• પાકિસ્તાનની ટીમે ફજેતીથી બચવા પ્રેસ કોન્ફરન્સ રદ કરી
• ભારત જોડેની મેચ પહેલા નવી રણનીતિ અપવાની
• અગાઉની મેચ પાકિસ્તાન ભૂંડી રીતે હાર્યું હતું

Pakistan Team Cancel Press Conference : એશિયા કપ 2025 (Asia Cup - 2025) માં ભારત અને પાકિસ્તાન (India - Pakistan Cricket Match) વચ્ચે સુપર ફોર (Super Four) અંતર્ગત રવિવારે દુબઈ ઇન્ટરનેશનલ ક્રિકેટ સ્ટેડિયમ (Dubai International Cricket Stadium) ખાતે મેચ રમાશે. આ મેચ રાત્રે 8:00 વાગ્યે શરૂ થશે. ભારતીય ટીમે ગ્રુપ સ્ટેજ મેચમાં પાકિસ્તાની ટીમને સાત વિકેટથી હરાવી હતી. હવે, સૂર્યા બ્રિગેડ આ મેચમાં પણ આ જ દમદાર પ્રદર્શનનું પુનરાવર્તન કરવાનો પ્રયાસ કરશે.

🚨 Pakistan has once again cancelled its pre-match press conference ahead of the Pakistan India game ( Sohail Imran) pic.twitter.com/DZhiaX7OqJ

— junaiz (@dhillow_) September 20, 2025

ટીમને મોટીવેશનની જરૂરત પડી

પાકિસ્તાની ક્રિકેટ ટીમે આ મોટી ટક્કર (India - Pakistan Cricket Match) પહેલા નવી રણનીતિ અપનાવી છે. ટીમે મેચ પહેલાની પ્રેસ કોન્ફરન્સ રદ (Pakistan Team Cancel Press Conference) કરી છે. વધુમાં પાકિસ્તાની ટીમે તેમના કેમ્પમાં વક્તા ડૉ. રાહીલને ઉમેર્યા છે. પાકિસ્તાની ટીમના આ અચાનક પગલાથી ચાહકો આશ્ચર્યચકિત થયા છે.

વિક્ષેપો અને પ્રશ્નોથી દૂર રહે

પાકિસ્તાની ટીમ મેનેજમેન્ટ ઇચ્છે છે કે, ખેલાડીઓ મેચ પહેલા બહારના વિક્ષેપો અને પ્રશ્નોથી દૂર રહે, અને માનસિક રીતે મજબૂત રહે. આ જ કારણ છે કે, ખેલાડીઓને માનસિક શક્તિ અને આત્મવિશ્વાસ પૂરો પાડવા માટે ટીમમાં એક પ્રેરક વક્તા ઉમેરવામાં આવ્યો છે. ડૉ. રાહીલનું કામ પાકિસ્તાની ખેલાડીઓને માનસિક શક્તિ, આત્મવિશ્વાસ વિકસાવવા અને મેચના દબાણને સંભાળવા માટે તાલીમ આપવાનું રહેશે.

હાથ મિલાવવાના વિવાદ પછી માહોલ ગરમ

ભારત અને પાકિસ્તાન (India - Pakistan Cricket Match) વચ્ચેની ગ્રુપ-સ્ટેજ મેચમાં હાથ મિલાવવાનો વિવાદ થયો હતો. મેચ પછી ભારતીય ખેલાડીઓએ પાકિસ્તાની ખેલાડીઓ સાથે હાથ મિલાવવાનો ઇનકાર કર્યો હતો, જેનાથી પાકિસ્તાની ટીમ ગુસ્સે થઈ હતી. આ ઘટના બાદ, પાકિસ્તાને મેચ પછીની પ્રેસ કોન્ફરન્સનો બહિષ્કાર કર્યો હતો. પાકિસ્તાન ક્રિકેટ બોર્ડે (PCB) ભારતીય ટીમ અને મેચ રેફરી એન્ડી પાયકોટ વિરુદ્ધ પણ ફરિયાદ નોંધાવી હતી. જો કે, આંતરરાષ્ટ્રીય ક્રિકેટ પરિષદ (ICC) એ PCB દ્વારા દાખલ કરાયેલી ફરિયાદોને ફગાવી દીધી હતી.

એક અઠવાડિયા પછી બંને ટીમો ફરી ટકરાશે

ભારત અને પાકિસ્તાન વચ્ચેની ક્રિકેટ મેચ (India - Pakistan Cricket Match) હંમેશા માત્ર એક રમત કરતાં વધુ રહી છે, પરંતુ ભાવના, સ્પર્ધા અને વ્યૂહરચના વિશે પણ રહી છે. હવે, એક અઠવાડિયા પછી, બંને ટીમો ફરીથી ટકરાવવાની તૈયારીમાં છે. પ્રથમ મેચ પછી વાતાવરણ ગરમાયું છે, અને ચાહકોમાં ઉત્સાહ ચરમસીમાએ છે.

આ પણ વાંચો -----  ક્રિકેટ પ્રેમીઓ મૂંઝવાયા! રવિવારની India vs Pakistan ની મેચને લઇને સોશિયલ મીડિયામાં મીમ્સનો વરસાદ