S Jaishankar Russia Visit : ટેરિફ ધમકી વચ્ચે એસ.જયશંકર રશિયાની મુલાકાત કરશે
- ટેરિફ વચ્ચે ભારત અને રશિયાના સબંધ મજબૂત બનશે (S Jaishankar Russia Visit)
- એસ. જયશંકર પણ ટૂંક સમયમાં રશિયાની મુલાકાત લેશે
- રશિયાના વિદેશ મંત્રાલયે આપી માહિતી
- પુતિન આ વર્ષના અંતમાં ભારતની મુલાકાત કરશે
S Jaishankar Visit Russia: અમેરિકાના પ્રમુખ ડોનાલ્ડ ટ્રમ્પ દ્વારા રશિયા સાથે વેપાર કરવા બદલ ભારત પર 50 ટકા ટેરિફનો બોમ્બ ફોડ્યા બાદ ભારત અને રશિયા વચ્ચેના સંબંધો વધુ ગાઢ બની રહ્યા છે. તાજેતરમાં, ભારતના રાષ્ટ્રીય સુરક્ષા સલાહકાર અજિત ડોભાલે રશિયાની મુલાકાત લીધી હતી. તેઓ મોસ્કોમાં રશિયન પ્રમુખ પુતિન સહિત અન્ય ટોચના નેતાઓને મળ્યા હતા. હવે સમાચાર આવ્યા છે કે ભારતીય વિદેશ મંત્રી ડો. એસ. જયશંકર (S Jaishankar Russia Visit)પણ ટૂંક સમયમાં રશિયાની મુલાકાત લેશે અને ત્યાં રશિયન વિદેશ મંત્રી સેર્ગેઈ લવરોવને મળશે.
રશિયાના વિદેશ મંત્રાલયે આપી માહિતી (S Jaishankar Russia Visit)
રશિયન વિદેશ મંત્રાલયે સોશિયલ મીડિયા પર શેર કરેલી એક પોસ્ટમાં જણાવ્યું હતું કે ભારતીય વિદેશ મંત્રી એસ. જયશંકર અને રશિયન વિદેશ મંત્રી સેર્ગેઈ લવરોવ 21 ઓગસ્ટે મોસ્કોમાં મળશે. આ બેઠકમાં આંતરરાષ્ટ્રીય માળખા હેઠળ ઘણા મહત્વપૂર્ણ મુદ્દાઓ પર સહયોગ પર ચર્ચા કરવામાં આવશે. આ સાથે, બંને દેશો વચ્ચે દ્વિપક્ષીય સંબંધો પર પણ ચર્ચા કરવામાં આવશે. રશિયન રાષ્ટ્રપતિ વ્લાદિમીર પુતિન આ વર્ષના અંતમાં ભારતની મુલાકાત લઈ શકે છે. આવી સ્થિતિમાં, બંને નેતાઓની બેઠકમાં પુતિનની મુલાકાતની તૈયારીઓ પર પણ ચર્ચા થઈ શકે છે.
FM Sergey #Lavrov's schedule:
🗓 On August 21, FM Sergey #Lavrov will hold talks with FM of India @DrSJaishankar in Moscow.
The Ministers will discuss key issues on our bilateral agenda, as well as key aspects of cooperation within international frameworks.#RussiaIndia pic.twitter.com/ck4qG1Z14P
— MFA Russia 🇷🇺 (@mfa_russia) August 13, 2025
આ પણ વાંચો -Sonia Gandhi : ભારતીય નાગરિકતા મેળવતા પહેલા સોનિયા ગાંધીનું નામ મતદાર યાદીમાં હતું: ભાજપ
ભારત-અમેરિકા વચ્ચે તણાવ
વિદેશ મંત્રી જયશંકરની રશિયાની મુલાકાત એવા સમયે થઈ રહી છે જ્યારે ભારત અને અમેરિકા વચ્ચેના તણાવ સર્જાયો છે. આ તણાવ અમેરિકાના પ્રમુખ ડોનાલ્ડ ટ્રમ્પ દ્વારા ભારત પર 50 ટકા ટેરિફ લાદવાના નિર્ણય બાદથી વધ્યો છે. અમેરિકાએ રશિયા પાસેથી ક્રૂડ ખરીદવા અને કથિત રીતે યુક્રેન યુદ્ધને પ્રોત્સાહન આપવા બદલ ભારત પર ટેરિફ લાદ્યો છે. ઉપરાંત, અમેરિકન સરકાર આ દિવસોમાં પાકિસ્તાન સાથે નિકટતા વધારવામાં વ્યસ્ત છે. આવી સ્થિતિમાં, ભારત પણ તેના તમામ વિકલ્પો પર વિચાર કરી રહ્યું છે.
આ પણ વાંચો -Har Ghar Tiranga Abhiyan: ગૃહમંત્રી અમિતભાઈ શાહે દિલ્હીમાં ફરકાવ્યો તિરંગો
લશ્કરી તકનીકી સહયોગ પર ચર્ચા
રાષ્ટ્રીય સુરક્ષા સલાહકાર અજિત ડોભાલની રશિયા મુલાકાત દરમિયાન બંને દેશો વચ્ચે લશ્કરી તકનીકી સહયોગ સંબંધિત મુદ્દાઓ પર પણ ચર્ચા થઈ હતી. ભારતમાં રશિયન દૂતાવાસે એક નિવેદન જારી કરીને આ માહિતી આપી હતી. આ સાથે, નાગરિક વિમાન ઉત્પાદન, ધાતુ ઉદ્યોગ અને રાસાયણિક ઉદ્યોગ જેવા અન્ય વ્યૂહાત્મક ક્ષેત્રોમાં સંયુક્ત પ્રોજેક્ટ્સ લાગુ કરવા પર પણ વાતચીત કરી હતી.