Online Gaming Bill : ડ્રીમ 11 પર નવું ઓનલાઈન ગેમિંગ બિલ લાગું થશે? અશ્વિની વૈષ્ણવે આપ્યો આ જવાબ

• ઓનલાઈન ગેમિંગનું પ્રમોશન એન્ડ રેગ્યુલેશન બિલ (Online Gaming Bill )
• રાષ્ટ્રપતિ દ્રૌપદી મુર્મુના હસ્તાક્ષર બાદ તે કાયદાનું સ્વરૂપ લેશે.
• ડ્રીમ-11 સહિત અનેક ઓનલાઈન ગેમિંગ એપ બંધ થશે!
• નાણાં લગાવીને કમાવાની લાલચ આપતી ગેમ પર 'ખંભાતી તાળું'

Online Gaming Bill 2025 : શું તમે ઓનલાઈન ગેમ્સ રમીને પૈસા કમાઓ છો? શું તમે Dream11 અને My11Circle જેવી એપ્સ પર સટ્ટો લગાવો છો? શું તમે કરોડપતિ બનવા માટે રૂપિયા 49ની ટીમ બનાવો છો? હવે આ બધું બંધ થવાનું છે. કારણ કે ભારત સરકાર એક બિલ લાવી છે જે ઓનલાઈન સટ્ટાબાજીને પ્રોત્સાહન આપતી એપ્સ પર પ્રતિબંધ મૂકવા માટે કામ કરશે.

ઓનલાઈન ગેમિંગનું પ્રમોશન એન્ડ રેગ્યુલેશન બિલ

આ બિલનું નામ 'ઓનલાઈન ગેમિંગનું પ્રમોશન એન્ડ રેગ્યુલેશન બિલ, 2025' છે. તેને બુધવારે લોકસભામાં પસાર કરવામાં આવ્યું હતું. અને આજે એટલે કે ગુરુવાર, 21 ઓગસ્ટના રોજ તેને ઉપલા ગૃહ એટલે કે રાજ્યસભા દ્વારા પણ મંજૂરી આપવામાં આવી છે. હવે રાષ્ટ્રપતિ દ્રૌપદી મુર્મુના હસ્તાક્ષર બાદ તે કાયદાનું સ્વરૂપ લેશે.હવે પ્રશ્ન એ ઊભો થાય છે કે ગેમિંગ પ્લેટફોર્મ પર તમે જે પૈસા જમા કરાવ્યા છે તેનું શું થશે? શું તમારા પૈસા ખોવાઈ જશે કે તમને પાછા મળશે? ચાલો એક પછી એક બધા પ્રશ્નોના જવાબો જાણીએ.

તમારા પૈસાનું શું થશે?

ઓનલાઈન ગેમિંગ બિલ 2025 લોકસભા અને રાજ્યસભા દ્વારા પસાર કરવામાં આવ્યું છે. તેને કાયદો બનાવવા માટે રાષ્ટ્રપતિની મંજૂરી જરૂરી છે. જો તમે હજુ સુધી ડ્રીમ11 અથવા માય11 સર્કલ જેવા વેઇટિંગ પ્લેટફોર્મ પરથી તમારા પૈસા ઉપાડ્યા નથી તો પણ તમારી પાસે પૈસા ઉપાડવાની તક છે. જો આ બિલ કાયદાનું સ્વરૂપ લેશે તો પૈસા ઉપાડવામાં સમસ્યા આવી શકે છે.

આ પણ  વાંચો -KTM એ ધમાકેદાર બાઇકનું ટેસ્ટિંગ શરૂ કર્યું, યુરોપમાં દેખાઇ પહેલી ઝલક

RBI પણ આ પ્લેટફોર્મ્સ પર સીધી કાર્યવાહી કરતું નથી

ડ્રીમ11 અને માય11સર્કલ જેવી ઓનલાઈન ગેમિંગ એપ્સમાં જમા કરાયેલા તમારા પૈસાનું ભવિષ્ય બદલાતા નિયમો અને સંભવિત નીતિગત ફેરફારો સાથે જોડાયેલું છે. RBI પણ આ પ્લેટફોર્મ્સ પર સીધી કાર્યવાહી કરતું નથી.આ સ્થિતિમાં આ બિલ લાગુ થાય તે પહેલાં તમારે તમારા પૈસા ઉપાડી લેવા જોઈએ.કોણ જાણે બિલ લાગુ થયા પછી આ એપ્સ કામ કરવાનું બંધ કરી શકે છે. આ સ્થિતિમાં તમારે આવી એપ્સમાંથી તાત્કાલિક તમારા પૈસા ઉપાડી લેવા જોઈએ.નહીં તો તમારા પૈસા ખોવાઈ શકે છે.

આ પણ  વાંચો -Gemini સપોર્ટ સાથે Google Pixel Watch 4 લોન્ચ, સાથે Buds Pro 2 પણ..! જાણો કિંમત અને ફીચર્સ

ઓનલાઈન ગેમિંગ માર્કેટ કેટલું મોટું છે

દેશનું ઓનલાઈન ગેમિંગ માર્કેટ હાલમાં 3.7 બિલિયન ડોલરનું છે અને વર્ષ 2029માં તે બમણું થઈને 9.1 બિલિયન ડોલર થવાનો અંદાજ છે. જોકે આજના 86 ટકા આવક વાસ્તવિક મની ફોર્મેટ રમતોમાંથી આવે છે.સટ્ટાબાજીને રોકવા માટે સરકાર 'ઓનલાઈન ગેમિંગનું પ્રમોશન અને રેગ્યુલેશન બિલ, 2025' લાવી છે. એટલે કે ગેમિંગ પ્લેટફોર્મ પર કાર્યવાહી શરૂ થઈ ગઈ છે. પછી ભલે તે કૌશલ્ય આધારિત હોય કે તક આધારિત.ઉલ્લંઘન બદલ જેલ (3 વર્ષ સુધી) અને ભારે દંડ (રૂપિયા 1 કરોડ સુધી) થઈ શકે છે અને પ્રમોટરો, જેમાં પ્રભાવકોનો પણ સમાવેશ થાય છે, તેમને દંડ પણ થઈ શકે છે. કાયદો આવી રમતોની જાહેરાત પર પણ પ્રતિબંધ મૂકે છે અને બેંકો અથવા નાણાકીય સંસ્થાઓને સંબંધિત વ્યવહારોને સરળ બનાવવાથી અટકાવે છે.