PM મોદી 2 દિવસના થાઇલેન્ડ પ્રવાસ માટે રવાના, BIMSTEC સમિટમાં હાજરી આપશે, શ્રીલંકાની પણ મુલાકાત લેશે
- PM મોદી 2 દિવસના થાઇલેન્ડ પ્રવાસે
- BIMSTEC સમિટમાં હાજરી આપશે
- બંને દેશો વચ્ચેના વેપાર સંબંધોને મજબૂત બનશે
PM Modi on a visit to Thailand: પ્રધાનમંત્રી નરેન્દ્ર મોદી થાઇલેન્ડ જવા રવાના થઈ ગયા છે. PM મોદી આજથી થાઇલેન્ડના બે દિવસના પ્રવાસે છે. આ દરમિયાન તેઓ બેંગકોકમાં પ્રધાનમંત્રી પટોંગટાર્ન શિનાવાત્રા સાથે વાતચીત કરશે, જ્યાં વેપાર મુદ્દાઓ પર મહત્વપૂર્ણ ચર્ચા થઈ શકે છે. પીએમ મોદી 4 એપ્રિલ 2025 ના રોજ યોજાનારી 6ઠ્ઠી BIMSTEC સમિટમાં પણ હાજરી આપશે. તમને જણાવી દઈએ કે, થાઇલેન્ડ 6ઠ્ઠી BIMSTEC સમિટની અધ્યક્ષતા કરી રહ્યું છે.
આ પ્રધાનમંત્રીની થાઇલેન્ડની ત્રીજી મુલાકાત હશે. આ સાથે પીએમ મોદી શ્રીલંકાની પણ મુલાકાત લેશે. પીએમ મોદીની બંને દેશોની મુલાકાત BIMSTEC ના દૃષ્ટિકોણથી ખૂબ જ મહત્વપૂર્ણ છે, કારણ કે શ્રીલંકા અને થાઇલેન્ડ BIMSTEC નો ભાગ છે.
#WATCH | Delhi | Prime Minister Narendra Modi emplanes for Bangkok, Thailand.
PM Narendra Modi is on a two-day visit to Thailand at the invitation of Paetongtarn Shinawatra, Prime Minister of Thailand. PM Modi will participate in the 6th BIMSTEC Summit to be held on 4 April… pic.twitter.com/8USisO0PNH
— ANI (@ANI) April 3, 2025
PM મોદી શ્રીલંકાની મુલાકાત લેશે
પીએમ મોદીએ સોશિયલ મીડિયા પર શેર કરેલી પોસ્ટમાં કહ્યું કે તેઓ આગામી ત્રણ દિવસમાં થાઇલેન્ડ અને શ્રીલંકાની મુલાકાત લેશે. તેમણે કહ્યું કે આ દેશોની સાથે, તેઓ BIMSTEC દેશો સાથે ભારતના સહયોગને વધારવા માટે આયોજિત વિવિધ કાર્યક્રમોમાં પણ ભાગ લેશે. તેમણે કહ્યું કે બેંગકોકમાં હું પ્રધાનમંત્રી પટોંગટાર્ન શિનાવાત્રાને મળીશ અને ભારત-થાઇલેન્ડ મૈત્રીપૂર્ણ સંબંધોના તમામ પાસાઓ પર ચર્ચા કરીશ. તેમણે કહ્યું કે હું BIMSTEC સમિટમાં હાજરી આપીશ અને થાઈલેન્ડના રાજા મહા વજીરાલોંગકોર્નને પણ મળીશ.
Over the next three days, I will be visiting Thailand and Sri Lanka to take part in various programmes aimed at boosting India's cooperation with these nations and the BIMSTEC countries.
In Bangkok later today, I will be meeting Prime Minister Paetongtarn Shinawatra and…
— Narendra Modi (@narendramodi) April 3, 2025
આ પણ વાંચો : Waqf Bill : લોકસભામાં વકફ બિલ પાસ , પક્ષમાં 288 મત, વિરોધમાં 232 મત
પીએમ મોદીની આ મુલાકાત બંને દેશો વચ્ચેના વેપાર સંબંધોને મજબૂત બનાવશે તેવી અપેક્ષા છે. હકીકતમાં, એક તરફ ભારતનું ઝડપથી વિકસતું બજાર થાઈ રોકાણકારો માટે આકર્ષણનું કેન્દ્ર રહ્યું છે, તો બીજી તરફ, ભારતીય કંપનીઓ દ્વારા થાઈલેન્ડમાં રોકાણ પણ વધી રહ્યું છે.
BIMSTEC શું છે?
BIMSTEC એટલે Bay of Bengal Initiative for Multi-Sectoral Technical and Economic Cooperation, જે બંગાળની ખાડીનો બહુ-ક્ષેત્રીય ટેકનિકલ અને આર્થિક સહયોગ પહેલ છે. આ આંતરરાષ્ટ્રીય સંગઠન દક્ષિણ એશિયા અને દક્ષિણ પૂર્વ એશિયાના દેશોને જોડે છે. આ સંગઠનમાં બંગાળની ખાડીને અડીને આવેલા સાત દેશોનો સમાવેશ થાય છે, જેમાં બાંગ્લાદેશ, ભૂતાન, ભારત, નેપાળ, શ્રીલંકા, મ્યાનમાર અને થાઇલેન્ડનો સમાવેશ થાય છે.
આ પણ વાંચો : Asaduddin Owaisi : 'ગાંધીજીની જેમ હું પણ આ બિલ ફાડું છું...' વક્ફ સુધારા બિલ સામે ઓવૈસીનો વિરોધ