતે ભાગી ગઇ હતી.
મધ્યપ્રદેશમાં પણ આવો અકસ્માત થયો હતો
આ પહેલા મધ્યપ્રદેશના રાજગઢ જિલ્લામાં મુખ્યમંત્રી મોહન યાદવના કાફલા સાથે એક ઓટો અથડાઈ હતી. જેના કારણે 13 વર્ષના બાળક સહિત 3 લોકો ઘાયલ થયા હતા. એવું કહેવામાં આવ્યું હતું કે CM નો કાફલો ભોપાલથી શાજાપુર જવા રવાના થયો હતો. સારંગપુર પાસે CM ના કાફલા સાથે ઓટો અથડાઈ હતી. કાફલામાં ડીએમ અને એસપી પણ મુસાફરી કરી રહ્યા હતા. મુખ્યમંત્રીએ તમામ ઘાયલોને સારી સારવાર માટે સૂચના આપી હતી. આ ઓટો આરીફ નામનો વ્યક્તિ ચલાવી રહ્યો હતો.
આ પણ વાંચો: દિવાળી પહેલા Kerala ના મંદિરમાં મોટી દુર્ઘટના, ફટાકડા ફોડતા થયો વિસ્ફોટ; 150થી વધુ લોકો ઘાયલ