Home » Air India બાદ હવે Indigo ફ્લાઈટમાં પણ વિવાદ, જાણો શું થયું
Air India બાદ હવે Indigo ફ્લાઈટમાં પણ વિવાદ, જાણો શું થયું
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
150
લોકો વિમાનથી મુસાફરી સૌથી વધુ પસંદ કરતા હોય છે. પરંતુ છેલ્લા ઘણા દિવસોથી ફ્લાઈટમાં હંગામાના કિસ્સાઓ સતત સામે આવી રહ્યા છે. ગો ફર્સ્ટ બાદ હવે ઈન્ડિગો ફ્લાઈટમાં એર હોસ્ટેસ સાથે ગેરવર્તણૂકની ઘટના સામે આવી છે. મુસાફરો પર દારૂના નશામાં એર હોસ્ટેસની છેડતી કરવાનો અને હંગામો મચાવતા ફ્લાઈટના કેપ્ટન સાથે મારપીટ કરવાનો આરોપ છે. જે ઈન્ડિગોની ફ્લાઈટમાં આ ઘટના બની તે દિલ્હીથી પટના આવી રહી હતી. આ ઘટના ગત રવિવારે રાત્રે બની હતી. આ કેસમાં એરપોર્ટ પોલીસે બંને આરોપીઓની ધરપકડ કરી છે.
વિમાનમાં યુવકોએ દારૂના નશામાં કર્યો હંગામો
એર ઈન્ડિયાની ફ્લાઈટમાં નશાની હાલતમાં મહિલા મુસાફરો પર પેશાબની ઘટના બાદ હવે ઈન્ડિગોની ફ્લાઈટમાં નશામાં યાત્રીઓએ હંગામો મચાવ્યો હોવાના અહેવાલો સામે આવ્યા છે. પોલીસે CISFની મદદથી બે મુસાફરોની ધરપકડ કરી હતી. હાલ આગળની કાર્યવાહી ચાલુ છે. સમગ્ર ઘટનાની વાત કરીએ તો દિલ્હીથી પટના જઇ રહેલી ઈન્ડિગોની ફ્લાઈટમાં ત્રણ યુવકોએ હંગામો મચાવ્યો હતો. ત્રણેય યુવકો નશામાં હતા. જ્યારે પ્લેન દિલ્હીથી ટેકઓફ થયું ત્યારે ત્રણેય યુવકોએ હંગામો મચાવ્યો હતો. પ્લેનના સહ-યાત્રીઓએ યુવકોને સમજાવવાની કોશિશ કરી પરંતુ તેઓ માન્યા નહીં. આ યુવકોએ કેપ્ટન સાથે ગેરવર્તન કર્યું અને તેઓ તેટલાથી શાંત ન રહ્યા અને એર હોસ્ટેસની પણ છેડતી કરવા લાગ્યા. ફરિયાદ બાદ જ્યારે પ્લેન લેન્ડ થયું ત્યારે બે દારૂડિયા ઝડપાયા હતા. જ્યારે ત્રીજો ફરાર થઈ ગયો હતો.
રાજનીતિક પાર્ટી સાથે છે જોડાયેલા
એર હોસ્ટેસ હંગામાને શાંત કરવાનો પ્રયાસ કરી રહી હતી. તેઓએ હંગામો પણ મચાવ્યો હતો અને ફ્લાઈટના કેપ્ટન પર પણ હુમલો કર્યો હતો. મીડિયા રિપોર્ટ્સ અનુસાર, ત્રણેય યુવાનોએ બિહાર સ્થિત સત્તાધારી પાર્ટીના રાષ્ટ્રીય વડા સાથે જોડાયેલા હોવાનો દાવો કર્યો છે. આ સમગ્ર ઘટના ઈન્ડિગોની ફ્લાઈટ 6E-6383ની છે જે રવિવારે રાત્રે 8.55 કલાકે દિલ્હીથી પટના પહોંચી હતી.
ત્રણેય આરોપી બિહારના રહેવાસી
આરોપી દારૂ પીને ઈન્ડિગો ફ્લાઈટ 6E-6383માં ચડ્યો હતો. રાત્રે 10:00 વાગ્યે દિલ્હીથી પટના પહોંચ્યા બાદ એરપોર્ટની અંદર જ બે આરોપીઓની ધરપકડ કરવામાં આવી હતી. CISFએ બેને પકડીને એરપોર્ટ પોલીસ સ્ટેશનને સોંપ્યા છે, જ્યારે એક યુવક ફરાર છે. ધરપકડ કરાયેલા આરોપીઓનો બ્રેથ એનાલાઈઝર ટેસ્ટ કરવામાં આવ્યો છે, જેમાં તેમના દારૂના સેવનની પુષ્ટિ થઈ છે. ત્રણેય બિહારના વૈશાલીના રહેવાસી હોવાનું કહેવાય છે.
ન્યૂયોર્કથી આવી રહેલી એર ઈન્ડિયાની ફ્લાઈટમાં ગેરવર્તણૂક
આ પહેલા ગયા વર્ષે 26 નવેમ્બર 2022ના રોજ ફ્લાઇટમાં ગેરવર્તનનો મામલો સામે આવ્યો હતો. ન્યૂયોર્કથી આવી રહેલી એર ઈન્ડિયાની ફ્લાઈટ AI 102માં મહિલાઓ બિઝનેસ ક્લાસમાં મુસાફરી કરી રહી હતી. આરોપ છે કે લંચ પછી લાઇટ બંધ હતી, જ્યારે આરોપી શંકર મિશ્રા વૃદ્ધ મહિલાની સીટ પાસે આવ્યો અને તેના પર પેશાબ કર્યો. મહિલા પર પેશાબ કરનાર આરોપીની 42 દિવસ બાદ ધરપકડ કરવામાં આવી હતી.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject