પુણેની 6 વર્ષની આરિષ્કા એવરેસ્ટ બેઝ કેમ્પ પર પહોંચનારી સૌથી નાની વયની ભારતીય

છ વર્ષની આરિષ્કાએ તેની માતા સાથે મળીને 15 દિવસમાં આ અભિયાન પૂર્ણ કર્યું. આરિષ્કાએ કહ્યું, ત્યાં ઘણી ઠંડી હતી, હું ખુશ છું. હું ભવિષ્યમાં એવરેસ્ટ જીતવા માંગુ છું. સામાન્ય રીતે 12 વર્ષથી વધુ ઉંમરના બાળકો જ બેઝ કેમ્પ પર ચઢે છે.

મહારાષ્ટ્રના પુણેની રહેવાસી અરિષ્કા લદ્દા માઉન્ટ એવરેસ્ટ બેઝ કેમ્પ પર ચઢનાર સૌથી યુવા ભારતીય બની છે. એવરેસ્ટ બેઝ કેમ્પ 17,500 ફૂટથી વધુની ઉંચાઈ પર આવેલું છે. છ વર્ષની આરિષ્કાએ તેની માતા સાથે મળીને 15 દિવસમાં આ અભિયાન પૂર્ણ કર્યું. આરિષ્કાએ કહ્યું, ત્યાં ઘણી ઠંડી હતી, હું ખુશ છું. હું ભવિષ્યમાં એવરેસ્ટ જીતવા માંગુ છું. સામાન્ય રીતે 12 વર્ષથી વધુ ઉંમરના બાળકો જ બેઝ કેમ્પ પર ચઢે છે.

આરિષ્કાની માતા ડિમ્પલે કહ્યું કે, તે નાનપણથી જ એથ્લેટિક્સમાં જોડાયેલી છે. આરિષ્કા સાઇકલિંગની સાથે ટ્રેકિંગ અને રનિંગની પ્રેક્ટિસ પણ કરી રહી છે. તેને કહેવામાં આવ્યું કે આ એક જોખમી ઓપરેશન છે અને છતાં તેણે આગળ વધવાનું નક્કી કર્યું. પ્રેક્ટિસ માટે તે પુણેની આસપાસના કિલ્લાઓ પર ચઢી. તે જ સમયે, આરિષ્કાના પિતા કૌસ્તુભએ કહ્યું, તેણે ભારતને ગૌરવ અપાવ્યું છે. અમે ખુશ છીએ.