ભારતીય બંધારણ સમયની કસોટી પર ખરું ઉતર્યું...જાણો શું કહ્યું સુપ્રીમ કોર્ટના જસ્ટિસ બી.આર.ગવઈએ

• જસ્ટિસ બી.આર.ગવઈએ આંબેડકરના યોગદાનની ચર્ચા કરી
• ભારતીય બંધારણ સમયની કસોટી પર ખરું ઉતર્યું છે
• બાબાસાહેબે દેશને અમૂલ્ય બંધારણ આપ્યું

Justice B.R. Gavai: ભારતની સુપ્રીમ કોર્ટના ન્યાયાધીશ ભૂષણ રામકૃષ્ણ ગવઈ (બી.આર. ગવઈ) એ સોમવારે (14 એપ્રિલ) બંધારણના ઘડવૈયા બાબાસાહેબ ડૉ. ભીમરાવ રામજી આંબેડકરને તેમની 135મી જન્મજયંતિ પર શ્રદ્ધાંજલિ આપી. બાબાસાહેબની 135મી જન્મજયંતિ નિમિત્તે પોતાના સંબોધનમાં ન્યાયાધીશ બી. આર. ગવઈએ કહ્યું, "ભારતીય બંધારણ સમયની કસોટી પર ખરું ઉતર્યું છે અને દેશને મજબૂત, સ્થિર અને એકજુટ બનાવ્યો છે."

મુખ્ય ન્યાયાધીશ પછી સર્વોચ્ચ અદાલતમાં સૌથી વરિષ્ઠ ન્યાયાધીશ ગવઈએ ડૉ. આંબેડકર ઇન્ટરનેશનલ સેન્ટર ખાતે આયોજીત પ્રથમ 'આંબેડકર મેમોરિયલ લેક્ચર' દરમિયાન પોતાનું ભાષણ આપ્યું. આ દરમિયાન તેમણે કહ્યું, "બાબાસાહેબ આંબેડકર દેશના મહાન સપૂતોમાંના એક હતા અને એક સ્વપ્નદ્રષ્ટા હતા જેમણે અર્થશાસ્ત્રી, સમાજ સુધારક અને શિક્ષણશાસ્ત્રી તરીકે વિવિધ ક્ષેત્રોમાં યોગદાન આપ્યું હતું."

ભારતના નાગરિકો આંબેડકરની ભૂમિકાને હંમેશા યાદ રાખશે - ગવઈ

જસ્ટિસ ગવઈએ કહ્યું કે દેશવાસીઓ ભારતના બંધારણના ઘડવૈયા તરીકે બાબાસાહેબ આંબેડકરના મહાન યોગદાનને હંમેશા યાદ રાખશે. ભારતના બંધારણના મુસદ્દા ઘડવામાં આંબેડકરના યોગદાનની વિગતવાર ચર્ચા કરતા ન્યાયાધીશે કહ્યું કે છેલ્લા 75 વર્ષોમાં બંધારણના કાર્યની સફર તેના તમામ અંગો એટલે કે વિધાનસભા, કારોબારી અને ન્યાયતંત્ર દ્વારા સંતોષકારક રહી છે.

આ પણ વાંચો :  ED ઓફિસમાં હાજર થયા Robert Vadra, જમીનના સોદામાં 58 કરોડના ગોટાળાનો આરોપ

બાબાસાહેબે દેશને અમૂલ્ય બંધારણ આપ્યું - ગવઈ

તેમણે વધુમાં કહ્યું, “બાબાસાહેબ ડૉ. ભીમરાવ રામજી આંબેડકરનો બંધારણ સભામાં પ્રારંભિક પ્રવેશ ફક્ત અનુસૂચિત જાતિ, પીડિતો અને દલિતોના હિતોનું રક્ષણ કરવા માટે હતો અને આજે જ્યારે આપણે તેમની 135મી જન્મજયંતિ ઉજવી રહ્યા છીએ, ત્યારે હું આ દેશને એક એવું બંધારણ આપવામાં તેમના અમૂલ્ય યોગદાનને યાદ કરું છું, જે ના ફક્ત છેલ્લા 75 વર્ષથી સમયની કસોટી પર ખરું ઉતર્યું છે, પરંતુ એક એવું બંધારણ છે જેણે ભારતને મજબૂત, સ્થિર અને એકતાપૂર્ણ બનાવ્યું છે.”

આ પણ વાંચો :  Murshidabad હિંસા પર AIMPLBનું નિવેદન, પોલીસ પર હત્યાનો આરોપ