tennis Tournament : રોહન બોપન્નાએ રચ્યો ઇતિહાસ, US ઓપનની ફાઇનલમાં એન્ટ્રી
ભારતીય ફેન્સ માટે US ઓપનમાંથી એક સારા સમાચાર આવ્યા છે જેમાં ભારતના રોહન બોપન્ના અને તેના ઓસ્ટ્રેલિયાના પાર્ટનર મેથ્યુ એબ્ડેનની જોડીએ ગઈકાલે યુએસ ઓપનના મેન્સ ડબલ્સની ફાઈનલમાં પહોંચી ગયા છે. આ સાથે જ રોહન બોપન્નાએ ઈતિહાસ રચતા એક રેકોર્ડ પણ બનાવ્યો છે. બોપન્ના પહેલા અન્ય કોઈ પુરુષ ખેલાડી આ ઉમ્રમાં ઓપન યુગમાં કોઈપણ ગ્રાન્ડસ્લેમની ફાઈનલમાં પહોંચ્યા નથી. રોહન બોપન્ના અને મેથ્યુ એબ્ડેન હવે લુઈસ આર્મસ્ટ્રોંગ સ્ટેડિયમમાં ફાઈનલમાં યુએસએના રાજીવ રામ અને ઈંગ્લેન્ડના જો સેલિસબરીની જોડી સામે ટકરાશે.
અમેરિકન અને બ્રિટિશ જોડી ત્રીજી વખત ફાઇનલમાં પહોંચી
અમેરિકન અને બ્રિટિશ જોડી ઓપન યુગમાં સતત ત્રીજી વખત યુએસ ઓપનની ફાઇનલમાં પહોંચી છે. જો તેઓ ટાઈટલ જીતવામાં સફળ રહેશે તો ઓપન યુગમાં સતત ત્રણ ટાઈટલ જીતનારી પ્રથમ મેન્સ ડબલ્સ જોડી બની જશે. રોહન બોપન્નાએ તેની કારકિર્દીમાં બીજી વખત યુએસ ઓપન મેન્સ ડબલ્સની ફાઇનલમાં જગ્યા બનાવવામાં સફળતા મેળવી છે. રોહન બોપન્ના અગાઉ 2010માં પાકિસ્તાની પાર્ટનર ઈસમ-ઉલ-હક કુરેશી સાથે યુએસ ઓપન મેન્સ ડબલ્સની ફાઇનલમાં રમ્યો હતો.
View this post on Instagram
13 વર્ષની યાદો તાજી થઈ ગઈ છેઃ રોહન બોપન્ના
મેચ જીત્યા બાદ રોહન બોપન્ના ઘણો ખુશ દેખાઈ રહ્યો હતો. "જ્યારે અમે પહેલા સેટમાં બ્રેક પોઈન્ટ બચાવ્યા પછી ડબલ બ્રેકમાં જવાનું ટાળ્યું, ત્યારે તે ખૂબ જ મહત્વપૂર્ણ હતું. અમને ભીડમાંથી ઘણી ઉર્જા મળી. હું 13 વર્ષ પછી ફાઇનલમાં પાછો ફર્યો છું," તેણે કહ્યું. કહ્યું. તેથી હું ખૂબ ખુશ છું.
આ સિદ્ધિ સાથે 43 વર્ષીય રોહન બોપન્ના ઓપન એરામાં ગ્રાન્ડ સ્લેમની ફાઇનલમાં પહોંચનાર સૌથી મોટી ઉંમરનો ખેલાડી પણ બન્યો છે. રોહન બોપન્નાએ બે મહિનાના અંતરથી કેનેડાના ડેનિયલ નેસ્ટરનો રેકોર્ડ તોડ્યો હતો. ડેનિયલ નેસ્ટર 43 વર્ષ અને 4 મહિનાનો હતો જ્યારે તે ગ્રાન્ડ સ્લેમ ફાઇનલમાં રમ્યો હતો, જ્યારે રોહન બોપન્ના 43 વર્ષ 6 મહિનાનો છે.
આ પણ વાંચો -ASIA CUP : ચાલુ મેચમાં સ્ટેડિયમની લાઈટ બંધ, પાકિસ્તાન ક્રિકેટ બોર્ડનું એકવાર ફરી નાક કપાયું