Gondal : ગણેશની ચેલેન્જ અને ગબ્બર ગોંડલમાં, માતાનાં ધાવણ મુદ્દે વાતાવરણ ગરમાયુ
- ગોંડલમાં આજે તણાવપૂર્ણ સ્થિતિ જોવા મળી રહી છે
- અલ્પેશ કથીરિયાની મુલાકાતને લઇ ક્યાંક વિરોધ તો ક્યાંક સમર્થન
- ગોંડલમાં 155 પોલીસકર્મીનો કડક બંદોબસ્ત છે
Gondal : ગુજરાતના ગોંડલમાં સામાજીક અને રાજકીય વાતાવરણ ગરમાયુ છે. જેને લઇને આજે તણાવપૂર્ણ સ્થિતિ સર્જાઈ છે. કારણ કે પાટીદાર આગેવાન અલ્પેશ કથીરિયા અને જીગીશા પટેલની મુલાકાતને લઈને શહેરમાં ચુસ્ત પોલીસ બંદોબસ્ત ગોઠવવામાં આવ્યો છે. આ મુલાકાત સુલતાનપુરની જનાક્રોશ સભામાં ગણેશ જાડેજાએ આપેલા પડકારને પગલે યોજાઈ રહી છે. તેમજ અલ્પેશ કથીરિયા, ધાર્મિક માલવિયા અને જીગીશા પટેલ ગોંડલમાં આવે તે પહેલા જ ઠેર ઠેર જગ્યા વિરોધ કરવામાં આવી રહ્યો છે. વિરોધ પ્રદર્શનમાં પાટીદાર યુવાનો સહિત અન્ય સમાજના યુવાનો હાથમાં પોસ્ટર સાથે વિરોધ દર્શાવમાં આવ્યો છે.
રાજકોટના ગોંડલમાં આરપારની જોવા મળી લડાઈ
અલ્પેશ કથીરિયા, જીગીશા પટેલનો ગોંડલમાં વિરોધ
આશાપુરા માતાજી તેમજ સ્વામિનારાયણ મંદિર બહાર વિરોધ
વિરોધને લઈને અલ્પેશ કથીરિયાનો રૂટ ડાયવર્ટ કરાયો
ગોંડલની પ્રજાએ અલ્પેશ કથીરિયાનો કર્યો વિરોધ@OfficialAlpesh #GaneshGondal #JayrajsinhJadeja… pic.twitter.com/0k8zghRWHA— Gujarat First (@GujaratFirst) April 27, 2025
વિવિધ સુત્રોચાર સાથેના પોસ્ટર, બેનર તેમજ કાળા વાવટા ફરકાવી વિરોધ પ્રદર્શન શરૂ
ગોંડલ તાલુકાના રિબડા, ભરૂડી, ભુણાવા, બીલયાળા સહિતના ગામોમાં મોટી સંખ્યામાં લોકો વિવિધ સુત્રોચાર સાથેના પોસ્ટર, બેનર તેમજ કાળા વાવટા ફરકાવી વિરોધ પ્રદર્શન શરૂ કરવામાં આવ્યો છે. ગોંડલ (Gondal )નો વિવાદ પણ હજુ શાંત થવાનું નામ લેતો નથી. સોશિયલ મીડિયામાં અલ્પેશ કથીરીયા (Alpesh Kathiria) અને ગણેશ જાડેજા (Ganesh Jadeja) એ પણ સામે વળતી પોસ્ટ કરી છે. આજે અલ્પેશ કથીરીયા (Alpesh Kathiria) ગોંડલ આવી રહ્યા છે. સ્વાગતની કરો તૈયારીની પોસ્ટ સોશિયલ મીડિયા પર વાયરલ થઈ છે.
ગણેશ જાડેજા(Ganesh Jadeja) પણ સોશિયલ મીડિયામાં પોસ્ટ કરી
ગણેશ જાડેજા (Ganesh Jadeja) દ્વારા પણ સોશિયલ મીડીયામાં પોસ્ટ કરી લખ્યું હતું કે, ભગવતભૂમિ ગોંડલને બદનામ કરનારા તેમજ જાતિવાદી માનસિકતા ધરાવનારનું સ્વાગત કરવા જનતા તૈયાર છે. બંનેના સમર્થકોએ પણ સોશિયલ મીડિયામાં સામ સામે પોસ્ટ કરી હતી. બંનેની સામ સામેની પોસ્ટથી પોલીસ પણ સતર્ક થઈ છે.
સુલતાનપુર ગામે ગણેશ જાડેજાને સમર્થન આપ્યું
ગોંડલના સુલતાનપુર ગામે જયરાજસિંહ જાડેજા (JAYRAJSHINH JADEJA) અને ગણેશ જાડેજા (ganesh jadeja) ના સમર્થનમાં જનઆક્રોશ સભાનું આયોજન કરવામાં આવ્યું હતું. આ સભામાં પાટીદાર આગેવાનો દ્વારા ગણેશ જાડેજા (ganesh jadeja) અને જયરાજસિંહ જાડેજા (jAYARAJSHINH JADEJA)ના સમર્થન જાહેર કરવામાં આવ્યું હતું. ગણેશ જાડેજા (GANESH JADEJA)એ સભામાં નિવેદન આપ્યું હતું કે, સુરતમાં બેસેલા ક્રાંતિકારી કીડાઓ સુધી આ વાત પહોંચવી જોઈએ. ગણેશ જાડેજા (ganesh jadeja) એ અલ્પેશ કથીરિયા (Alpesh Kathiria) મેહુલ બોધરા (Mehul Boghra) અને જિગીષા પટેલ (Jigisha Patel) પર આકરા પ્રહાર કર્યા હતા. અલ્પેશ કથિરીયા (Alpesh Kathiria) પર પ્રહાર કરતા કહ્યું હતું કે, તારા પર 14-14 દીકરાઓના મૃત્યુનું પાપ છે. પહેલા એ ધો પછી ગોંડલ આવજે. મેહુલ બોઘરા (Mehul Boghra) પર પ્રહાર કરતા કહ્યું,”મેહુલ બોઘરા (Mehul Boghra) નું કામ જ્યાં શાંતિ હોય ત્યાં અશાંતિ સ્થાપવાનું છે. જિગીષા પટેલ પર પ્રહાર કરતા કહ્યું,”તું તારું ઘર સાચવી શકતી નથી. ગણેશની ગાડી અડધી રાત્રે ગોંડલ તાલુકામાં જોવા મળશે. માં નું ધાવણ પીધું હોય તો આવી જજો મેદાનમાં.
દૂધીયા દાંત પડે પછી રાજકારણ કરજોઃ જિગીષા પટેલ
આ બાબતે જિગીષા પટેલે (Jigisha Patel) વળતો પ્રહાર કરતા જણાવ્યું હતું કે ભાઈ અમે ઈંટ અને પથ્થર મારવાવાળા નથી. આ 21 મી સદી છે તમે યાદ રાખજો. અમે કાયદાથી જ લડીશું. ગોંડલ માટે અમારી લડત એટલે જ છે કે તમે જે ઈંટ અને પથ્થરનો ખૌફ તમે જે ઉભો કર્યો છે. તેને ખતમ કરવાનું કામ અમારૂ છે. વાત રહી અમારા ઘર સાચવવાની પહેલા ગોંડલ સ્કૂલ બોય તમે પહેલા તમારા મમ્મીના પલ્લુમાંથી અને પપ્પાની ઓથમાંથી બહાર નીકળો. તમે કોઈ સંઘર્ષ કરેલ નથી. તમે જન્મથી ગોંડલ સ્કૂલ બોય છો. માટે તમને સંઘર્ષની વ્યાખ્યા પણ ખબર ન હોય. દૂધીયા દાંત પડે પછી રાજકારણ કરજો. અમારા બહેનની આબરુ જે કાઢતા હોય તેને અમારૂ સમર્થન ન હોય. તમે તમારૂ કરો તો પણ સારૂ. જે લોકો ત્યાં રહે છે તેમનામાં જે ખૌફ છે તે થોડા સમયમાં નીકળી જ જવાનો છે. ગોંડલમાં બધુ સારૂ હોત તો તમારે ગોંડલમાં આટલા હથિયારો સાથે માણસો લઈને કેવી રીતે ફરવું પડત. તમે અમને ગોંડલમાં આવીને લડવાની ચેલેન્જ કરતા હો તો હથિયારના પરવાના આપી બતાવો. ગોંડલ સ્કૂલ બોય અમે તો ગોંડલનાં ગુંડા તત્વોની સામે પડ્યા છીએ.
આ પણ વાંચો: Pakistan Declares Emergency : મુઝફ્ફરાબાદમાં અચાનક 'પૂર', કટોકટી જાહેર... પાકિસ્તાની મીડિયાનો ભારત પર આરોપ