Rajasthan : પાંચ વર્ષમાં કરોડપતિમાંથી અબજોપતિ બનેલા રાજવી પરિવારના ભાજપના ઉમેદવાર, જાણો કેવી રીતે
રાજસ્થાનમાં આ દિવસોમાં વિધાનસભા ચૂંટણીનો પ્રચાર પૂરજોશમાં ચાલી રહ્યો છે. તમામ પક્ષોના ઉમેદવારો માત્ર જાહેર સભાઓ જ નહીં પરંતુ ઘરે ઘરે જઈને લોકો પાસે મત માંગી રહ્યા છે. અહીં મુખ્ય મુકાબલો ભાજપ અને કોંગ્રેસ વચ્ચે છે અને બંને પક્ષોએ તેમના મોટાભાગના ઉમેદવારોની જાહેરાત કરી દીધી છે. નવા ઉમેદવારોએ પણ ઉમેદવારી નોંધાવી છે.
ઉમેદવારોએ નોમિનેશન દરમિયાન આપેલા સોગંદનામામાંથી પણ કેટલીક રસપ્રદ માહિતી સામે આવી રહી છે. આવી જ એક ઉમેદવાર સિદ્ધિ કુમારી છે, જેમને ભાજપે બિકાનેર પૂર્વથી ઉમેદવાર બનાવ્યા છે. સિદ્ધિ કુમારી પાંચ વર્ષમાં કરોડપતિમાંથી અબજીપતિ બની છે. 2018 માં આપેલા એફિડેવિટ મુજબ તેમની કુલ સંપત્તિ 8.89 કરોડ રૂપિયા હતી જે આ વખતે વધીને 1.11 અબજ રૂપિયા થઈ ગઈ છે.
બિકાનેર રાજવી પરિવારની પૂર્વ રાણી અને સિદ્ધિ કુમારીની માતા સુશીલા કુમારીના મૃત્યુ બાદ તેમની સંપત્તિનો મોટો હિસ્સો સિદ્ધિ કુમારીને આપવામાં આવ્યો હતો. તેની કિંમત 80 કરોડ રૂપિયાથી વધુ હતી. જેના કારણે છેલ્લા પાંચ વર્ષમાં સિદ્ધિ કુમારીની સ્થાવર મિલકત 30 લાખ રૂપિયાથી વધીને 85.78 કરોડ રૂપિયા થઈ ગઈ છે. હાલમાં તેમની પાસે 16.52 કરોડ રૂપિયાની જંગમ સંપત્તિ છે જે 2018માં 3.67 કરોડ રૂપિયા હતી.
વસુંધરા પાસે ઘણી સંપત્તિ છે
અન્ય નેતાઓની વાત કરીએ તો, જો છેલ્લી વિધાનસભા ચૂંટણીમાં સબમિટ કરવામાં આવેલા સોગંદનામા સાથે સરખામણી કરવામાં આવે તો પૂર્વ સીએમ વસુંધરા રાજેની જ્વેલરીમાં 1 કરોડ રૂપિયાનો વધારો થયો છે. 2018માં આપેલા એફિડેવિટ મુજબ તેની પાસે 1.08 કરોડ રૂપિયાની જ્વેલરી હતી જે આ વખતે વધીને 2.40 કરોડ રૂપિયા થઈ ગઈ છે.તેમની પાસેની રોકડ પણ વધી ગઈ છે. પાંચ વર્ષ પહેલા તેમની પાસે 1.29 લાખ રૂપિયાની રોકડ હતી જે આ વખતે વધીને 2.05 લાખ રૂપિયા થઈ ગઈ છે. તેવી જ રીતે બેંકમાં જમા રકમ પણ પાંચ વર્ષમાં 51.24 લાખ રૂપિયાથી વધીને 58.74 લાખ રૂપિયા થઈ ગઈ છે. પાંચ વર્ષ પહેલા તેની પાસે 5.33 લાખ રૂપિયાની લોન હતી જે હવે ચુકવી દેવામાં આવી છે. તેણે સિંધિયા પોટરીઝ એન્ડ સર્વિસીસને 1.14 કરોડ રૂપિયા ઉછીના આપ્યા છે.
સીપી જોશી આટલા કરોડના માલિક છે
રાજસમંદ જિલ્લાની નાથદ્વારા વિધાનસભા બેઠકના કોંગ્રેસના ઉમેદવાર અને વર્તમાન વિધાનસભા અધ્યક્ષ સીપી જોશી પાસે 3.72 કરોડ રૂપિયાની સંપત્તિ છે. તેની પાસે જ્વેલરીના નામે કંઈ નથી. એફિડેવિટ મુજબ તેમની પાસે માત્ર 36,551 રૂપિયા રોકડા છે. જ્યારે 1.05 કરોડની સ્થાવર મિલકત છે.
આ પણ વાંચો : Assembly Elections 2023 : MP-રાજસ્થાન અને છત્તીસગઢમાં કોની બની રહી છે સરકાર?, જાણો કોને કેટલી સીટ