Delhi-NCR માં ચોમાસાનો કહેર! ભારે વરસાદથી જનજીવન અસ્તવ્યસ્ત
- Delhi-NCR માં વરસાદનો કેર
- ધોધમાર વરસાદથી જનજીવન અસ્તવ્યસ્ત
- વરસાદથી ટ્રાફિક જામ, નાગરિક પરેશાન
Delhi-NCR Weather : Delhi-NCR માં આ દિવસોમાં હવામાનમાં ફેરફાર જોવા મળી રહ્યો છે. ગઈકાલે (22 જુલાઈ) દિલ્હીમાં મુશળધાર વરસાદે જનજીવનને પ્રભાવિત કર્યું હતું, અને આજે, 23 જુલાઈ 2025ના રોજ, ફરી ભારે વરસાદ (Heavy Rain) એ રાષ્ટ્રીય રાજધાની અને આસપાસના વિસ્તારોમાં હાહાકાર મચાવ્યો છે. ભારે વરસાદ (Heavy Rain) ને કારણે શહેરના ઘણા વિસ્તારોમાં પાણી ભરાઈ ગયું છે, જેના પરિણામે રસ્તાઓ પર ટ્રાફિક જામ અને અન્ય સમસ્યાઓ ઊભી થઈ છે. આ વરસાદે એક તરફ ગરમી અને પ્રદૂષણમાં રાહત આપી છે, પરંતુ બીજી તરફ નાગરિકોને ભારે મુશ્કેલીઓનો સામનો કરવો પડી રહ્યો છે.
દિલ્હીમાં પાણી ભરાવાની સમસ્યા
ગઈકાલે દિલ્હીના ઘણા વિસ્તારોમાં ભારે વરસાદે લુટિયન્સ દિલ્હી સહિતના મહત્વના વિસ્તારોને પાણીમાં ડૂબાડ્યા હતા. જનપથ રોડનો એક ભાગ પૂરગ્રસ્ત બન્યો હતો, અને જનપથથી જંતર-મંતર રોડ જતો રસ્તો પણ પાણીમાં ડૂબી ગયો હતો. આ ઉપરાંત, ઘણી દુકાનોમાં પાણી ઘૂસી જવાને કારણે વેપારીઓને નુકસાન થયું છે. આજે પણ Delhi-NCRના વિસ્તારોમાં ભારે વરસાદે રસ્તાઓ પર પાણી ભરાવાની સમસ્યા વધારી છે. નોઈડા, ગાઝિયાબાદ અને ફરીદાબાદ જેવા એનસીઆરના શહેરોમાં પણ આવી જ સ્થિતિ જોવા મળી રહી છે.
STORY | Heavy rain causes waterlogging, traffic congestions in Delhi; IMD predicts more showers
READ: https://t.co/kASPRR4MlH https://t.co/mmIihOhv9v
— Press Trust of India (@PTI_News) July 23, 2025
ટ્રાફિક જામ અને નાગરિકોની મુશ્કેલીઓ
ભારે વરસાદને કારણે Delhi-NCRના રસ્તાઓ પર ટ્રાફિક જામની સમસ્યા તીવ્ર બની છે. સવારે ઓફિસ જતા લોકોને ભારે મુશ્કેલીઓનો સામનો કરવો પડ્યો છે. રસ્તાઓ પર ભરાયેલું પાણી અને ટ્રાફિકની ગીચતાને કારણે લોકોનો સમય અને શક્તિ બંને બગડી રહ્યા છે. જોકે, આ વરસાદે દિલ્હીની ગરમી અને પ્રદૂષણના સ્તરમાં ઘટાડો કર્યો છે, જે નાગરિકો માટે થોડી રાહતની વાત છે. હવામાન વિભાગે આગામી દિવસોમાં પણ ભારે વરસાદની આગાહી કરી છે, અને નાગરિકોને સાવચેત રહેવાની સલાહ આપવામાં આવી છે.
STORY | Rains drench Delhi; waterlogging, traffic disruptions in several areas
READ: https://t.co/aUA2lWdpOX
(PTI Photo) pic.twitter.com/r90RyQpq5A
— Press Trust of India (@PTI_News) July 22, 2025
દિલ્હીના પ્રભાવિત વિસ્તારો
ભારતીય હવામાન વિભાગ (IMD) અનુસાર, દિલ્હીના કેટલાક વિસ્તારો જેવા કે કરવલ નગર, સિવિલ લાઇન્સ, દિલશાદ ગાર્ડન, સીમાપુરી, કાશ્મીરી ગેટ, શાહદરા, વિવેક વિહાર, લાલ કિલ્લો, પ્રીત વિહાર, અક્ષરધામ, સફદરજંગ, લોદી રોડ, નેહરુ સ્ટેડિયમ, આરકે પુરમ, ડિફેન્સ કોલોની, લાજપત નગર, હૌઝ ખાસ, માલવિયા નગર, કાલકાજી, મહેરૌલી, તુગલકાબાદ, છત્તરપુર, ઇગ્નુ અને ડેરા મંડીમાં મધ્યમથી ભારે વરસાદની સંભાવના છે. આ વિસ્તારોમાં 30-40 કિમી પ્રતિ કલાકની ઝડપે પવન સાથે વરસાદની શક્યતા છે.
NCR માં વરસાદની ચેતવણી
દિલ્હીની સાથે NCR ના વિસ્તારો જેવા કે લોની દેહાત, હિંડોન AF સ્ટેશન, ગાઝિયાબાદ, ઇન્દિરાપુરમ, છાપરોલા, નોઈડા, દાદરી, ગ્રેટર નોઈડા, ફરીદાબાદ, બલ્લભગઢ, ઔરંગાબાદ, હોડલ (હરિયાણા), શામલી, મુઝફ્ફરનગર, કાંધલા, ખતૌલી, સકૌટી ટાંડા, દૌરાલા, મેરઠ, મોદીનગર, પિલખુઆ, નંદગાંવ અને બરસાનામાં પણ ભારે વરસાદ, વીજળી અને તોફાનની આગાહી કરવામાં આવી છે. આ વિસ્તારોમાં નાગરિકોને સાવધાની રાખવા જણાવવામાં આવ્યું છે.
#WATCH | Maharashtra: Rain lashes parts of Mumbai.
(Visuals from Khar Link Road) pic.twitter.com/jJa0A2JLVp
— ANI (@ANI) July 23, 2025
મુંબઈ અને અન્ય રાજ્યોમાં વરસાદની સ્થિતિ
દિલ્હી ઉપરાંત, મુંબઈમાં પણ વરસાદ ચાલુ છે. ગત કેટલાક દિવસોથી મુંબઈમાં ભારે વરસાદ નોંધાયો છે, અને આજે પણ તેનું જોર યથાવત છે. હવામાન વિભાગે દિલ્હી સહિત દેશના અન્ય ઘણા રાજ્યોમાં ભારે વરસાદની આગાહી કરી છે. પર્વતીય વિસ્તારોમાં ભૂસ્ખલન અને નદીઓમાં પૂરની સ્થિતિ જોવા મળી રહી છે, જેના કારણે અનેક સ્થળોએ હવામાનનું ઉગ્ર સ્વરૂપ જોવા મળી રહ્યું છે.
આ પણ વાંચો : જમ્મુ કાશ્મીરના રાજૌરીમાં ધોધમાર વરસાદ, પૂરની સ્થિતિ સર્જાઇ