સાંસદ રાઘવ ચઢ્ઢાએ નાણામંત્રીને આપ્યો જવાબ ! કહ્યું, તેઓ મધ્યમ વર્ગને ગેરમાર્ગે દોરવાનો પ્રયાસ કરી રહ્યા છે
- રાઘવ ચઢ્ઢાએ વીડિયો સંદેશ દ્વારા નાણામંત્રીને જવાબ આપ્યો
- ટેક્સમાં છૂટ આપીને મધ્યમ વર્ગને ગેરમાર્ગે દોરવામાં આવ્યો
- 12 લાખથી વધુની કમાણી કરશો તો પુરી રકમ પર ટેક્સ લાગશે
Raghav Chaddha On Nirmala Sitharaman : કેન્દ્રની મોદી સરકારે બજેટમાં 12 લાખ રૂપિયા સુધીની કમાણી પર ટેક્સમાં છૂટ આપવાની જાહેરાત કરી હતી. આ અંગે AAP સાંસદ રાઘવ ચઢ્ઢાએ નાણામંત્રીને જવાબ આપતાં કહ્યું કે ટેક્સમાં છૂટ આપીને મધ્યમ વર્ગને કેવી રીતે ગેરમાર્ગે દોરવામાં આવ્યો?
1 ફેબ્રુઆરીના રોજ સંસદમાં દેશનું સામાન્ય બજેટ રજૂ કરવામાં આવ્યું હતું. કેન્દ્રીય નાણા મંત્રી નિર્મલા સીતારમણે નાણાકીય વર્ષ 2025-26 માટેના હિસાબો રજૂ કર્યા. દરમિયાન, આમ આદમી પાર્ટીના નેતા અને રાજ્યસભાના સાંસદ રાઘવ ચઢ્ઢાએ શુક્રવારે એક વીડિયો સંદેશ દ્વારા નાણામંત્રી નિર્મલા સીતારમણને જવાબ આપ્યો.
રાઘવ ચઢ્ઢાએ વીડિયો સંદેશમાં કહ્યું....
AAP નેતા રાઘવ ચઢ્ઢાએ કહ્યું કે, નાણામંત્રી મધ્યમ વર્ગને ટેક્નિકલ બાબતોમાં સામેલ કરીને ગેરમાર્ગે દોરવાનો પ્રયાસ કરી રહ્યા છે. તેમણે વીડિયો સંદેશમાં કહ્યું કે જો કોઈની આવક 12 લાખ રૂપિયાથી વધુ હોય તો માત્ર વધારાની આવક પર જ નહીં પરંતુ સમગ્ર આવક પર ટેક્સ ચૂકવવો પડશે. એટલે કે 12 લાખ રૂપિયા સુધી ટેક્સમાં છૂટ છે, પરંતુ ટેક્સમાંથી સંપૂર્ણ છૂટ નથી. જો આવક 12 લાખ રૂપિયાથી વધુ હોય તો સમગ્ર આવક પર ટેક્સ લાગશે.
Yesterday, in Parliament the Hon’ble Finance Minister made charges against me. Here is my response:
माननीय वित्त मंत्री द्वारा कल अपने भाषण में मुझपे की गई व्यक्तिगत टिपण्णियों पर मेरा जवाब pic.twitter.com/29ubmFEkRn
— Raghav Chadha (@raghav_chadha) February 14, 2025
12 લાખથી વધુની કમાણી કરશો તો પુરી રકમ પર ટેક્સ લાગશે
તેમણે વધુમાં કહ્યું કે જો કોઈ વ્યક્તિની વાર્ષિક આવક 12.76 લાખ રૂપિયા છે તો સમગ્ર 12.76 લાખ રૂપિયા પર ટેક્સ લાગશે. એવું નથી કે 12 લાખ રૂપિયાથી વધુની આવક એટલે કે માત્ર 76,000 રૂપિયા પર કોઈ ટેક્સ નહીં લાગે. સાંસદ રાઘવ ચઢ્ઢાએ વધુમાં કહ્યું કે આશા છે કે આગામી વખતથી નાણામંત્રી નિર્મલા સીતારમણ વ્યક્તિગત હુમલા કરવાનું ટાળશે.
આ પણ વાંચો : Mahakumbhના આયોજન અંગે CM યોગીનો અખિલેશ યાદવ પર વળતો પ્રહાર
નાણામંત્રીના કટાક્ષનો આપ નેતાએ જવાબ આપ્યો
રાઘવ ચઢ્ઢાએ કહ્યું કે નાણામંત્રીએ રાજ્યસભામાં બજેટ પર ભાષણ આપતી વખતે તેમના નિવેદન પર ઘણો કટાક્ષ કર્યો હતો. નિર્મલા સીતારમણે એમ પણ કહ્યું કે તેમણે (રાઘવ ચડ્ડા) ગૃહને ગેરમાર્ગે દોરવાનો પ્રયાસ કર્યો હતો. જ્યારે તેમણે નાણાપ્રધાનના પ્રશ્નોના જવાબ આપવા માટે સમય માંગ્યો ત્યારે તેમને પરવાનગી મળી ન હતી, તેથી તેમણે આ વીડિયો દ્વારા નાણાપ્રધાન સાથે સીધી વાત કરવાનું વિચાર્યું.
રાઘવ ચઢ્ઢાએ સંસદમાં બજેટ પર પ્રશ્નો ઉઠાવ્યા હતા
AAP સાંસદે બજેટ 2025-26ને લઈને સંસદમાં ઘણા પ્રશ્નો ઉઠાવ્યા હતા. તેમણે રેલ મુસાફરોને લગતી સમસ્યાઓ, મધ્યમ વર્ગના નાણાકીય પડકારો, ડોનાલ્ડ ટ્રમ્પ દ્વારા લાદવામાં આવી રહેલા ટેરિફ અને ગગડતા રૂપિયા વિશે વાત કરી હતી.
આ પણ વાંચો : દિલ્હીમાં નવી ભાજપ સરકાર ક્યારે શપથ લેશે? જાણો તારીખ