• Asia Cup T20 : ટોચના 5 રન-સ્કોરર
• વિરાટ કોહલીનો દબદબો Asia Cup માં
• એશિયા કપ T20 માં ભારતીય બેટ્સમેનનું પ્રભુત્વ
• ટોપ 5 સ્કોરર્સમાં ભારતના બે દિગ્ગજ

Asia Cup T20 : જેમ-જેમ એશિયા કપ નજીક આવી રહ્યો છે તેમ-તેમ ક્રિકેટ ચાહકોમાં ઉત્સાહ વધી રહ્યો છે. આ વર્ષે આ ટુર્નામેન્ટ ભારતની યજમાનીમાં UAE માં રમાવાની છે. જોકે આ ટૂર્નામેન્ટમાં દરેક મેચનું પોતાનું મહત્વ છે, પરંતુ ભારત અને પાકિસ્તાન (India and Pakistan) વચ્ચેની મેચ હંમેશા ખાસ હોય છે. આ ટુર્નામેન્ટ T20 ફોર્મેટમાં રમાઈ રહી છે, જેનું મુખ્ય કારણ આગામી T20 World Cup છે. T20 ફોર્મેટમાં યોજાયેલા એશિયા કપ (Asia Cup) માં સૌથી વધુ રન બનાવનારા ખેલાડીઓની યાદીમાં ભારતીય બેટ્સમેનોનું પ્રભુત્વ જોવા મળે છે. ચાલો આ ફોર્મેટમાં ટોચના 5 રન-સ્કોરર વિશે વિગતવાર જાણીએ.

1. વિરાટ કોહલી (India)

આ યાદીમાં પ્રથમ સ્થાન પર ભારતના ભૂતપૂર્વ કેપ્ટન અને રન મશીન વિરાટ કોહલી છે. એશિયા કપ (Asia Cup) ના T20 ફોર્મેટમાં કોહલીના બેટથી રનનો ધોધ વહ્યો છે. તેણે 10 મેચની 9 ઇનિંગ્સમાં 429 રન બનાવ્યા છે. આ દરમિયાન તેનો સર્વશ્રેષ્ઠ સ્કોર 122 અણનમ રન રહ્યો છે, જે દર્શાવે છે કે તે દબાણ હેઠળ પણ શાનદાર પ્રદર્શન કરી શકે છે. કોહલીએ આ રન 3 અડધી સદી અને એક શાનદાર સદીની મદદથી બનાવ્યા છે, જે તેને આ યાદીમાં સૌથી મોખરે રાખે છે.

2.  Asia Cup માં મોહમ્મદ રિઝવાનનું આક્રમક પ્રદર્શન (Pakistan)

પાકિસ્તાનના વિકેટકીપર-બેટ્સમેન મોહમ્મદ રિઝવાન આ યાદીમાં બીજા સ્થાને છે. રિઝવાને 6 મેચમાં 281 રન બનાવ્યા છે, જેમાં 3 અડધી સદીનો સમાવેશ થાય છે. તેનો સર્વશ્રેષ્ઠ સ્કોર 78 અણનમ રન છે. જોકે, તેનો સ્ટ્રાઈક રેટ માત્ર 117 રહ્યો છે, જે આક્રમક T20 ક્રિકેટના માપદંડ મુજબ થોડો ઓછો ગણી શકાય. તેમ છતાં, તેની સતત રન બનાવવાની ક્ષમતા તેને ટોચના ખેલાડીઓમાં સ્થાન આપે છે.

3. રોહિત શર્મા (India)

ભારતીય ક્રિકેટ ટીમના વર્તમાન કેપ્ટન અને અનુભવી બેટ્સમેન રોહિત શર્મા પણ આ યાદીમાં ત્રીજા સ્થાને છે. રોહિતે એશિયા કપની 9 મેચમાં કુલ 271 રન બનાવ્યા છે. તેના બેટમાંથી 2 અડધી સદી નીકળી છે અને તેનો સર્વશ્રેષ્ઠ સ્કોર 83 રન છે. રોહિત શર્માએ ભારતીય ઇનિંગ્સને મજબૂત શરૂઆત આપવામાં ઘણી વખત મહત્વની ભૂમિકા ભજવી છે.

4. બાબર હયાત (હોંગકોંગ)

આ યાદીમાં એક આશ્ચર્યજનક નામ હોંગકોંગના બાબર હયાતનું છે, જે ચોથા સ્થાને છે. તેણે માત્ર 5 મેચમાં 235 રન બનાવ્યા છે, જેમાં એક સદી અને એક અડધી સદીનો સમાવેશ થાય છે. તેનો સર્વશ્રેષ્ઠ સ્કોર 122 રન રહ્યો છે. હયાતનું આ પ્રદર્શન દર્શાવે છે કે નાના દેશોના ખેલાડીઓ પણ મોટા મંચ પર પોતાની પ્રતિભા સાબિત કરી શકે છે.

5. ઇબ્રાહિમ ઝદરાન (Afghanistan)

અફઘાનિસ્તાનના યુવા બેટ્સમેન ઇબ્રાહિમ ઝદરાન આ યાદીમાં પાંચમા સ્થાને છે. તેણે 5 મેચમાં 196 રન બનાવ્યા છે, જેમાં એક અડધી સદી સામેલ છે. તેનો સર્વશ્રેષ્ઠ સ્કોર 64 અણનમ રન છે, અને તે બે વખત અણનમ પણ રહ્યો છે. જોકે તેનો સ્ટ્રાઈક રેટ 104 રહ્યો છે, જે અન્ય ખેલાડીઓની સરખામણીમાં ઓછો છે, પરંતુ તેની સતત રન બનાવવાની ક્ષમતા તેને આ યાદીમાં સ્થાન અપાવે છે.

આ પણ વાંચો :  'ધોનીએ બહાર કર્યા પછી નિવૃત્તિનો હતો વિચાર પણ..!' Virender Sehwag નું ચોંકાવનારું નિવેદન