ભારત બંધને માયાવતીએ આપ્યું સમર્થન, ભાજપ-કોંગ્રેસ પર અનામત વ્યવસ્થાને ખતમ કરવાનો લગાવ્યો આરોપ
- સુપ્રીમ કોર્ટના નિર્ણયને કારણે દલિત અને આદિવાસી સમાજમાં રોષ છે
- માયાવતીએ ભારત બંધને સમર્થન આપ્યું છે
- માયાવતીએ ભાજપ અને કોંગ્રેસ પર અનામત વ્યવસ્થાને ખતમ કરવાનો આરોપ લગાવ્યો છે
- માયાવતીએ કાર્યકર્તાઓને શાંતિપૂર્ણ રીતે વિરોધ કરવાની અપીલ કરી છે
Mayawati supports Bharat Bandh : SC-ST અનામતને લઈને સુપ્રીમ કોર્ટના આદેશના વિરોધમાં બોલાવવામાં આવેલા ભારત બંધને બહુજન સમાજ પાર્ટીએ સમર્થન આપ્યું છે. સુપ્રીમ કોર્ટના આ નિર્ણયમાં SC અને ST જૂથો માટેના અનામતને લગતો એક મહત્વનો મુદ્દો છે. આ નિર્ણયથી દલિત અને આદિવાસી સમાજમાં ઘણો રોષ છે.
બહુજન સમાજ પાર્ટીનું સમર્થન
આ નિર્ણય સામે દેશભરમાં ભારત બંધનું એલાન કરવામાં આવ્યું છે. આ બંધને બહુજન સમાજ પાર્ટીની અધ્યક્ષ માયાવતીએ સમર્થન આપ્યું છે. તેમણે સોશિયલ મીડિયા પર પોસ્ટ કરીને પોતાના કાર્યકર્તાઓને શાંતિપૂર્ણ રીતે બંધમાં ભાગ લેવાની અપીલ કરી છે. તેટલું જ નહીં માયાવતીએ આ બંધ પાછળ ભાજપ અને કોંગ્રેસ પર પણ ઘણા સવાલો ઉઠાવ્યા હતા. તેમણે એક પછી એક ટ્વિટ કરીને બંધના સમર્થનમાં અપીલ કરી હતી. માયાવતીએ કહ્યું - 'ભારત બંધને બસપાનું સમર્થન, કારણ કે ભાજપ અને કોંગ્રેસ જેવા પક્ષોના અનામત વિરોધી કાવતરાને કારણે અને આખરે તેને બિનઅસરકારક બનાવીને તેનો અંત લાવવાની તેમની મિલીભગતને કારણે 1 ઓગસ્ટ 2024 ના SC/ST પેટા વર્ગીકરણ અને તેમા ક્રીમી લેયર સંબંધી માનનીય સુપ્રીમ કોર્ટના નિર્ણય સામે રોષ અને નારાજગી છે.' તેમનું કહેવું છે કે આ પક્ષો ભાજપ-કોંગ્રેસ અનામત વ્યવસ્થાને ખતમ કરવા માંગે છે.
1. बीएसपी का भारत बंद को समर्थन, क्योंकि भाजपा व कांग्रेस आदि पार्टियों के आरक्षण विरोधी षडयंत्र एवं इसे निष्प्रभावी बनाकर अन्ततः खत्म करने की मिलीभगत के कारण 1 अगस्त 2024 को SC/ST के उपवर्गीकरण व इनमें क्रीमीलेयर सम्बंधी मा. सुप्रीम कोर्ट के निर्णय के विरुद्ध इनमें रोष व आक्रोश।
— Mayawati (@Mayawati) August 21, 2024
બંધારણીય અધિકાર પર પ્રહાર
માયાવતીએ કહ્યું કે અનામત એ SC, ST અને OBC સમાજનો બંધારણીય અધિકાર છે. આ અધિકારને છીનવી લેવાને કોઈનો અધિકાર નથી. માયાવતીએ પોતાના કાર્યકર્તાઓને અપીલ કરી છે કે તેઓ બંધ દરમિયાન કોઈ પ્રકારની હિંસા ન કરે. તેમણે કહ્યું કે આ એક શાંતિપૂર્ણ વિરોધ છે અને તેમને સરકાર સામે પોતાનો વિરોધ નોંધાવવો છે.
આ પણ વાંચો: આજે Bharat Bandh નું એલાન, જાણો શું છે માગ...