• ડ્રીલ સમયે યાદ રાખવા જેવી બાબત
• ગભરાવું નહીં શાંતિ જાળવી રાખવી
• સ્થાનિક તંત્ર દ્વારા આપવામાં આવેલા નિર્દોશોનું પાલન કરવું
• અફવાઓ પર ધ્યાન ન આપવું
• સોશિયલ મીડિયામાં અફવાઓ શેર ન કરવી
• વીજળી અને ઈન્ટરનેટ બંધ થાય તો ગભરાવું નહીં
• સત્તાવાર સમાચારો પર જ ભરોસો કરવો

Mock Drills in India : પહેલગામમાં થયેલા આતંકવાદી હુમલા બાદ ભારતે પાકિસ્તાન (Pakistan) સામે કડક વલણ અપનાવ્યું છે અને યુદ્ધની સંભાવનાને ધ્યાનમાં રાખીને લશ્કરી તેમજ નાગરિક સ્તરે વ્યાપક તૈયારીઓ શરૂ કરી દીધી છે. ભારત સરકારે દેશભરના 244 જિલ્લાઓમાં નાગરિક સંરક્ષણ મોક ડ્રિલ, તાલીમ અને રિહર્સલનું આયોજન કરવા કેન્દ્રીય ગૃહ મંત્રાલય દ્વારા આદેશ જારી કર્યા છે. આવી મોક ડ્રિલ આગલી વખતે 1971ના ભારત-પાકિસ્તાન યુદ્ધ પહેલાં યોજાઈ હતી, જે દર્શાવે છે કે સરકાર હાલની પરિસ્થિતિને ગંભીરતાથી લઈ રહી છે. આ ઉપરાંત, સુરક્ષા દળોએ આતંકવાદીઓના સાથીઓની ધરપકડ કરી છે, જ્યારે સોશિયલ મીડિયા પર દેશવિરોધી પ્રવૃત્તિઓ સામે કાર્યવાહીની માગણી થઈ છે.

નાગરિક સંરક્ષણ મોક ડ્રિલનું આયોજન

કેન્દ્રીય ગૃહ સચિવ ગોવિંદ મોહને નોર્થ બ્લોક ખાતે દેશના તમામ રાજ્યોના મુખ્ય સચિવો સાથે બેઠક યોજી, જેમાં યુદ્ધની સ્થિતિમાં નાગરિકોની ભૂમિકા, સ્વ-બચાવની તૈયારીઓ અને રાષ્ટ્રીય સુરક્ષા માટેની ખામીઓ દૂર કરવા અંગે ચર્ચા થઈ. આ બેઠકમાં 244 જિલ્લાઓના નાગરિક સંરક્ષણ વ્યવસ્થાની સ્થિતિની સમીક્ષા કરવામાં આવી અને હાલની પ્રણાલીઓને સુધારવાની જરૂરિયાત પર ભાર મૂકાયો. બેઠકમાં રાષ્ટ્રીય આપત્તિ નિવારણ દળ (NDRF), સિવિલ ડિફેન્સ, ફાયર સર્વિસ, એર ડિફેન્સ, NDMA અને અર્ધલશ્કરી દળોના વરિષ્ઠ અધિકારીઓએ ભાગ લીધો. આઈપીએસ અધિકારી વિવેક શ્રીવાસ્તવ, જેઓ ફાયર સર્વિસ, સિવિલ ડિફેન્સ અને હોમગાર્ડના ડાયરેક્ટર જનરલ છે, તેઓ પણ હાજર રહ્યા.

#WATCH | Delhi | Several high-ranking officials, including DG Civil Defence and DG NDRF, arrive at the Ministry of Home Affairs for the meeting called by Union Home Secretary Govind Mohan regarding the conduct of mock drills for effective Civil Defence across the nation on 7th… pic.twitter.com/h7UfbPkMhm

— ANI (@ANI) May 6, 2025

મોક ડ્રિલનો હેતુ અને તાલીમ

મોક ડ્રિલનો મુખ્ય ઉદ્દેશ નાગરિકોને યુદ્ધ જેવી કટોકટીની સ્થિતિમાં સ્વ-બચાવ અને સમાજની સુરક્ષા માટે તૈયાર કરવાનો છે. ગોવિંદ મોહને જણાવ્યું કે આ ડ્રિલમાં લોકોને હવાઈ હુમલાના સાયરનનું પાલન, બ્લેકઆઉટ દરમિયાનની વ્યવસ્થા, પ્રાથમિક સારવારની તૈયારી, મશાલ અને મીણબત્તીનો ઉપયોગ, ઈલેક્ટ્રોનિક નિષ્ફળતા ટાળવા રોકડ રકમ રાખવા જેવી બાબતો શીખવવામાં આવશે. ખાસ કરીને, 244 જિલ્લાઓમાંથી 100થી વધુ અત્યંત સંવેદનશીલ વિસ્તારોમાં નાગરિકોને માનસિક રીતે મજબૂત કરવા પર ધ્યાન આપવામાં આવશે.

-ભારત-પાકિસ્તાન તણાવ વચ્ચે મોટા સમાચાર
-આવતીકાલે કેટલાક રાજ્યોને મોકડ્રીલ યોજવા મોકલ્યું સૂચન
-હવાઈ હુમલા સમયે વૉર્નિંગ સાયરનની તૈયારીના આદેશ
-કેન્દ્રીય ગૃહમંત્રાલયે દેશના કેટલાક રાજ્યોને કર્યા આદેશ
-હવાઈ હુમલા સમયે પોતાને બચાવવા મોકડ્રીલનું સૂચન
-વિદ્યાર્થીઓ, નાગરિકોને તાલીમ… pic.twitter.com/EslrbfkOBo

— Gujarat First (@GujaratFirst) May 6, 2025

શ્રીનગરમાં મોક ડ્રિલ અને આતંકવાદીઓની ધરપકડ

જમ્મુ અને કાશ્મીરના શ્રીનગરમાં એક મોક ડ્રિલ યોજાઈ, જેમાં હોડી પલટી જવાની સ્થિતિમાં બચાવ કામગીરીની તાલીમ આપવામાં આવી. રાજ્ય આપત્તિ નિવારણ દળ (SDRF)ના જવાન આરિફ હુસૈને જણાવ્યું કે આ ડ્રિલમાં લાઇફ જેકેટનો ઉપયોગ અને જીવ બચાવવાની રીતો શીખવવામાં આવી. આ ઉપરાંત, બડગામ જિલ્લામાં સુરક્ષા દળોએ નાકાબંધી દરમિયાન આતંકવાદીઓના બે સાથીઓની ધરપકડ કરી, જેમની પાસેથી એક પિસ્તોલ, ગ્રેનેડ અને 15 જીવતા કારતૂસ મળી આવ્યા. આ કાર્યવાહીથી સુરક્ષા વ્યવસ્થામાં વધુ કડકાઈ આવી છે.

#WATCH | Srinagar, J&K | SDRF personnel prepare for mock drill at Dal lake.

As MHA has asked several states and UTs to conduct mock drills for effective civil defence, tomorrow, May 7. pic.twitter.com/FMFePd5KuH

— ANI (@ANI) May 6, 2025

સોશિયલ મીડિયા પર દેશવિરોધી પ્રવૃત્તિઓ સામે પગલાં

પહેલગામ હુમલા બાદ સોશિયલ મીડિયા પ્લેટફોર્મ્સ પર દેશવિરોધી પ્રવૃત્તિઓ અને તણાવ ફેલાવનારી પોસ્ટ્સ અંગે કેન્દ્રીય સંસદીય સમિતિએ ચિંતા વ્યક્ત કરી છે. સમિતિએ માહિતી પ્રસારણ અને આઈટી મંત્રાલયને નોટિસ જારી કરી, જેમાં સોશિયલ મીડિયા પર લેવાયેલી કાર્યવાહીની વિગતો 8 મે સુધીમાં સબમિટ કરવા જણાવાયું છે. આ પગલું દેશમાં હિંસા અને તણાવ ફેલાવવાના પ્રયાસોને રોકવા માટે લેવામાં આવ્યું છે. ઉલ્લેખનીય છે કે, પહેલગામ આતંકવાદી હુમલા બાદ ભારતે પાકિસ્તાન સામે યુદ્ધની તૈયારીઓ તેજ કરી દીધી છે. લશ્કરી તૈયારીઓની સાથે નાગરિક સંરક્ષણ મોક ડ્રિલ, સુરક્ષા દળોની સક્રિયતા અને સોશિયલ મીડિયા પર નજર રાખવાના પગલાં દેશની એકતા અને સુરક્ષા માટેની પ્રતિબદ્ધતા દર્શાવે છે. 244 જિલ્લાઓમાં નાગરિકોને સ્વ-બચાવની તાલીમ આપીને સરકાર યુદ્ધની કોઈપણ સંભાવના માટે સજ્જ થઈ રહી છે. આ પગલાંથી ભારત માત્ર બાહ્ય ખતરાઓનો સામનો કરવા તૈયાર નથી, પરંતુ આંતરિક સ્થિરતા અને નાગરિકોની સુરક્ષા માટે પણ સંપૂર્ણપણે પ્રતિબદ્ધ છે.

આ પણ વાંચો :  India-Pakistan tension : ભારત-પાકિસ્તાન તણાવ વચ્ચે મોટા સમાચાર, આવતીકાલે કેટલાક રાજ્યોમાં યોજાશે મોકડ્રીલ