દિલ્હીમાં નવી ભાજપ સરકાર ક્યારે શપથ લેશે? જાણો તારીખ

• દિલ્હીમાં મુખ્યમંત્રી પદના ઉમેદવારને લઈને અનેક અટકળો
• શપથ ગ્રહણ સમારોહ 19 અને 20 ફેબ્રુઆરીએ થઈ શકે છે
• 17 અને 18 ફેબ્રુઆરીએ દિલ્હીમાં વિધાનસભા પક્ષની બેઠક યોજાઈ શકે છે

Delhi BJP New CM Oath Ceramony Date : દરેક વ્યક્તિ દિલ્હીમાં ભાજપની નવી સરકારની રાહ જોઈ રહ્યો છે. મુખ્યમંત્રી પદના ઉમેદવારને લઈને અનેક અટકળો લગાવવામાં આવી રહી છે. એવી અટકળો લગાવવામાં આવી રહી છે કે સીએમ ઉપરાંત ડેપ્યુટી સીએમની પણ જાહેરાત કરવામાં આવશે.

શપથ ગ્રહણ સમારોહ ક્યારે યોજાશે ?

દિલ્હીમાં નવી સરકારના શપથ ગ્રહણની દરેક વ્યક્તિ રાહ જોઈ રહી છે. દિલ્હી ચૂંટણીના પરિણામોના 6 દિવસ બાદ પણ ભાજપ CM પદ માટે પોતાનો ઉમેદવાર નક્કી કરી શકી નથી. દરમિયાન, સૂત્રોના જણાવ્યા અનુસાર, 17 અને 18 ફેબ્રુઆરીએ દિલ્હીમાં વિધાનસભા પક્ષની બેઠક યોજાઈ શકે છે. શપથ ગ્રહણ સમારોહ 19 અને 20 ફેબ્રુઆરીએ થઈ શકે છે. તેમાં BJP અને NDA શાસિત રાજ્યોના મુખ્યમંત્રી અને કેન્દ્રીય મંત્રીઓ પણ હાજર રહેશે.

PM સાથે ચર્ચા બાદ નામ ફાઈનલ થશે

સૂત્રો દ્વારા જાણવા મળ્યું છે કે PM મોદી અમેરિકા પ્રવાસ પરથી પરત ફર્યા બાદ હાઈકમાન્ડ PM સાથે CM પદના ઉમેદવાર અંગે ચર્ચા કરશે. આ પછી જ નામ ફાઈનલ કરવામાં આવશે. આ સિવાય ભાજપના 48 ધારાસભ્યોમાંથી 9 નામોની યાદી તૈયાર કરવામાં આવી છે જેઓ દિલ્હી સરકારના સંભવિત મંત્રી બની શકે છે.

આ પણ વાંચો :  બીજાપુર એન્કાઉન્ટરમાં 31 નક્સલવાદીઓ ઠાર, 28 ની ઓળખ, 8 લાખનો ઇનામી પણ ઠાર

CM પદના દાવેદારોમાં આ નામો સામેલ છે

તમને જણાવી દઈએ કે દિલ્હીમાં CM પદ માટે પ્રવેશ વર્માનો દાવો સૌથી મજબૂત હોવાનું કહેવાય છે. વર્માએ ચૂંટણીમાં AAP કન્વીનર અને ભૂતપૂર્વ CM અરવિંદ કેજરીવાલને હરાવ્યા છે. વર્મા ઉપરાંત પૂર્વાંચલના ધારાસભ્યો શિખા રાય, અભય વર્મા અને અજય મહાવરના નામ પણ CM પદના દાવેદારમાં છે. સ્પીકર તરીકે મોહન સિંહ બિષ્ટનું નામ વિચારાઈ રહ્યું છે.

27 વર્ષ પછી ભાજપ સરકાર બનાવશે

દિલ્હી વિધાનસભાની ચૂંટણી માટે 5 ફેબ્રુઆરીએ 70 સીટો પર મતદાન થયું હતું. પરિણામો 8 ફેબ્રુઆરીના રોજ જાહેર કરવામાં આવ્યા હતા. જેમાં ભાજપે 48 બેઠકો જીતી હતી, જ્યારે AAP 22 બેઠકો પર સમેટાઈ ગઈ હતી. 27 વર્ષ બાદ દિલ્હી વિધાનસભા ચૂંટણીમાં ભાજપની વાપસી થઈ છે. આ પહેલા 1993માં ભાજપે પહેલીવાર સરકાર બનાવી હતી. જ્યારે AAP અને કોંગ્રેસ અત્યાર સુધીમાં દિલ્હીમાં ત્રણ વખત સરકાર બનાવી ચૂક્યા છે.

આ પણ વાંચો :  મને તમારી વાત સમજાણી નહીં, ભારતીય પત્રકારના સવાલના જવાબ પર બોલ્યા ડોનાલ્ડ ટ્રમ્પ