Noida ના બહલોલપુરમાં ઝૂંપડપટ્ટીમાં લાગી ભીષણ આગ, સિલિન્ડર વિસ્ફોટથી અરાજકતા સર્જાઈ

• બહલોલપુરની ઝૂંપડપટ્ટીમાં ભીષણ આગ
• 50 થી 100 ઝૂંપડા બળીને ખાખ
• ઘટનાસ્થળે અફડાતફડીનો માહોલ

Fire in Noida: નોઈડાના સેક્ટર 63માં બહલોલપુર નજીકની ઝૂંપડપટ્ટીમાં શનિવારે સવારે અચાનક આગ લાગી ગઈ હતી. આગને કારણે ઝૂંપડીઓમાં રાખેલા સિલિન્ડરો ફાટવા લાગ્યા, જેના કારણે થોડી જ વારમાં આગે ભયંકર સ્વરૂપ ધારણ કરી લીધું અને થોડી જ વારમાં ડઝનબંધ ઝૂંપડીઓ આગની લપેટમાં આવી ગઈ. આગને કારણે ઘટનાસ્થળે અફડાતફડીનો માહોલ સર્જાયો હતો.

અંધાધૂંધીમાં, ઝૂંપડપટ્ટીમાં રહેતા લોકો કોઈક રીતે બહાર આવીને પોતાનો જીવ બચાવવામાં સફળ રહ્યા. માહિતી મળતા જ અનેક પોલીસ સ્ટેશનોની પોલીસ અને ફાયર બ્રિગેડની ગાડીઓ ઘટનાસ્થળે પહોંચી ગઈ અને આગ ઓલવવાનું શરૂ કરી દીધું.

આ પણ વાંચો : Karnataka: જે પત્નીની હત્યાના આરોપમાં કાપી દોઢ વર્ષની સજા, 5 વર્ષ પછી તે તેના બોયફ્રેન્ડ સાથે જોવા મળી

ગેસ સિલિન્ડર ફાટતાં આગ વિકરાળ બની

એવું કહેવામાં આવી રહ્યું છે કે લગભગ 50 થી 100 ઝૂંપડાઓમાં આગ લાગી છે, પરંતુ આગ લાગવાનું કારણ હજુ સ્પષ્ટ થયું નથી. જોકે, રાહતની વાત એ છે કે આ આગમાં કોઈ જાનહાનિ થઈ નથી. આ આગમાં અનેક ગેસ સિલિન્ડર ફાટતાં આગ વધુ વિકરાળ બની હતી. આગ ઓલવવા માટે 10 થી વધુ ફાયર ટેન્ડર ઘટનાસ્થળે મોકલવામાં આવ્યા હતા અને કામ શરૂ કર્યું હતું.

10 વાહનો આગ ઓલવવામાં વ્યસ્ત

એડીસીપી સેન્ટ્રલ નોઈડા, હૃદેશ કથેરિયાએ જણાવ્યું હતું કે માહિતી મળતાની સાથે જ, પહેલા 3 ફાયર યુનિટ મોકલવામાં આવ્યા હતા, પરંતુ જ્યારે તેઓ અહીં આવ્યા અને જોયું ત્યારે આગ ઘણી ફેલાઈ ગઈ હતી. ઝૂંપડપટ્ટીઓની ગીચતા ખૂબ વધારે હોવાથી, અમે અહીં 10 વાહનો બોલાવ્યા છે. જે આગ ઓલવવામાં વ્યસ્ત છે. સાવચેતીના ભાગ રૂપે વધુ વાહનો બોલાવવામાં આવ્યા છે.

આ પણ વાંચો : Weather Update : ઉત્તર ભારતમાં ગરમી તો દક્ષિણમાં પડી શકે છે વરસાદ!