• ટોયોટા ફોર્ચ્યુનર લઈને મુશ્કેલીમાં મુકાયા Akashdeep
• વાયરલ તસવીરો બની વિવાદનું કારણ
• ટોયોટા ફોર્ચ્યુનર કેસમાં શોરૂમ પર કડક કાર્યવાહી
• ટેક્સ અને રજીસ્ટ્રેશન વિના કાર સોંપવાનો ખુલાસો
• Akashdeep ને કાર જપ્ત કરવાની ચેતવણી
• શોરૂમના બીજા બ્રાન્ચને એક મહિના માટે સસ્પેન્ડ

Akashdeep bought a Fortuner : ભારતીય ક્રિકેટ ટીમના આંતરરાષ્ટ્રીય ખેલાડી આકાશદીપ તાજેતરમાં ચર્ચામાં આવ્યા છે, પરંતુ આ વખતનું કારણ મેદાન પરનું પ્રદર્શન નહીં પરંતુ તેમના નવા વાહન સાથે જોડાયેલો વિવાદ છે. રક્ષાબંધનના અવસર પર, તેમણે લખનૌના ચિન્હટ વિસ્તારમાં આવેલી સની મોટર્સ પ્રાઇવેટ લિમિટેડના શોરૂમમાંથી ટોયોટા ફોર્ચ્યુનર ખરીદી હતી. ખરીદીના દિવસે આકાશદીપ (Akashdeep) એ પોતાની બહેન સાથેની કારની તસવીરો સોશિયલ મીડિયા પર પોસ્ટ કરી હતી જે ઝડપથી વાયરલ થઈ ગઈ. પરંતુ આ તસવીરો જ હવે મુશ્કેલીનું કારણ બની છે.

રજીસ્ટ્રેશન વિના વાહન સોંપવાનો આરોપ

ટ્રાન્સપોર્ટ કમિશનર કચેરીને તપાસ દરમિયાન જાણવા મળ્યું કે, શોરૂમે નિયમોનું ઉલ્લંઘન કરીને રજીસ્ટ્રેશન પ્રક્રિયા પૂર્ણ કર્યા વિના આકાશદીપને કાર આપી હતી. વાહન માટે હાઇ સિક્યોરિટી રજીસ્ટ્રેશન પ્લેટ (HSRP) પણ તૈયાર કરવામાં આવી ન હતી. ટ્રાન્સપોર્ટ વિભાગે અગાઉથી તમામ ડીલરોને સૂચના આપી હતી કે રજીસ્ટ્રેશન અને HSRP વિના કોઈ પણ વાહન જાહેર માર્ગ પર ન ઉતારવું. તેમ છતાં, લખનૌના શોરૂમે આ નિયમોને અવગણ્યા હતા.

 

View this post on Instagram

 

A post shared by Akash Deep (@akash.deep969)

તપાસ અને તારણ

સોશિયલ મીડિયા પર વાયરલ થયેલા ફોટાના આધારે વિભાગે ARTO પ્રદીપ કુમાર સિંહને તપાસ સોંપી હતી. તપાસમાં જાણવા મળ્યું કે ફોર્ચ્યુનરનું વેચાણ ઇનવોઇસ 7 ઓગસ્ટ 2025ના રોજ જારી કરવામાં આવ્યું હતું, જ્યારે વીમો 8 ઓગસ્ટે કરવામાં આવ્યો હતો. તેમ છતાં, રોડ ટેક્સ ભરવામાં આવ્યો ન હતો, જેના કારણે રજીસ્ટ્રેશન પ્રક્રિયા અધૂરી રહી હતી. નિયમ મુજબ, ટેક્સ ભર્યા વિના HSRP તૈયાર થઈ શકતી નથી. તપાસ રિપોર્ટમાં સ્પષ્ટ થયું કે વાહન રજીસ્ટ્રેશન વિના જાહેર સ્થળે મળ્યું, જે નિયમનો ભંગ છે. આ કારણે ટ્રાન્સપોર્ટ કમિશનરે આકાશદીપને ચેતવણી આપતાં જણાવ્યું કે જો આ કાર રસ્તા પર જોવા મળશે તો તેને જપ્ત કરવામાં આવશે અને કાયદેસરની કાર્યવાહી પણ થશે.

શોરૂમ અને Akashdeep બંને પર કાર્યવાહી

ટ્રાન્સપોર્ટ વિભાગે માત્ર આકાશદીપને જ નહીં, પરંતુ શોરૂમ ઓપરેટરને પણ કારણદર્શાવો નોટિસ આપી છે. આ જ કંપનીના બીજા શોરૂમને એક મહિના માટે સસ્પેન્ડ કરવામાં આવ્યો છે. વિભાગે શોરૂમની અન્ય ખામીઓ પણ નોંધાવી છે, જેમાં ફક્ત ફેન્સી નંબર બુકિંગ રસીદ આપવી અને પૂર્ણ રજીસ્ટ્રેશન વિના વાહન સોંપવું સામેલ છે. શોરૂમના સ્ટાફના જણાવ્યા મુજબ, કાર માટે UP 32 QW 0041 નંબર ફાળવવામાં આવ્યો હતો, પરંતુ રક્ષાબંધનના દિવસે શનિવાર હોવાથી ટેક્સ કાપવાની પ્રક્રિયા થઈ શકી નહોતી અને HSRP તૈયાર થઈ શકી નહોતી. તેમ છતાં, કાર આકાશદીપને સોંપવામાં આવી.

નિયમોનું મહત્વ

ટ્રાન્સપોર્ટ વિભાગે ફરી સ્પષ્ટ કર્યું છે કે કોઈ પણ નવું વાહન ટેક્સ ભર્યા અને રજીસ્ટ્રેશન પૂર્ણ કર્યા વિના જાહેર માર્ગ પર ચલાવવું ગેરકાયદેસર છે. આ કેસમાં સોશિયલ મીડિયા પર વાયરલ થયેલી તસવીરો જ મુખ્ય પુરાવા સાબિત થઈ, જેના આધારે કાર્યવાહી થઈ રહી છે.

આ પણ વાંચો :   Mankading Rule Controversy : ક્રિકેટનો વિવાદાસ્પદ નિયમ જેને હવે રન આઉટ તરીકે ઓળખાય છે